Nikonghong

Home » Sizang » The Siyin Baptist Vol 54 Sungpan Thu tatuam

The Siyin Baptist Vol 54 Sungpan Thu tatuam

SRBA-E&M Fund
2011-12 kum atu SRBA-E&M Fund kaikhopna le Pathian thusonna Pawlpi sim ah pai in kinei a, Aug 2011 sung ciang paina sa le Fund nga te a nuai a bang ahi hi.

1. YSBC 1,276,500/-
2. Khuasak 102,500/-
3. Thuklai 116,080/-
4. Voklaak 221,000/- (Kamciam-40,000/-)
5. Limkhai Zo 153,500/- (Kamciam- Vokno 1)
6. Lophei 257,820/-
7. Buanman 135,500/-
8. Pumva 80,700/-
9. Leidaw 100,000/-
10. Limkhai Bungh 81,000/-
11. Suangdaw 71,000/-
12. Takkhawl 40,000/-
13. Dolluang 37,700/-
14. Muallian.TSBA 10,000/-
15. SOM, Malaysia 600,000/-
16. SBMC, USA 828,553/-

E&M Fund kaikhopna ah YSBC le ngamdang ngawl teng E&M Secretary Rev. Langh Go Laang lampui in Pr. Kim Khan Pau (Sualiim Field Pastor), Pr. I. Zam Khai (Dolluang Field Pastor), Pr. Ngo Khan Hau (Takkhawl Pastor), Pr. Cing Man Huai (Voklaak Baptist Church) te vak thei a, YSBC sia SRBA-GS Rev. Cin Za Dal le E&M Secretary Rev. Langh Go Laang te pai thei hi. Ngamdang sia Email taw kipaupui hi.

E&M News Letter
ZBC vaihawmna taw2013 ciang Mission nasep sepna ah Association in vaipuak la in Pawlpi theampo kihel in sep thei natu kingeal hi. Ei SRBA zong Kalay Valley a om Association te taw kipawl in Kalaywa (Ngunkhawm) zone ah kiseam tu hi. Tua ahikom Mission nasep taw kisai a taangzai zaw in taangko thei natu SRBAE& M panin E&M News Letter (Laihawm) khat kum khat sung thum vei hawm tu in kipan zo hi. Athongin kihawm tu hikale hi laihawm taw kisai sum taw a hu nuam ih om le zong kisaang tu hi.

Zum atu Laptop Computer
Tu hun ciang leitung khantozia taw kizui in lai vawtna, lim vawtna, la vawtna,.. kipan computer ngawl suak thei nawn ngawl ahikom SRBA zum ah zongh computer nei ngawl a, phamaw suak hi. A masa in desktop te nii le thum kinei zo hikale mei tha (Electric Power) hat ngawl ahikom lemtaang ngawl hi. Tu tak ciang SRBA-YF min taw computer laptop khat kilei a, E&M min taw zong khat kinei thei zo hi. Laptop ih zak thei tak ciang mei tha a hat bua zong na kiseam thei a, SRBA ah laptop ih nei te lemtaang mama luilam hi. Nasepna tatak ah desktop computer ma nuam hikale mei tha hat ngawlna ih Khamtung ah tu laitak Laptop computer zak sia lemtaang zaw pek ci sia kimu thei hi.

Enviroment Awareness
17-19Agust2011 hun sung teng Chin Baptist Association (CBA) Kalay Myo ah Zomi Baptist Convention (ZBC) CSSDD lampuina taw Enviroment Awareness kivawt a, SRBA pan Rev.Thang Za Pum SRBA-AGS & Rev.James Nang Khai CSSDD Secretary te kaa thei uh hi. Tentan sia Myanmar Baptist Convention (MBC) pan CSSDD Secretary Sya Saw Hemoe ahi hi.

