Nikonghong

Home » Sport » 2011 SEA Games le Kawl Ngam Bawlung

2011 SEA Games le Kawl Ngam Bawlung

Click on image to read the news paper

November tha 11 pan 22 sung Indonesia ngam ah SEA games (South East Asia Game) kivawt aa, man zo hi. Ngam 11 in hi SEA games ah kihel thei aa, Kawl ngam pan mihing 477 va kihel thei hi. Innteak Indonesia te in mihing 1059 kihel in a tam bel ahi uh bangma, kham 182 nga in haat bel hi. Thailand te in kham 108 taw a nina nga in, Vietnam te in kham 96 taw a thumna nga hi. Kawl ngam in kham 16 nga aa, a salina ah kiom hi. Ei Zomi zong 4 khawng tua SEA games ah kihel thei aa, Lia Aung Ngeing (Mindat pan) in kawl ngam a tu thalkaap pan amasa phit kham hong nga ahikom, ki-angtan pui peuma hi. December 13 ni suak Myanmar Ahlin tadensa sung ah kawl ngam thalkaap kimaina pawlpi (ျမန္မာႏိုင္ငံမွ်ားပစ္အဖြဲ႕ခ်ဳပ္) pan Lia Aung Ngeing sia kyat 13,000,000 taw paktoai ci thu zong ka sim tha hi.

Bawlung (foot ball) kimaina en leang, kawl ngam in Vietnam te zo aa, a thumna tau (bronze) nga ahikom sia lei ngawl kasa hi. Tua bek dom ngawl, goal.com te in tutung SEA games bawllung kimaina ah aminthang bel le thiam a sak bel 5 a tealna sung ah kawl ngam bawlung thiam khat zong kihel ahikom khantona khat hi ci in ka mu hi. Hi goal.com te ii teal thiam a sak bel 4 teng in anuai a bang ahi hi.
1. Khairul Fahmi Che Mat – Malaysia
2. Kyaw Ko Ko – Myanmar
3. