Nikonghong

Home » USA » America taangthu (Brief History of America) (1)

America taangthu (Brief History of America) (1)

Topa in thupha hong pia hong laamsaang aa, tuni ei Zomite zong leitung muntatuam kitheng, mutatatuamah kiteang zo ahikom lungdam huai hi, Pathian min ih pok hi. Himakale, Leitung mun tatuam theng ih hihang mun theampoah ngual minamdangte nungzui in nungta aa leitung bo dong ngual minamdangte To in ih neitu zong hong piang thei bupsaap ngawl hi. Atatuanin, ih thetna ngam ii thu le la bulpi ahi taangthu (History), ki-ukzia (politic), thiamsinna (education)…etc cite zong heakpui zo leang hoi mama kasa hi. Americaah Zomi tam mama kiteang zo ahiciang Americate taangthu heaktu kilawm pawlkhat entek tawng ci in hong paa ing.
Tuma kum 35,000 hun lai in, leitungah lei le tui se, khen 2 in ki khen liinlian hituak hi. Tuazawk ciang leitanghpite (continent) dadam in hong ki khekhen aa, kum tam mama hong ki khekhen zawk ciang tu ni ih heaktek ahi, North America leitanghpi, Asia leitanghpi, Europe leitanghpi, Australia leitanghpi le Africa leitanghpi ci te hong piang hi. Tuma kum 120000 hun ciang in, America leitanghpi le, Asia leitangpi kilaklaw kilometer 1500 bang a lian tuikhalh in memat hi tu in ki-um hi. America leitanghpi tungah ateang masa belh mihingte in tua tuikhalh zui in Asia leitanghpi sang pan hong tum aa, America leitanghpi tung Alaska-ah hong teang hi. Taangthu kanhte-in Hohokam, Adenans, Hopewellians le Anasazi minamte hi ci in taangthu (History) sungah ciamte hi.
Hi minamte in thangsang khua lumna hong zuan susuk aa, America leitanghpi nitumnasang ahi Pacific tuipi dung, mual kawm luamkawm, sennial ngam le Mississippi ngnun dung zui in hong teang uh hi. Ahang kitel thiang ngawl hikale, tua minamte sea tawm vei zawk ciang hong mong siat aa, tu lai American Indian ih ci minamte sungpan Hopi le Zuni akina minamte in thaa hong haat aa, hong ki zel laleao hi. Asia leitanghpi sangpanma hong tum hi tu ki-um hi.
Hi minamte in thangsang khua lumna hong zuan susuk aa, America leitanghpi nitumnasang ahi Pacific tuipi dung, mual kawm luamkawm, sennial ngam le Mississippi ngnun dung zui in hong teang uh hi. Ahang kitel thiang ngawl hikale, tua minamte sea tawm vei zawk ciang hong mong siat aa, tu lai American Indian ih ci minamte sungpan Hopi le Zuni akina minamte in thaa hong haat aa, hong ki zel laleao hi. Asia leitanghpi sangpanma hong tum hi tu ki-um hi.
Mikangte Europe pan in tuipikuang (ship) taw tuipi kantan in khual hong haw thei aa, America leitangpi amu hun in, America leitanghpi tung ah American Indiante million 2 bang mimal omtu in taangthu thiamte-in um hi. Pawl khat in tasea sang zong tam zaw tu in um hi. Europe pan in America amu masaphitbel se, Christopher Columbus ci in kiciamte hikale, ama thetma Greenland ngam pan Norse minam, Erik akicipa in 985 kum in natheng zo ci evidence tam ma ki mu aa, Erik ii tapa Leif in 1001 kum in Canada ngam sung na vaak kakoai zo ahina evidence zong tamma ki mu kikik hi. Amate ii tenna inn luite ki mu kik aa, carbon dating method taw akumtu atuatkik ciang, Christopher Columbus ii America leitanghpi amuma kum 500 kiim khawng hun ci sea ki tel hi.
1490 kiim khawng ciang Europe mikangte in tuipikuang taw, Europe leitanghpi pan nitumna sang khualhaw leang Asia leitanghpi theng hamtangtu hi ci upmawkna taw hong kidem siasua aa, ahanciambelh in British, Dutch, French le Spainte ahi uh hi. 1492 kum ciang in Italy ngam Genoa khuami ahi Christopher Columbus in America leitanghpi ii thangsang Caribbean tuipi sun ah om tuikulno khat ii tungah kal hong suan in hong theng thei hi. Himakale, ama in akhantawntung America leitanghpi (main land) se amu ngei bua hi. Tua zawk kum 5 ciang in Italy ngam Venice khuami ahi John Cabot in England kumpipa naa asepna taw America leitanghpi (main land) tung hong theng thei hi. Ama muna thu sea tawm veino sung kimangilpai hikale, Britishte in America leitanghpi se koma muphit aa, koma hi acithei natu thu honghi hi.
Kum 1500 zawk sung, Spainte hong haat mama aa, America leitanghpi sung mun tatuam hong theng kakoai hi. Juan Ponce de Leon in 1513 kum in Florida theng hi. Hernando De Soto in 1539 ciang Florida thengbek hi ngawl in, asungsang hong vaak aa, Mississippi ngun hong mu hi. 1540 kum ciang in Francisco Vazquez de Coronado in Mexico hong theng aa, saksang hong vaakto aa, 1522 ciang in Spain kumpipa in tua munteng
Coronado le a ngaalkapte
Spain ngam sua hi. Ama in Arizona sung Grand Canyon dong hong thengto hi. Spainte in thangsang pan saksangah a-ngam hong kakeak hun in Europe mikang namdang teng zong in nisuana sang pan in amate leitangtek hong keak susuk hi. Tua ngam keak in a dadiangte sungah Amerigo Vespucci zong khat hi aa, ama min zui in America ci min sea hong piangkhia ahi hi. Ama in Italy ngam mi ahi hi. Ngam keak in vaaktek siasua ahiuhhang in a teang tataktuin atheng masaphitin Spainte ma hi aa, 1500 kum kiim in, Florida ah teangsuaktu in hong theng uh ahi hi. Ahihang tua zawk khua ngei ngawl in saksang Virginia, Massachusetts, New York city ah teangtu in Europe pan mikangte alomatangh in hong kinawn hi.
(Zomh lai tu)
TN

—-> America Taangthu Khen Nina

——————————————————————————————

Note: 
Ka Sizang lai zak anuai aa pawl khat se tel ahaksa thale ci in alena (meaning) kong at thua hi. Sizang lai at daan taw kisai ngaisutna tatuamte comments nong piak natu zong ci nuam lai ing. Lungdam.

Taangthu = History (သမိုင္း)
Ki-ukzia = Politic (ႏိုင္ငံေရး)
Thiamsinna = Education (ပညာေရး)
Leitanghpi = Continent (တိုက္..ဥပမာ အာရွတိုက္၊ အေမရိကားတိုက္)
Tuipikuang = Ship (သေဘာၤ)
ngunkuang = boat (ေလွ)

TN

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,038 hits

A Lui Te

Live Trific

google-site-verification: googled172884ff34d55c0.html