Nikonghong

Home » Leitung » Israel Ngam Thu Pawlkhat

Israel Ngam Thu Pawlkhat

Topa Jesu leitungah hong pianna ngam ahi, Israel sea, ih khan sung khat vei peuma pai nuam ing ci in ki ngaisun tek hi. Nidang kawl ngam sung om lai se, mang zong kiman ngam ngawl phial ve, ngamdang munh tatuam ih thet zawk ciang se, Israel ngam zong banghang theng zo ngawl tu ziam ci ngaisutna te hong piang hi.
USA om te atu, tour group taw pai tu hi leang, nipi khat ai (vanleang saap, hotel man le an neak) US $ 3000 kiim bang tung hi tuak hi. $ 3000 sea tam lei ngawl ahihang tawm tuan ngawl vave hi. Hitana planning taw, tu zawk kum 2 bang ciang pai tu in ngeal leang ahoibelh katamw maw ci in ngai sun ing. Calvary Burmese Church (Washingtong DC) pan zong, 2012 ciang in pawlpimi apai nuam teng group tour in pai zawk natu ngeal khol, ngiim kholna nei hi. Apai nuam teng in tupan kipan sum tawm khol tu cina hi. Israel ngam pai nuam te atu anuai ah thu pawl khat te heak khol nop huai sa ing.

CAPITAL: Jerusalem

KAMPAU: Modern Hebrew le Arabic sea official languages in kizangh hi. English zong mun theampo phialah ki zangh thei hi. Tua ngawl Piantit, Spain, Germany, Yiddish, Russia le Poland kam zong a tel tam hi.

VISA LE AKISAMH PAWL KHAT: Na passport sea Israel pan na ciakik tu ni zawk, tha 6 sung anungta tu ki samh hi. US ngammi te visa laak kul ngawl, without visa taw tum thei.

SUM: ” Shekel” zangh hi. ATM set munh theampoah om hi. US ah akizangh Maestro, Cirrus, NYCE, MasterCard, VISA le American Express te kizangh thei hi. US ngam ban Card (Bank card) na nei le bangma kul ngawl in amate ATM setpan “Shekel” ki thuk pai thei hi. US ah aom na bank account sungpan automatic in sum na dawk tu hi. Sai theampo phial in US dollars le credit cards theampo saang hi. Sum (cash) le traveler’s checks se, ban ah ahizong hotel ah ahizong ol takin ki theak thei hi.

PUBLIC HOLIDAYS: Ban le zum theampo holiday ni, nilangh (nitak sang) khak hi. Saturday (Jew te Sabbath) ni se, munh theampo phial ki khak siat hi. Ahihang Jewish calendar tung tawn in aki khak siat ngawl ni zong om vave hi.
Feb/Mar    Purim
Mar/Apr    Paisan poai ( Passover)
Apr/May    Suatak ni ( Independence day), Lag Ba’Omber
May/Jun     Jerusalem Day, Shavu’ot
Jul/Aug     Tisha B’Av
Sep/Oct  Rosh Hashana (Jewish New Year), Yom Kippur, Succot, Simhat Torah
Nov/Dec    Hanukkah

Muslim le Christian taw kisai holiday ni te zong akilawm babang in sai zum te ki khak hi.

ELECTRICITY: 220 volts zangh hi.. US pan pai te atu Electric vanh na keng leh, plug adapter kisamh.

CIDAMNA: Health taw kisai sea nuam, pii cing mama hi.

AN NEAK: Israeli-style breakfasts le nitak an taw veo hotel ah hong ki pia hi. Sa le khui nuai ahibawle, khui nuai pan piang neak thei dawn thei khat papo ne khawm ngawl hi (meat and dairy cannot be served together.)

KHUA HUN: Khua khaal hun sau peuma hi. A tam zaw khua lum ate ngua tui tawm mama hi. Mual tungah aki lam khual no pawl khat le Jerusalem se khua khaal sungah a nuam kik belhna munh hi. Phalbi sea April pan October sung dong hi ate, thuaklaak tu zadong sik tuan ngawl hi. Tuipi thi (Dead sea) a haw nuam te atu phalbi hun sea hoi bel hi.

Hi lai sim theampo Topa in thupha hong pia hen ate, Israel ngam a pai zo tu in hong siam ta hen.

Thawngno

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,038 hits

A Lui Te

Live Trific

google-site-verification: googled172884ff34d55c0.html