Nikonghong

Home » Biakna » Martin Luther le Protestant Langpatna

Martin Luther le Protestant Langpatna

Martin Luther

Martin Luther (1483-1546) sia Roman Catholic phungyi khat hi aa, Protestant upna kipat natu lam a hong phit belpa ahi hi. Ama hu in Christian taangthu bek hi ngawl, leitung taangthu ngangawn kilai tham hi.

Martin Luther sia Germany ngam, Eisleben khua ah 1483 kum in suak hi. A pa ii hanthotna taw law sin tu in kipan ngei hi. Ahihang a man dong kaa ngawl in RC sung biakna sang tum aa, 1512 kum ciang University of Wittenberg pan Doctor of Theology degree nga hi. Pathian thu um mama ahikom Lai Thiangtho sung aki hil bang in ahitheiza ngamta in nungta hi. Ama ngaisutna ah, kei bang lalel khangno khat zong Pathian thu hizata zui tu hanciam in nungta ci leang, keima tung sia om, RC biakna sung ulian tam mama te sia thupi mama ta, Pathian thu sung ah hanciam tu, thuman thutang taw nungta tu ci in ummawcip lel hi, muangcip lel hi, ci hi. Hitana, khat vavei tungsia pan thu hong pai te pawl khat sia pha sa ngawl, lungkim ngawl ahihang, adangte bangma nialkik ngei ngawl hi.

Ahihang 1510 kum ciang in RC te zumpi omna Rome khua a pai ciang in a upna le, a muna kibang ngawl hi. RC phungyi ama tungsia tam mama sia ama ngaisut bang hi ngawl in mihing thathongte taw bangma kilamdang ngawl in a om uh lam mu aa, lamdang sa in linglawng ngawp hi.

A lungkim thei ngawl belna hong kipatna in, indulgence vai ahi hi. Indulgence ci ciang maw maisakna lai ahi hi. Ei Tapidaw te ii upna bang hi le, maw maina sia Topa Jesu bek in hong pia thei aa, leitung mihing khat papo in hong pia thei ngawl hi. Tua hun lai in RC phungyi te in mihingte sia a mawna pulaak in hipo le, maw maisakna lai (indulgence) pia aa, tua maw neipa in zong a mawna kimai sakzo ci in kingaisun hi. Tua maw maisakna lai (indulgence) a nga natu in phungyi te sum pia uh hi. Mihing tam mama in a mawna uh pan suakta nuam uh ahikom, sum pia in phungyi te tungpan maw mai sakna lai (indulgence) sum taw lei ci leang kikhial ngawl tu hi.

RC te in indulgence pan sum tam mama nga ahikom, tua sum taw RC biakinn lian tam mama hong sa hi. 1516 kum in Rome khua ah St.Peter Basilica pui sak natu sum tam mam kisamh ahikom, Johann Tetzel aki ci phungyi khat sia Germany ngam ah indulgence zuak tu in Rome pan kipai sak hi.

The Ninety Five Theses kibelna All Saints' Church bangkua

October 31, 1571 ni ciang in Martin Luther in maw maisakna lai (indulgence) zuakna taw kisai man a sak ngawlna le “Disputation of Martin Luther on the Power and Efficacy of Indulgences,” ci in min a piak lai khat at aa “The Ninety five Theses” ci in ih heak tua lai sia Wittenberg khua “All Saints’ Church” bangkua tung ah bel hi. Tua hun lai tak in Europe ah lai meakna (offset) a pian zawk bek hun hi aa, Martin Luther in tua lai sia lai meakna set taw meak in mun theampo ah puak kakoia hi.

Mihing tam pi te in, Pope ii, khut nuai ah om kul ngawl, RC phungyi te thu zong ngai siat kul ngawl hi, Lai Thiangtho ii hong hil babang nuntak tu hi ci in ngaisutna thak hong nei uh hi. Martin Luther zong thusit thuak in, doi mangpa mihing ci in mawsiat aa RC sung pan kihawl khia hi.

Tua hun lai doi mangpa mihing hi ci in RC zumpi pan aki mawsiat mihing peuma sia mei taw haal lupna thuak sak hi. Martin Luther zong mei taw haal lup natu RC zumpi pan thu suak zo himakale, Germany ngam mipi a tam zaw le, Germany kumpi meal heak sung ulian te in Rome RC zumpi te ii power langpan nuam, ni nuam ngawl ahikom, mei taw haal lup na thuak ngawl ahi hi.

Martin Luther ii Protestant Langpatna huvau in tu ni leitung ah phat tuamna tam mama ih nga bangma, tha siatna, ngal kidona zong nasia tak in na piang ngei hi. Kum 30 ngaal (Thirty years war) ci in Europe ah ngaal lian mama khat sia protestant te le RC te kilaklaw piang aa, protestant langpatna pan hong piang ngaal ahi hi.  1618 pan 1648 dong kido in mihing 8,000,000 vaal thi hi.

Kum 30 ngaal

____________________
Langpatna = Revolution

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,179 hits

A Lui Te

Live Trific

google-site-verification: googled172884ff34d55c0.html