Nikonghong

Home » Lai & Kampau » Leitung ah Kampau Nam tam mama bo

Leitung ah Kampau Nam tam mama bo

Leitungah pau tam mama sia, kum sim bo hi ci in pau lamsang a kan mipilte in son hi. Tua sungah America ngam sung Oklahoma state sungah a teang minam khat ii kampau nam khat zong kihel hi. Tulaitak leitungah pau nam 7000 kiim bang om tu in ki-um aa, tua sung pan a lang vaal sia, kumzalomh 21 boma in bo tu hi ci in K. David Harrison, Swarthmore College linguist le Enduring Voices project ii co-directorpa, in son hi.

Oklahoma sung a teang, Yuchi minamte in tuni, amate Yuchi kam a pau theilai khanghaam tawm bekma nungta lai hi. A khangthakte English babek zangh uh ahikom, tua akhanghaam pawl khat teng hong thi le, Yuchi kam sia leitung pan a botu ahihi.

Leitungah kam pau botu a kithuaina mun 4 teng sia,

  1. Northern Australia ah a om Amurdag kam tawtawm a pautheilai anungta pasal khat om aa, amin sia Charlie Mungulda ki ci hi. Ama in Amurdag kam mal 100 kiim bang tel vamial lai hi. A thisa ahi a Pa in a thima ahil, a tepte tua kamal 100 teng sia, a ma thile Amurdag kam tawm a om lai teng a thipuitu a hihi.
  2. Central South America Bolivia ngamah a om Kallawaya pau sia, kum 400 sung bang Kallawaya minamte in zangh hikale, tu ni tua kam a pau thei mimal tawm mama zo aa, tuteng hong thi le Kallawaya pau a mong tu ahihi.
  3. The Northwest Pacific Plateau (USA) Oregon state sungah Siletz Dee-ni ci kampau nam khat om hikale, tu ni tua pau apauthei numei khat bekma nungtalai hi. Siletz Dee-ni te in eima Zomite bangma kam ananam (Sizang, Tedim, Halkha…etc) nam 27 bang nei ngei hikale, tua numei nu hong thile Siletz Dee-ni pau a kengtu, athipuitu ahihi.
  4. Eastern Siberia (Russia) sungah kam pau nam 23 bang sia tuni apauthei tawm mamazo ahikom, kum ngei ngawl in tua kampau nam 23 te bo tu hi ci in pau lamsang pilna neite in son hi.

Kampau (language) in minamte ii ngeina, ngaisut dan le nuntaak dante tam mama hong tel sak thei hi. Paraguay ngam sung om Lengua kam bang sia, a tepte huai tam mama nei hi. Sontena numbat (1 2 3…etc) a sim uh ciang, ei 11 (sawm le khat) ki ci cileang, amate kam in, (Piang thengzo ေျခေထာက္ေရာက္ၿပီ) ci hi. Acinopna in 1 2 3 4 sia khutme (fingers) pan asim tato sငေ, 10 zawk ciang khutme nei nawn ngawl tana 11 sia Piang thengzo ci pai hi. 12 sia Piang thengzo ni po ci tha tu ve maw. 20 a thet laleao ciang Piang bozo ci laleao hituak hi. A ci nopna in sim theitu aneiteng bo siat le 20 hi cinuam hile kilawm.

Siberia ngam sung om Nivkh minamte ii pau laleaoah, 1 2 3 4 ….sia, a sim vanh tung zui in nam 26 in zang thei hi. Ci nopna in numbat 1 (khat) babek sia, a vanh zui in sim dan nam 26 nei ci hi. Sontena bawlung bang sia beam hitana bawlung khat, Ciangkang bang sia sau hitana a sim tu uh te ciangkang khat ci in sim ngawl aa, sontena ciangkang (bat). Inn bang a simtute Inn (nat) ci bang in khat babekse, avanh zui in sim dan nam 26 bang in nei hi tuak hi. 2 3 4 5 nambat theampo nam 26 bang in nei siat hi. Tuni tua pau zong a bokuantu kampau nam khat hizo hi.

Leitung mihing theampo ii zakhen 80% in kampau nam 83 (English, French, Chinese, Japanese…etc) zangh aa, kampau nam 3500 kiim bang sia, leitung mihing theampo ii zakhen 0.2 % (zakhen 1% cing ngawl) in zangh hi. Tua zakhen 0.2% ii zak kampau nam 3500 te sia, kumzalomh 21 boma a om lai thong katawm maw? ci sia ngaisutnop huai mama hi.

Ei Sizang kam ee?  bangbang ahitu? Bo sak liang baw liang kilawm maw.

Itna taw

TN
Heaktu: “September 19, 2007 ni Washington Post sungah Rick Weiss ii at Vanishing Language identified  ka doppha hi.

Vanishing Languages Identified
Oklahoma Is Among Places Where Tongues Are Disappearing
By Rick Weiss
Washington Post Staff Writer
Wednesday, September 19, 2007

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,075 hits

A Lui Te

Twitter Updates

Error: Twitter did not respond. Please wait a few minutes and refresh this page.

Live Trific

google-site-verification: googled172884ff34d55c0.html