SRBA Music vanh
SRBA-YF te hanciamna taw SRBA ngamsung mun tatuam ah a kul hun ciang zak thei tu music instrument le P/A system vanh hen tu a kipat sia tu in, Keyboard PSRS 700 khat, Power Amplifier khat, Mixer Amp khat, Recording Condenser Mic khat kinei zo hi. Mai lamsang ah Sound Box le Drum Set te a, kipan a kisamh babang in fund zongin hen thua lai tu in kihanciam hi. Biakna le music sia a kikop ngawl a phamaw khat ahikom khangnote ii hi bang hong hanciam theina sia a lungdamhuai thu ahi hi.

SRBA Meeting te
2011 kum SRBA Department tatuam EC meeting te SRBA zumpi, Khuasak ah a nuai a bangin kivawt a kizo thei hi.
6 Sep 2011 – WF, CE
7 Sep 2011 – YF, SCLD
8 Sep 2011 – MF, E&M
SRBA MC Workshop le Meeting SRBA-MC Workshop 9 Sep 2011 ni in SRBA zumpi, Khuasak ah kivawt a, Rev. Hang Khan Nang ii maihonna lai hong vawtna tungtawn in kikupna kinei thei a, nuam takin kiman thei hi. 10 Sep 2011 ni in SRBA-MC Meeting kivawt zom thei hi.

SRBA-MC Member
SRBA-MC meeting pan MC member a seau thak Pastor Ngin Khan Thang (Leidaw), Pastor Siam Go Mung (YSBC), Pastor Pau Khan Dal (LSBC), Pastor Ciin Hau Cing (KSBC) te le MC Member ahi ngei sa a tawlngak zii na pan service a zom kik nuam Pastor Ngo Khan Hau (Takkhawl), Pastor Nuam Khan Neam (Hiangzing), Pastor Cing Khua Hau (Theizang) te SRBA-MC member a sua natu S R B A – EC tungtawn in Annual Meeting dong ah son tu in kikoi hi.

SRBA EC Meeting
27-30 Sep 2011 hun sung, ZBCE& M Consultation, SRBA-E&M Consultation le SRBA-EC meeting ci te Tahan Siyin Baptist Church (TSBC)ah kivawt thei hi.

Thungetna Mual
Chin Christian Centenary tepteena in Taingen, Sialsitaak mual ah a kivawt Thungetna innpi sia tu dong ki vawt zom thei ngawl ahikom YSBC pan thusunna tungtawn in SRBA-EC lungkimna la a, Z BC luangin SRBA in lampui sep thei natu Z BC ah thu sonto tu in kingea! hi. Hi thunget natu innpi sia Tapidaw pawl theampo ii zak thei tu a kingeal ahikom manlaang a kisep thei natu, ih zaw thei natu le Pathian deina ahi natu in thungetna nei tek tawng.

Siyin Bible Revision
Siyin Bible et kikna sia Sizang bup luangin YSBC pan kiseam a, tu kum 2011 sung Thuciam thak le Psalm Late teng a kizo tu hi zo hi. Mai kum 2012 sung Thuciamlui om lai teng zop thei natu le tua kum sung mama in zaw thei tu ki uuk hi. A seamte ii pha tak a sep thei natu le a phabel a sua natu in thungetna taw panpui tek tawng.

The 4th SRBA-MC Conference
A khat veina SRBA-MC Conference sia 11-17 Nov 2002 hun sung YSBC ah, a nii veina 16-19 Nov 2006 hun sung TSBC ah, a thum veina 2-6 Nov 2009 hun sung Thuklai ah kivawt hi. Kum thum ciang veu in vawt tu kisawm a, 2012 ciang sia T S B C vawt tu kisawm hi. Tua ahikom Pawlpi tek pan MC Member te pai kim zawk natu Pawlpi tek ma in TAngealsak thei tek tawng.

The 5th ZBC-MC Conference
A (5) veina ZBC-MC Conference sia 5-6 April 2012 hun sung MIT, Insein, Yangon ah kivawt tu ahikom ih Pawlpi tek pan ih Pastor te ih paiksak kim tek thei natu Budget ngealsak tek tawng.

