Nikonghong

Home » Pilna » Geothermal Heat Pump System

Geothermal Heat Pump System

Tu lai leitung thiamna pilna nei scientist te in energy a tawm thathei taw bangbang ih vanh nei te zangh tu, motor khawng zong bangbang vawt leang datsi nem thei tu, electric zong bangbang a man ol thei bel in vawt tu ci thu le, tua hanciamna te ah kiim le paam hui thiangtho a susia ngawl bel tu (greener energy) ci sia a tup bel thupi a sak bel thu ahi hi.

Khua sik mama hun le khua ul mama hun ah air condition taw inn sung kilum sak, kivot sak ci sia tulai kuama theampo in kihe hi. Ahihang air codition pei natu in ih zak mei tha sia nasia mama hi. US sung inn lian nei te bang sia a air condition zangh vapeak tu hi le tha khat mei manh $ 300 pan pawl khat inn lian mama te $ 800 dong bang bo hi. Tua ahikom, inn lian nei te atu in Geothermal heat pump thua zo leang mei man sia 70% bang kiam suk tu hi. Ci nopna in mei manh tha khat $ 300 a bo tawntung khat in Geothermal heat pump thua le, tha khat $ 90 tung bek tu aa, mei manh tha khat $ 800 zangh khat in $ 240 bekma bo tua aa, nai 24 sung tatsat ngawl in zangh thei tu hi. Geothaermal heat pump sia bang bang na seam ahi katawm?

Lei nuai temperature sia a pua sang, lei ii tungsia sang sa zaw tawntung aa, khua hun sat mama ciang lei nuai temperature sia lei ii tungsia sang vawt zaw laleao hi. Tua lei nuai ii lumna le votna sia air condition bang in zakna ahi hi. Refrigerator (yi-khe-tit-ta) nasep dan taw kibang hi. Ahihang refrigerator bang hi ngawl in mei tha tawm cilik bekma zangh hi tuak hi.

Hui lum ahizong hui vot ahizong scientist te in btu taw te hi. Hui lum ahibawle, hui vot 12,000 Btu ih nga natu air condition hong leang, mei tha 2.2 Kilo Watt/hour zak kul hi. Ahihang Geothermal heat pump system taw 12,000 Btu hui lum ahibawle hui vot ih nga na tu mei tha 1 kilo watt/hour bekma zangh hi. Air condition saang a se 400 nuamtuam zaw aa, gas zangh te sang in a se 200 tawm bo zaw ci hi.

(Click to enlarge picture)

Geothermal heat pump system zakna hu in a phatna thu dang zong tam mama om lai hi. Khat vei thua zo in hi leang maintenance sia kum 10 ciang bang vawt tu tam ngawl lel hitana, hong thua sak company te in kum 10 guarantee pia hi. Bangma et kik kul ngawl phial lel hi. Hi heat pump system a thua, a zangh masa te in kum 25 bang ka zangh zo uh aa, vanh tawm bekma lai a kul bangma haksatna, ngimna hong pia bo ci in son hi. A ngin zong nasia ngawl aa, thim dide lel hi tuak hi. A haksat belna thu khat sia hi system ih zak natu thiik tuidot pi tam mama zak kul aa, lei nuai ah tua thiik tuidot ih phum kul hi. Pi 2000 patle (2000 Sq Ft) a zai inn khat atu thiik tuidot pi 1500 pan pi 1800 bang asau kisamh hi.

Thiik tuidot lei nuai phum tu ci in ngaisun ziau leang ol mama lel tu bang ahihang leitangh pawl khat te suang tam mama ahikom son bang vaziang in ol ngawl hi tuak hi. Lei tawna khut taw le kitou vaziang thei ngawl ahikom, set tawh taw kul aa, sum tam mama bo hi tuak hi. Ahihang hi syatem vawt natu ih zak sum sia kum 5 pan kum 10 sung bang le kik vaset ci hi. Kiim le paam hui thiangtho susia vet ngawl aa, greenhouse gas emission ci in thingkung te ii huai a thiantho sakna taw te kaak tu hi leang, thingkung 750 ii greenhouse gas emission taw kikim hi. Son nopna in thingkung 750 a suan taw ki bang cina hi.
US kumpi te in geothermal heat pump system a thua peuma taxt return hun ciang $ 300 pia kik aa, Canada kumpi te in $ 3500 piak kik ci in kiza hi. Geothermal heat pump thu a cing zaw in a he nuam ih om le TERRA Source company te ii video anuai ah na en leuh te, bangza bang bo tu ci sia zong TERRA Source company te ii website ah kien thei hi.

Thawngno

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,411 hits

A Lui Te

Live Trific

google-site-verification: googled172884ff34d55c0.html