Nikonghong

Home » Cidamna » Cidamna Khawk

Cidamna Khawk

Kaison Kaang
Kaison kaang sia ne nuam hi po leang nga tu a haksa ngawl, antui sung le mee sungah a kihel thei mee nam khat hi.

Taangh hun Egypt te in kaison kaang neakna hangin thangui tha tang kipuapha a, hong thahatsak hi ci hi. Greek pilna neite in kaison kaang sia maliamte dam palsak a, awmna, awmhel cite zongh damask thei hi ci hi. Mipil pawlkhat in zongh kaison in natna lungno pawlkhat thisak zo hi ci hi.

Tu hun pilna neite muna ah zongh kaison kaang in chi le chi nguite thiangtho sak a, lung natna le chikhang natna te vaukhaam hi, ci hi. Tua bek dom ngawlin chi sungah a om a thau (sathau) te zongh kiamsak thei ci hi.

Kaison kaang in lung natna le pumzaw (ေလျဖတ္) natnate vaukhaam bek dom ngawl Piancit (France) pilna neite ii mu thua laina pan thuak liamna neite atu in phattuamna pia kik thei a, thuak taw kisai natna pawlkhat te a pian ngawl natu in zongh hong dal sak hi, ci hi. Tua ban ah cancer natna nga thei natu pan in zongh tampi takin vaukhaamna pia hi ci hi.

Tua hi a, kaison kaang dat a cing thei a om natu, nisim in tawm bang a sial in ne leang a pha bel hi.

Mutcimhtak Mut tu thupi
America ngam Cidamna sang pilna neite in mihing 30,000 vaal tung panin sinna, etcianna a nei na pan hi bangin mu hi. Nisim ni khat sungin mihing khat in, mut hun (sun hun a mut zongh sim) nai 5 le a nuaisia a mu bekte in nisim ni khat hun sung mut hun nai 7 bang a mute sangin lungtang chingui taw kisai natna a nei tu olzaw, natna a nei tamzaw hi ci in mu uh hi.

Tuasia bangma nisim mut hun nai 9 le a tungsia a tawzaw a mute zongh nai 5 bang le a nuaisia mut hun a nei bek te bangma in lungtang natna taw kisai a nga tu ol zaw ci zongh na mu lalai hi.

Tua ahikom mihingte cidam in khansau in ih om nuam le mut hun thupisak in nai 7 sangin a tawmzaw ngawl, nai 8 sangin a tamzaw ngawl maan takin mut tu le mutcim takin om tu sia cidamna sang pilna nei te in thupi sak mama hi.

A khombek, a phabek veu mu in mutcim tak omna in lung natna nga tu bek hong dal ngawlin, zunthum, chithum natna, pumzaw (ေလျဖတ္) natna-nga natu panin zongh hong vaukham hi ci hi. Ahizong mut hun tam leih in a vaalkai mutna in hi natnate theampo ma nga thei natu a hanthawn, a olsak lampi na hi leleau hi. Tua hikom a khombek a phabek mutna taw pilvaang tak in a veu a sialin ne leang a pha bel hi. nungta thei te hi tek tawng.

Note: Hi a tunga cidamna taw kisai in kaison kaang neak tu a phatna le mutcim tak mut tu a phatna te Health Digest Journal sung a suaksa sia a thupina mun teng a tomin hong kisuaksak kik ahi hi:

Heaktu: The Siyin Baptist Vol 54 pan

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,411 hits

A Lui Te

Live Trific

google-site-verification: googled172884ff34d55c0.html