Nikonghong

Home » Sport » Zomi le SEA Games

Zomi le SEA Games

Tu laitak Indonesia ngam Jakarta le Palembang khua 2 ah a 26 veina SEA games, (South East Asia Games) kimaina poaipi akivawt saan laitak ahihi. SEA games taangthu en kik in hileang a khat veina sia 1959 kum December 12 pan 17 dong Thailand ngam Bangkok khua ah kivawt aa, Thailand, Malaya (tuhun Malaysia), Burma (tuhun Myanmar), South Vietnam (tuhun Vietnam), Cambodia, Lao le Singapore ngam teng kihel hi.

Ei Kawlngam zong hi SEA games sia 1961 le 1969 kum te ah inteak seam ngei hi. Innteak a sep masak kum 1961 lai in kham (gold) 35 nga aa a haat bel ma hong hi aa, 1969 lai zong kham 57 taw a khatnama hong nga hi. Ngual ngam ah kimai nate ah en tu hileang, 1959 akipatcil poai ah kham 11 taw a nina nga aa, 1975 kum Bangkok SEA games poai ah kham 28 taw a thumna nga hi. 1979 kum Jakarta SEA games ah kham 26 taw a thumna hong nga laleao aa, tua zawk sia tu ni dong a khatna a nina, a thumna nga sung ah kihel ngei nawn ngawl hi.

Tutung SEA games tuni dong medal nga dan en in hi leang ei kawlngam sia tha nga huai ngawl het hi. Innteak Indonesia tebang in kham 87 bang ngazo aa, ei Kawlngam in ngun (silver) le haak (bronze) pawl khat ngazo hikale, kham 1 bemkma nga pheang hi. Ahihang thin kiam huaina sungpan tha nga kikna en tu hi leang tua Kawlngam ii khat bek ih nga pheang kham medal hong nga sia eima Zomi hi luilam hi. Ms. Aung Ngeain hi aa, Mindat myohne, Khimpuang khua pan hi. Thalkap (Archer) kidemna pan hong nga ahihi.

Kawlngam football sang a lian bel (Myanmar Football Federation) U Zaw Zaw in Kawlngam a atu in kham medal hong ngasak masa bel Ms. Aung Ngeain sia US $ 3000, Sport lamsang Duh Wungyi U Aye Myint Kyu na US $ 100 le Thalkap pawl (ျမားျပစ္အဖြဲ႕ခ်ဳပ္) na US $ 1500 tek letsong pia in paktoai uh hi ci in kiza hi.

Kawlngam kimaina (sport) taangthu ah numei thalkap te in SEA games ah, kham ih nga masak bel hun hi ci hi. Kawlngam atu sport taangthu khan suang a phut hong suak hi. Zei ni akidem thalkapna poai ah, akidempui Philippinesnu zo in Kawlngam atu in Record thak khat a phut ahihi.

Kawlngam ah 2008 kum lai in “Sport Woman of 2008” a nga ngei khat hi aa, a pa sia U Mana Aung hi. Hi a 26 veina SEA games sung ah a ma ngawl Zomi numei dang 3 sia Football, Boxing le Karate kimaina ah ki hel aa, Zomi pa khat sia thatang hoi kidemna (bodybuilding) ah ki hel lai ci in kiza hi.

Kum 2 ciang khat vei aki vawt hi SEA geams kimaina poaipi sia 2013 kum ciang in Kawlngam Naypidaw khuapi ah vawt tu ci in zong kiza hi.

Source: Wikipedia, yahoo news, Chinland Guardian

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 91,022 hits

A Lui Te

Live Trific

google-site-verification: googled172884ff34d55c0.html