Nikonghong

Home » USA » America taangthu (Brief History of America) (2)

America taangthu (Brief History of America) (2)

1600 kum kiim lai, ngam nusia in atai se,  Britishte tam bel hi. Tuazawkciang, Netherlands, Sweden, Germany, Francete hi aa, khaaksang ciang. Scotland le Northern Irelandte zong a ngam uh nusia in tai siasua uh hi. Pawl khatte in ngaal pial nuam in atai uh hi aa, pawl khat in ki-uknadan adei ngawl uh man in atai zong tam mama hi. Adang pawl khat in Biakna upna huvau vawtsiat thuak nuam ngawl ahiman angam nusia zong tam mama hi. Sal hina pan suakta nuam atai zong om hi.
1690 kum ciang, America leitanghpi tungah mimal 250,000 bang theng zo aa, tua zawk kum 100 cinhma in 2.5 million bang phato pai hi. Amasa in America leitanghpi tungah colony ngam 13 om hi. Tu hun Massachusetts, Connecticut le Rode Island state omna teng se, tua hun in New England ki ci aa, thing le thing pan piang vanh tatuam taw sumzonna, ngasa vaina, tuipikuang vawtna (ship building) cite taw hong khangto hi. New England thang se, New York le Pennsylvania om aa, khuahun tawm lumzaw ahikom lothaw le set vanh lamsang khangto aa, khuapi lian mama pawl khat hong piangkhia aa, minam tam mama teang khawm uh hi. Sontena New York khua bang se Bohemians, Dane, Dutch, English, French, Germans, Irish, Italians, Norwegians, Poland, Portuguese, Scots le Sweden minamte teang khawmtek uh hi.  Thang sang enksuk leang, Virginia, Georgia le Carolinas colony ngamte om hi. Tua munteng se, ankung suan natu leidat hoi (fertilized) ahikom lothomi tam hi. Lo lian mama pawl khat zong om aa, Africa mivomte sal in zangh aa, naa seamsak uh hi.
Europe pan hong peam mikaangte le American Indiante kilaklaw kizopna zong buaina tatuam om tawntung hi. Mikaangte hong tam vaial ahikom, Indiante se, dui thukna sangah ki-niil susuk hi. Hi colony ngam 13 te sungah ateang mihingte ii nuntaknatu British kumpite in bangma hivacinh in vawtsak zo ngawl aa, amate le amate akilawm babang ngamta, ngaaldo, sum zong in nungta uh hi. Georgia colony ngam khat bekma Bristish kumpi khut nuai ah, company dan in om hi. 1688-89 kum ciang in England ah buaina tatuam hong om aa, kumpi King James II in aana (power, authority) ama sepma kumpite bang in hong nei nawn ngawl aa, mipite suatakna hong nga hi. Tua thu taw kizui in America colony ngamteng sung zongah, kumpipa cibabang hi ngawl, eimatek ii thu se eimale eima suakta tatak in ngamta theitu ci idea thak, ngaisutna thak hong piangkhia hi.
Local kumpi neitu dong hong kipan hi. Angei vaial ciang in ngaisutnate hong kilalai aa, British kumpite khut nuai ah, om ngawl tu, eima le eima ngam thak khat in dingtu ci ngaisutna hong piang hi. Tua ngaisutnate taw kizui in Englandte tungpan Suatakna (Independence) ngen hi.
England ii neisa hi colony ngam 13 in 1700 kiim ciang, pii hong cing mama hi. Mimal zong tam mama, sum zonna lamsang zong haat mama aa, ngeina thak zong tam mama piangkhia hi. Europe pan in America athet sawng, Virginia colony ngam sungah Jamestown khua akisaat zawk kum 170 ciang in Americante in amate le amte kumpi dingtu in hong kipan hi. British kumpite langpangtu, dotu in hong kipankhia aa, United States of America ci-in leitungah ngam thak khat hong suak hi.
1750 kum in Europeah British le France te kisim in ngaal kido hi. Tua ngaal se, America leitanghpi tung zongah hong law hi. Britishte in ngaal zo ahikom, America leitanghpi tungah British colony ngam zong hong zai zaw hi.
British kumpite in sum zonna taw kisai upadi tamma anuai abang in hong lai hi.
  • 1763     leitangh taw kisai upadi.
  • 1764     pheangse (tax) upadi (luxury vanh, coffee, nai puan, wine tungpan pheanse khonna)  Rum(zu nam khat) British kumpi awina om ngawl in zuak thei ngawl tu cina upadi.
  • 1764     danka (sum) taw kisai upadi. (England kupite awina om ngawl in dangka meak thei ngawltu)
  • 1765     Quartring upadi ( England kumpipa ngaalkapte ration (neak le dawn) tu le omna tu inn athet na papoah vaihawm sak tu ci na )
  • 1765     Lailu upadi (England ngampan akivawt lailu bekma colony ngam 13 sungah ki zangh thei tu)
British ngaalkapte

Hi atungaa upadite se, England kumpite in Colony ngam 13 sungah kumpi aana zangh in zawthawk vai hi ci in ngaisun uh ahikom 1765 October 27 ni, colony ngam 9 pan delegatete New York khuaah kisi in lailu upadi akizak ngawl thei natu le, pheangse taw kisai England kumpi khut nuaipan suaktakna nga thei natu kikupna hong nei uh hi. Amate colony ngamtek sungah kumpino dingtu in hong kipan aa, ngiimna pii bel se, England kumpite ii zawthawk vawtna theampo langpangtu ahi hi. 1773 kum December tha sung England ngampan niangte (tea) hong pua, tuipikuang 3 Boston khuaah a tawl ngah laitak, Americante in tua tuipikuang tungah kaato in hong puak niangte theampo tui sung vawksak siat hi.

England kumpite zong athinuk mama ahikom, Boston khua ii, sumzonna pi ahi Boston harbor khaakcip hi. England kumpite tungah lungkim ngawlna tam vaial ahikom 1774 kum September tha ciang Philadelphia khuaah Georgia sim ngawl colony 12 pan delegatete kisi laleao in thu kikupna khat nei hi. Tua kikhopna man zawk ciang bangbangpo ahizong England kumpi khut nuai omtu suak thei mama nawn ngawl ahiciang dotu ci in ngaisutna hong piang hi. Thauhui thautangte hong kaikhawm uh-a,  bang hun ciang ngaal do kipan tu ci in, ngaal kipattu ni ngaak in hong om uh hi.
(Zom laitu)
TN
Advertisements

1 Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 91,022 hits

A Lui Te

Live Trific

google-site-verification: googled172884ff34d55c0.html