Nikonghong

Home » Pilna » Solar Power Zangh Vanleang

Solar Power Zangh Vanleang

Switzerland ngam ah Nithaa (Solar) bek zangh in, meitui a zangh vet ngawl Solar vanleang vawt theizo hi. May tha 13 ni in tua Solar vanleang sia, Switzerland ngam pan Belgium ngam Brussels khuapi dong sinna in leang aa, nai 13 sung hai hi. Meitui zangh vet kilkel ngawl ci in kiza hi.

Hui thiangtho a susia, a lalsak theitu meikhuu neivet ngawl in a leang tua Solar vanleang sia, tua a sinna ah, kilometer 480 (tai 300) khual sia a sanna pi 11,880 pan in leang hi ci in, tua Solar vanleang hawl pilotte in son hi. Tua vanleang ii a liatna sia, vanleang dangte zama lian ahihang, a ngitna sia a zaang mama tu in kivawt aa, innkuan a kito thei motor no khat taw kikim phial lel hi ci hi.

Solar vanleang sia, 2010 July pan kipan mihing (pilot) in hawl in hongleang thei aa, meitui zangh vet ngawl in nai 24 sung leang thei hi. Tua Solar vanleang sia Siphu (10) tha ( 10 horse power) a nei motar 4 kithua aa, pi 200 a sau a thate 2 tung ah a kithua solar cell 12000te in tua motar 4 teng peisak hi. 2010 July tha sung a sinlai bang hi le, zan khuateak meitui zanghvet ngawl in kihawl thei hi. A vawtte in, a manlaang thathei in vawt ngawptu siasang,  kiim le paam hui thiangtho lalsak ngawltu ci in ngaisutna sia a thupi zaw in koi hi.

Tua vanleang sia Solar Impulse HB-SIA ci in min kipia aa, Brussels vanleang len ah, May 29 ni dong kikoi, kilaktu hi ci in kiza hi. Jun tha 20 ni pan 26 sung Paris khuapi Le Bourget vanleang len ah akivawttu ngamtatuam (international) vanleang lakna ah laktu ci in zong kiza hi.

Khual khuala hawna ah a muanhuai tatak in zakthei natu sia a tawmbelh kum 2 sungbang hun la in a vawt uh kul lai tu ci hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,075 hits

A Lui Te

Live Trific

google-site-verification: googled172884ff34d55c0.html