Nikonghong

Home » Sizang » The Siyin Baptist sungpan Thutatuam

The Siyin Baptist sungpan Thutatuam

CALENDAR LETSONG
SRBA ii over sea Pawlpi khat ahi Perth Siyin Baptist Church, Australia te in SRBA pawlpi sim ah hawm tu 2011 Calendar 450 hongthakhi.Tua Calendar te 35 veina SRBA Kumcin kikhop, Theizang panin thungetna nei in Group zui a kihawm hi. Tua ngawl Kawlzang 150, Yangon ah 250 hawm hi ci thu kiza hi. PSBC pian zawk kum sim in Calendar vawt a, a thongin hong hawm PSBC te tungah kilungdam mama a, mai lamsang ah zongh a hawm zo tawntung tu in Topa Pathian in thupha hong piaksak tahen.

MASTER KEY LETSONG
Malaysia a om Pa Ngin Khan Tual (Tualpi) le Pa Tuang Pum Dal (Tuangpu) te vaihawm thiamna
tungtawn in SOM min taw SRBA Pawlpite atu Master Key (25) Letsong in hong thak a, A (35) veina SRBA Annual Meeting, Theizang ah thungetsakna taw kihawm hi. Hi bangin a ngaisun thiam mipui te tungah Topa in mavanna thupha hong piaksak tahen.

SRBA HOSTEL (NANPHALONG)
Vaiphei suapui te taw a kivaihawm khawm ahi SRBA Hostel (Nanphalong) sia tu in a tawdap
(Foundation) teng kiman zo a, a tung sakto tu kipan thei tu hi zo hi. A hai ngawlin man thei tu ci kingaisun hi.

SIYIN CREDIT UNION (SCU)
Sizang Sumbul Kipawlna (SCU) sia Member le sum hong kibelap vaial a, tu in member (70), a sum in Ks. 3,000,000/- val kinei zo hi. Hi kipawlna sia sum haute kipawlna hi ngawl a, a uuk theampo kipawlna ahi hi. Sum puuk nop man bek in kipawl tu hi ngawl a, kipawl theina sia ki thupi sak hizaw hi. Tua hi a, a kipawl nuamte atu in khua sim’Agent hong kikoi sak hi. Agent te tungtawn in kithaak thei hi. Agent tute a nuai a bang hi tu hi.
1 . Pa Thawng Khan Khup (Khuasak, Thuklai, Pumva, Buanman, Lophei atu)
2. Rev. Lian Khua Hau ( Limkhai zo le Bungh)
3. Pr. Dim Hau Cing (Leidaw)
4. Rev. J Nang Khai (Voklaak, Taakkhawl)
5. Pa Cin Khan Khai (Lamdung teng)

Note: Agent te tung a ki aap ni sia kisim sak tu hi. Tha det ni khat ni pan ni nga sung a tumte bek sum meet kituat sak tu hi.

TSBC TIN JUBILEE
Tahan Sizang Tuiphum Pawlpi phu kum sawm cin Tin Jubilee, TSBC biakinn ah 11 -13 March 2011 hun sung kivawt thei hi. Tin Jubilee taw kisai tepteena laibu zongh Poai man ciang vawt tu ci in ngealna neihi.

GCCF
Global Chins Christian Forlum kipawl natu vai 9 March 2011 ni in lampui tu Committee te meeting nei a, SRBA pan in General Secretary Rev. D. Cin Za Dal kaa thei hi.

TELAWNG KICIN SAWM TEK
Telawng sia tu laitak a son nopbel nasep le sum tarn mama a kinga thei khat ahikom koima sung
po ciin kisawm tek hi. A ci sia Theizang panin toai khat Ks. 3000/- taw kilei thei hi. Dumto in ciing leang bul khat ciang a ko in toai khat pha thei hi tuak hi. a ko toaikhat ciang Ks. 5000/- kikhawng thei ci uh hi. A ci ih tuu ciangin kum nii sung kila thei a, phalbi hun a kungthi ciangin la leang a pui lian a, mei a hal kul ngawl hi. Tuuksung ih laak paih ciang a pui ngau man ngawl lai ahikom lian ngawl a, nguatui sung ahikom mei ah hak kul a, tarn kivawt zo ngawl hi. Phalbi hun in la leang thikkaang taw kipho thei a, deiza kivawt thei tu hi tuak hi. A ciin dan thiang tak a tel nuam te in SRBA.CSSDD Secretary Rev. J Nang Khai kungah a ciindan practical laibu om ahikom nong dawp natu uh le a kisamh le zong copy kinga thei tu hi. Maisang ih sum nga napi tu khat ahikom khangnote bang hanciam leang Malaysia pai kul nawn ngawl tu in kingaisun hi.

SCLD LAI AT THIAM KIDEM 2011
Tu kum 2011 kum sung SCLD vaihawmna taw kidem tu a thulu sia “Va bang pil ding hanlungciam” hi tu hi. Outline kipia ngawl tu a, eima dei bangin at thei tu hi.

MALAYSIA SIZAN GTE BAWLUNG SUI KIDEM TU
Malaysia a om Sizang mite April 2011 hun sung bawlung sui kidem poai khat vawt sawm uh a, a nuai a bangin team om sak sawm hi.
– Thuklai, Pumva
– Buanman, Voklaak
– Limkhat khua thum teng
– Khuasak, Theizang, Hiangzing
– Lophei, Suangdaw ci bangin team om sak a kidem tu ci hi.

SCC ANNUAL MEETING
Siyin Christian Community ii kumcim kikhop sia 2011 April nipi masa sung vawt tu kivaihawm a,
vawt natu mun sia Hiangzing hi tu hi. Khua sim pan SCC taangmite kinging tek tawng.

Note: The Siyin Baptist Volume 52, March 2011 sungpan akila hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,179 hits

A Lui Te

Live Trific

google-site-verification: googled172884ff34d55c0.html