Nikonghong

Home » Pilna » Tuimei (Hydro Electricity)

Tuimei (Hydro Electricity)

Hydroelectricity ci kammal sia, tui tha pan in electric laakna a cina hi. Electric power ngana dang te bang hi ngawl in hydroelectricity sia kiim le paam, hui niin sak ngawl aa, khuahun susia ngawl tana tu hun ciang in electric nga theina bulpi tam mama sungpan a popular kik bel khat hi. 2006 kum sung leitungbup electricity a kizangh buppi ii 20% sia hydroeclectric pan hi ci in Wikipedia sung ah ki ciamte hi.

Taangthu
Tui tha sia taanglai tawng palekpan in mihingte in na zangh thei uh hi. Tui tha taw an ngoaina/suumh te na vawt thei uh hi. Hydroelectric masa phit belh sia, England ngam Northumberland kicina munh ah 1878 kum in ki vawt hi. American te in 1881 kum in Niagara fall pan hydro power taw mei laakna vawt hi. 1886 kum a thet hun ciang in, US le Canada ngam ah hydro taw mei vawtna munh 45 om zo aa, 1889 kum ciang US ngam sung babek ah 200 vaal om zo hi.

Kum zalom 20 (20th century) ki pat sawng in US ngam sung ah hydro mei laakna tam mama ki vawt aa, 1920 kum lai in US ngambup ii mei zakna zakhen 40 (40%) sia hydro pan hi. 1936 kum ah Hoover Dam ki vawt aa, mei 1,345 Mega Watt nga thei ahikom leitung ah hydro power lian bel in kiciamte hikale, 1942 kum ciang in Grand Coulee Dam hong man laleao aa, mei 6,809 Mega Watt suak sak ahikom Hoover dam sang hong lian zaw hi. Brazil le Paraguay te in 1984 kum ciang in mega watt 14,000 a suak hydro power station khat vawt laleao hi. Tu laitak leitung ah hydro power station a lian belh sia Sen ngam ah om aa, 2008 kum ah mei piak pan hi. Three Gorges Dam ki ci aa, Mega Watt 22,500 pia thei hi. Norway, Congo, Paraguay le Brazil ngam te ah a mei zakza bup ii 85% sia hydro power pan hi.

A phatna le a phatngawlna tatuam
Hydro power ii a phat belhna khat sea, man ol (power source dangte taw tena ) bel hi. Tua ngawl a phatna khat sea, kiim le paam hui niin sak ngawl hi. Ciang in, hydro vawt natu tui ki cim in tuili lian mama hong piang aa, tua tuili pan in ankung ciina tu (agriculture) in ki zangh thei bek domh ngawl, tourist attraction zong hi aa, water sports zong ki vawt thei suak hi. Mun tam mama te ah namthuam (flood) zong control zo hi.

click to enlarge

A phatna a om bangma a phatngawlna zong om vave hi. Tuili lian mama hong piang ahikom, lo mun, dui mun, lei mun tam mama sia tui nuai theng aa, biologically in naa tamma lal sak hi. Salmon Spawn le ngasa pawl khat te bang sia, a keo zawk ciang a hon in ngun dung zui suk in tuipi ah ki khiin (migrate) suk aa, hydro set sungah tum suk tha in a tul a tul in mong (thi) tawntung hi.

Hydro Power a zangh bel ngam teng sia a nuai abang hi.

Country

Annual Production (TWh)

Electric a zak bup ii zakhen%

China

652.05

22.25

Canada

369.5

61.12

Brazil

363.8

85.56

 United States

250.6

5.74

Russia

167.0

17.64

Norway

140.5

98.25

India

115.6

15.80

Venezuela

85.96

69.20

Japan

69.2

7.21

Sweden

65.5

44.34

Tuimei a zangh bel ngam 10 (2009) Wikipedia pan

Ei zong Sizang sung ih hydro vawt nop sia banghun bang ciang ih ki pan thei tatak ka tawm maw. Topa in Sizang hydro atu a ngim, a thin bot khat sim khat sim tung ah a thak in tha hong pia ta hen. God bless Sizang hydro project.
Dei sakna taw…………

Thawngno

____________________

Tuimei = hydro electric (ေရအားလွ်ပ္စစ္)
suumh = ေျပာင္းဖူး၊ ဆန္စသည္တို႔ကို ေထာင္းရန္ ေမာင္း
zakhen =parcentage %
namthuam = flood ေရႀကီးျခင္း

Advertisements

1 Comment

  1. Kap Pu says:

    Sizang sung Hydro nga thei natu sia 1989 kum khawng khatvei Ngatan lui pan kipawl a, kum 5 project suai tu ki son ngei kasap, a koisung teng ah bo ziam he bong. Tua zawk ciang Sizang sung muanbel suan bel teng in Sizang bup atu sia sumle pai hamsat na tatuam taw hi vak, eima pianna khua tek atu hong ki vaihawm ciang Ngatan project sia a ki koi cip hi vak. Tu zong Project om tato lai ahihang Sizang bup atu hi tuan ngawl lai ci leang Topa Jesu hong tuak suk masa zaw thong bana him maw?? Thaang sung sang teng bup sia Ngatan luitui zangh ih, vawt khawm thei leang, a tui sia hawmthak om ngawl tu ve.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 91,022 hits

A Lui Te

Live Trific

google-site-verification: googled172884ff34d55c0.html