Nikonghong

Home » Sizang » Ngual piak Min le Eima Min

Ngual piak Min le Eima Min

Leitung ah ngam tam mama se, taang tawng pan kipan amate le amate akipiak min khat tek se ki nei hi. Himakale, English kam leitung bup in common language zaphial in hong kizak ciang in, English te ii piak min se, ih nei lui ih pu ih pa te ii kinakna min saang in leitung theampo in hong telna, hong hiakna min hong suak zaw pum sai hi. Tusea se, tuhun ciang ih laithap tu se piang thei tatak ngawl hi. Banghang ziam ci le, English kam pau minam te se, kam dang pau/zangh minam te saang in khua mu masa zaw aa, tuma kum 1000 vaal lai pan kipan amu uh thu te theampo lai taw teptena (record) ana vawt uh hi.

Ei Asia ngam tepan Japan, Korea, Sen ci khawngte zong tuma kum 1000 hunlai in na pil mama zo hina ve, a lai uh na English te ban zo tuan ngawl ahikom, bangza ta in Nihon, Hang Guk kina kama le leitung buppi in Japan le, Korea in ciamte vave thong hi. Japan, Korea te zong in ka pu ka pa te in Japan kina ngei mama bo, Korea kina ngei mama bo na ci tuan ngawl aa, leitung taw aki thuai, akilawm tu in na saang lel uh hi. Banghang ziam ci le, Japan ci kam mal se amate Japan te kam/lai hi tuan ngawl tana, bangza ta in, akhua ngai pui, athin anat hang, leitung buppi in Japan te na ci vave tu ci sea tel thei, pil vang uh ahikom hi ci in ngaisun ing.

Ei Asia ngam te bek hingawl, Europe ngam sung pan zong a pil, a hau mama Germany te ngangawn, a lai uh in English te aa zaa, leitung bup theng zo ngawl, ban zo ngawl ahikom a pu a pa te ii akinakna min Deutschland nei uh ahihang, English te piak Germany ma zangh vacinh lel hi. Minamdang te piaksa min maizum pui, thin uk pui tuan ngawl hi. Bang hang ziam ci le, English te ii kammal ahi, Germany se, leitung buppi (million 5000 vaal) in zangh aa, a pu a pa te hun pan kipan akinakna Deutschland le amate ngam sung teng bek (million 80) in zangh ahikom bangma hun lai zo ngei ngawl tu ci in tel ahikom, pau tatong ngawl aa, Germany na heak vun ci in zong nial tatong ngawl hi.

Ei zong Siyin ci kam mal se, official in English te in hong tepte sak aa (http://en.wikipedia.org/wiki/Sizang#Siyin) bangzata ih official name ih lai hang leitung buppi (million 5000 vaal) in Siyin hong ci vacin tu hi thong hi. Mihing million 5000 vaal ih hong heakna official min ih lai zo tu le la, hoi sa mama vave ing. Zong ih thin te a khou, ahat mama ma hi kisa ing.

Germany, Japan, Korea te in a pu apa te hun pan kipan azak uh a min uh se, bo sak thathong ngawl aa, keam aa, a zak vave uh bangma ei zong Sizang ki kammal se, ih bo sak thathong bawtu aa, Leitung mihing million 5000 vaal dem tu in ngai sun tuan baw tawng ii, tua sang in, Sizang ci ih minam min tatak se a bo ngawl tu in ahi theiza zangh vakek tawntung tawng ci in hong hanthawn nuam ing. Sontena Japan te in Nippon steel company cibang,  Korea te ii Hankook Ilbo cibang, ei zong Sizang Burmese Mission Church cibang.

Minnam min official  a omsa sea, lai tu na hanciam le a mamaw na tangh tu aa, minam le min na itt tatak le, minam min a pua tu company lian mama, University lian mama, Restaurant sai lian mama….etc Sizang min taw vawt zo le te ih minam min thang sak zaw vak ci in ngai sun ing. Sontena, Sizang Banking company, Sizang Restaurant the best restaurant in Washington DC, Sizang University, one of top 10 University in USA….etc.

Leitung ngam pawl khat te ii amate le amate akinakna min le ngual piaksa min te pawl khat anuai ah en tek tawng.

Thawngno

Amate le amate ki nakna (Please click on each NAME) Ngual piak Min
Sizang (or) Sizaang Siyin
Nihon (or) Nippon 日本 Japan
Hanguk 조선 Korea
Chung kuo 中國 China
Bhārat Gaṇarājya भ India
Deutschland Germany
francaise France
Polska Poland
Italiana Italy
Espana Spain
Tasavalta Finland
Pilipinas Philippines
Mongol Mongolia
Brasil Brazil
As-Sūriyyah Syria
Sverige Sweden
Die Schweiz (German Swiss)Suisse (Franc Swiss)Svizzera (Italy Swiss)Svizra (Romanash Swiss) Switzerland
Rossiyskaya Russia
Hrvatska Croatia
Portuguesa Portuguese
Mexicanos Mexico
Nederland Netherland
Elliniki Greece
Turkiye Turkey
Ǧumhūriyyat Miṣr al-Arabiyyah Egypt
 
Amate le amate kinakna le ngual nakna akibang ngam pawl khat(Note: English speaking country teng se leitung ah English mun theampo ah akizahna hang in amate min ki piak babang ngual in zui hi)
American American
England England
Canada Canada
Australia Australia
New Zealand New Zealand
Pakistan Pakistan
Argentina Argentina
Iran Iran
Iraq Iraq
Indonesia Indonesia
Advertisements

3 Comments

  1. thawngno says:

    Keima hiak caciang bang ahile, ngual piak min (English te ii hong piak min) dei ngawl a, a kam tam tawntung minam sia, eima Zomi te bekma om hi tu um khi.

  2. Gual piak———-Chin
    A mau leh amau paik————–Zomi
    A maan na?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,075 hits

A Lui Te

Live Trific

google-site-verification: googled172884ff34d55c0.html