Nikonghong

Home » Business » Mihing hausate hanciam dan nam 5

Mihing hausate hanciam dan nam 5

Warren Buffett (leitung ah a hau belh akhatna ahibawle anina) in billion $45 hau hi. Ama hauna sea a investing thiam le a business hoi hang bak hi ngawl hi. 1958 kum lai in Nebraska state Omaha khua ah $ 31,500 taw alei a inn ah tudong in teang lai ci thu ih heak ciang akisapna ngawlpo sum zak cil lingleng ci sea ki mu thei hi.

Nangzong mihaute sum zak cil dan bang cil le te nikhat hau ngawl tu ki ci thei ngawl hi. Mihaute cildan anuai ah nam 5 teng na zui zo tu?

1. Na hi zawkza sang in aniamzaw in nuntak tu hanciam in.
Hauna ci sea na zon zawkna le na tha sum pan bek hong piang hi ngawl aa, bangza save zo ci sea pan zong hong piang hi. Ed Butowsky akici, Chapwood Capital Investment Management company ii Managing Partnerpa in “Koma in sum tam mama ka zong thei aa, nangzong sum tawm na zong thei hi, ahihang, na zonsa na sum theampo na zak hun in na ngim nga hun veu hi” ci hi.Naa khat papo se, lei zo tu naki up ciang, lei hamtang tu ni hi cina hi tuan ngawl hi. Lei zo tu, sum nei, na kisak hang lei pai tu hi tuan ngawl hi. Inn zuak le lei lamsang siipuazii phat mama hun lai thu piangte tung tawn in Americante in hi thu taw kisai sea experiance nga mama aa, ki tel kim hi.

Omaha khuaah inn hisea $31,500 taw, 1958 kum in lei aa tudong heakma teang lai hi

2. Supna pan ki le kik in (Thin kiam heak in)
Tulaitak, US sung mihing million 15 bang in nasep nei ngawl hi. Thin kiam tu ngai sun leang na thaa zawm dikdek bek tu hi. Mihau tam mama in thin kiamna tampi te kaantan in thin kiam ngawl in ahanciam kik uh ciang ngualzawna na nga uh hi. Apple computer boss pipa ahi, Steve Jobs in ama kum, kum30 aphak lai in Apple company pan nasep tan aa, nasep nei ngawl in nungta ngei hi. Himakale, thin kiam ngawl in ahanciam kik se, tuni a hau mama, billionaire suakkik bek dom ngawl, billion tam mama amanh Pixar akici, company dang khat zong dinh zo suak hi.

Butowsky akicipa in “Supna pan thin kiam ngawl in hanciamkikna sea, mihing hausa, thupite ii ngualzawna nga kikna lam ahihi. Amate in a hul ngei ngawl, athi ngei ngawl anungta upna (belief) pha khat nei uh aa, tua upna in amate sungah om tawntung in piang tawntung hi” ci hi.

Basketball thiam mama Michael Jordan zong high school basketball team pan ki dei ngawl hi ka le, thin kiam ngawl in ahanciam le, amai kum ciang, leitungah aminthang belh basketball player suak hi.

3. Nangma le nangma manh ki neisak in
Mihing thupi, ngualzawna ngate in, thiam kale, thiam baw kale, amate le amate manh ki neisak hi, tua manh ki neisakna thu in na nasepna ah hong laam sang tu hi. Mark Hurd in Hewlett-Packard company ii, CEO ahina pan nasep ki tawlnga sak hikale, nasep asikpo khat papo seam lel ngawl in, a thiamna a heaknate amale ama manh ki neisak in ahanciamkik le, Oracle company ii president suak kik hi.

4. Na neisa pilvang tak in zangh in.
Mihing tampite in aneisa pilvang tak in zangh ngawl ahikom kiam suk kik thei hi. Pawl le lawm, mealheakte in na neisa, na zonsa zak pui nuam in hong hanciam tu hi. Butowsky in “Na lawmte, na mealheakte na neisa athong in na pia zo baw tule, NO ci zieu leang hoi belh hi” ci hi.

5. Aman ol naate lei in.
Mihaute in naa/vanh tam mama lei zo hi. Ahihang amate in a uk babang naa lei ngawl hi.
John Paulson akici billionaire khat in a inn se, sale in akizuak amanh aki khiam te zong in lei hi.
Mihau mama khat ahi, Greg Zuckerman in, a inn se, foreclosure taw aki zuak kik khat lei aa, tua inn lei tu in aki dempui tu khat zong om ngawl hi. Kuama in tua inn dei vavan ngawl cina hi.

New York khua Upper East Side ah ‘Michael’s’ akici numeite vanh zak aman ol in zuakna sai khat om aa, kum 60 bang om zo hi. Asai neipa Tammy Gates in “Madison Avenue lam sung sai mithang nanote ah vanh manh ham nano alei zo mi hau mama tampite in ka sai ah vanh lei tu in hong pai thei bul” ci hi. Numeite vanh zak amanh ham aminthang belh brand ahi, Chanel, Gucci, Louis Vuitton te zong tuak sai ah amah aki lawm taciang khat taw zuak hi. Sai neipa Gates in vanh lei in apai te thu a sonna ah “Amate se mihau mamate veuma hi. Amate in vanh manh ol in zuakna sai ah vanh lei leang sum tam mama save tu ci in tel in pil vang uh hi. Kisamh papeu ngawl in vanh manh ham papui lei se khiakna om ngawl a sa te hi” ci hi. (Ei Zomi tampi te bang se, sum ngana bangma ason tham nei papeu ngawl, dollar store pan nga ngawn vanh lei nuam ngawl ki tam mama hi. ki ma maw vacinh thei mama lai hi)

Anuai aa munh pan aki lawm thathei (direct hi ngawl) tu in ka phen kik hi. Asim nuampo anuai a munh pan English taw ki sim thei hi.

http://financiallyfit.yahoo.com/finance/article-110926-6907-5-top-5-tips-to-build-wealth-and-success?ywaad=ad0035&nc

Advertisements

1 Comment

  1. Mang Mang says:

    Ih Si Zaang gam business khan too thei na tu khua mu zaw hiat tee nah hong vai hawm ka ve vun maw…zo gam poverty rate 73.3 tawh khawl gam sung a khat na ki nga a hi man….Gam lian theang sa Nu le Pa , Pu le Pii ,, Sua Pui U le Nau tee nah nong van kik na tu …Zo Gam Si Zaang mi bup tang hong han thawn nuam ing

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 91,022 hits

A Lui Te

Live Trific

google-site-verification: googled172884ff34d55c0.html