Nikonghong

Home » Biakna » Tapidaw Lampuite ii Updaan tatuam te

Tapidaw Lampuite ii Updaan tatuam te

Survey akivawtna khat ah tuhun, Tapidawte ii Pathian thu sonna (Evangelical) a nawngkaisak bel se, Muslim te hizaw ngawl aa, Leitung pilna (Secularisim), leitung van tatuamte le neak thei tatuamte deileina le duleina (Consumerism), le hun taw kizui in apiang thak ngeinate (Pop culture) hi zaw hi ci in kimu vaial hi.

Leitung ngam 166 ah Pathian thu son, Evangelical 2,200 dektak thu akidokna ah 71% in leitung taw kisai pilna (Secularisim) se Pathian thu sonna ah hong nawngkaisak belh numbat 1 ngal pi hi ci in ngaisun hi.

Leitung van le neak thei tatuamte deileina le duleina in a 2 na lian belh ngal (67%) hi aa, hun taw kizui in apiang thak leitung ngeina pawl khat ahi, nu le pa khialna (sex), kingamhna (violence) in a 3 na ngal hi aa, (59%) hi.

Tua evangelical Pathian thu son in avaak 2,200 akidokna ah, 47% bekma in Muslimte ii influencena se, hong nawngkai sakpi khat hi ci in son hi.

Pew Research Center te ii biakna le mihingte taw kisai forum pan akivawt tua survey ah, akimu thua thu dang khat in, leitung thangsang ah om mihingte in leitung saksang ah om mihingte sang in mailam atu Pathian thu sonna ah lawp zaw, kin zaw ci hi.

Leitung thangsang Pathian thu son protestant te akidokna ah, (71%) in tuzawk kum 5 ciang Pathian thu taw kisai in amate ngam tetek uh sea hoi vaial tu, thu um mi tam vaial tu ci in ngaisun aa, leitung saksang Pathian thu son protestant te sung pan (21%) in tuzawk kum 5 ciang a ngeina bangma hi tu ci aa,(33%) in sia vaial tu ci in ngaisun hi.

Leitung thangsang Tapidaw lampui sung pan (58%) in Pathian thu le la in mihing te tung ah influence zo vaial ci in ngaisun aa, leitung saksang Tapidaw lampui sung pan (66%) in Pathian thu le la in mihing te influence zo ngawl vaial ci in ngaisun hi.

US ngam Evangelical lampui sungpan (82%) in Pathian thu le la in US ngam mi te tung influence zo ngawl vaial ci in ngaisun aa, a suuk belh hi.

Ning kum October tha, South Africa ngam, Cape Town khuapi ah akivawt Third Lausanne Congress on World Evangelisation conference ah akaa leitung ngam tam mama pan apai Pathian thu son Tapidaw lampui te tung ah akidokna, survey vawtna pan akimu, akitel thu te ahihi.

Tua tapidaw lampui te tung survey vawtna ah Topa Jesu thu taw kisai amanna le naungil vawt (abortion) taw kisai zong kidong kakuai hi.

96% in tapidaw upna in tawntung nuntakna nga natu hi aa, hisea bekma om hi (upna dang taw kinga thei ngawl) ci in um hi. 98% in Lai Thiangtho se, Pathian kammal hi ci in saang hi.

96% in naungil vawt (abortion) se hoi ngawl hi, khial hi ci in ngaisun aa, 84% in nu le nu, pa le pa khialna (homosexuality) se, khialna hi ci in ngaisun hi.

Alang (50%) in Lai Thiangtho se, ahibabang akhiakna latu (literally) ci in saang aa, (49%) in Pathian se, ei te atu ih ette tu (moral) kul tiuteu ngawl hi ci in saang hi.

(52%) in zu neak se, Pathian thu son pha khat atu kilawm ngawl hi ci in ngaisun aa, 42% in phamaw sa ngawl hi.

Thawngno

Source: http://www.christiantoday.com/article/evangelicals.see.secularism.as.greater.threat.to.christianity.than.islam/28208.htm

Advertisements

2 Comments

  1. thangcinnang says:

    hoi mama e a at lai taw maw

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,411 hits

A Lui Te

Live Trific

google-site-verification: googled172884ff34d55c0.html