SRBA Branch Office II
T S B C te ii SRBA a piak leitangh tungah ah a kisa tu SRBA Branch Office II sia tu in Foundation kiman zo a, a tungsia zop to tu September tha sungin kipan thei kik zo hi. Tu kum sung manthiang dong sep tu kingeal hi.

Sizang Laibu
Sizang laisin natu laibu a kivawt masa bel ahi 1891 kum in a kivawt Capt.F.M. Rundall ii hong vawtsak laibu “Manual of The Siyin Dialect” sia ahizong, 1925 kumin L.B. Naylor in zuun kik in a phazaw in a vawt “A Practical Hand Book of Chin Langue (Siyin Dialect)” ahizong Siyin Culture and Literature Department pan laibu kivawt thua tu ahikom a dei ih om le hai ngawlin kinga tu hi. A manh tu za kitel ngawl lai a, a tawm theibel taw kizuak sawm hi.

The 3rd SCC Concert
SCC vaihawmna taw a kivawt tu a thum veina Sizang Lasak poai sia 18-21 Nov.2011 hun sung Siyin Baptist Church, Thingunau (Siyin Ywa) ah kivawt tu hi. Hi lasak poai sia Sizang lai Capt. Rundall ii hong bitphuasak kum 120 cinna zongh ahikom, Sizang lai 120 cin lungdam kona taw zong thua kisawm hi. SRTE Camp

2011 kum SRTE Camp sia
October sung Buanman ah vawt tu a kingeal ahi hi. Sum a kisamh teng Australia pan PSBC te in hong sik tu a, a lampui thusinna pia tu le speaker tu Rev. Dr. Lam Cin Thang hi tu kici hi. Rev. Dr. Lam Cin Thang sia September tha sung Australia ah a mit kibawl a, bang tan vei hai tu ci kihe ngawl hikale tu in cidam in hong cia kik thei zo hi. Tua hi a, 2011 October tha sung Buanman khua ah a kivawt tu S R T E ah pai in, ngupna nga ngawl lai te in ngupna a thongin la thei tek tawng.

YSBC DOC Crusade
YSBC te ii a nei bul ahi DOC Crusade sia 9-12 Oct2011 hun sung YSBC ah kinei tu a, Crusade sung bup Rev. Dr. JM Ngul Khan Pau in hun zangh tu hi.

CUFC
Hong pai tu 2012 kum ciang Chin State taangin Chin United Football Club (CUFC) min taw Myanmar National League (MNL) ah kidem thei natu Myanmar Football Fedaration (MFF) ah lai puakto zo hi.

CUFC a nei tu sia Dr James
Lian Sai (Hands of Compassion Service Co. Ltd. ) hi a, Club Chairman tu sia U Thang Cung Nung hi tu a, CEO tu in Pa Do Khan Khup (OM) ihi tu ci hi. CUFC ah bawlung sui tute tu in La Cieu Loi lampui in sinna (training) neisak zo ci hi. Ref: Internet, First Eleven Sport Journal

Tuucing Phaimit
SRBA-MC panin vaihawmna taw 2007-2010 term sungin “Tuucing Phaimit” No.1 na kisuaksak a, tu in 2010-2013 term sung Tuucing Phaimit No.2 na suasak tu in SRBA-MC meeting ah lungkimna om zo hi. S R B A – M C member peuma Tuucing Phaimit sungah lai at te hamtang tawng.

Siyin Concert DVD
A nii veina Sizang Lasak Poai (The 2nd Siyin Concert) sung la kisa late DVD taw a kivawt sia hai ngawlin kinga thei tu hi zo hi. Athum veina Sizang Lasak Poai vawt maa in manthiang a, hawm thei zuak thei hamtang kisawm hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,411 hits

A Lui Te

Live Trific

google-site-verification: googled172884ff34d55c0.html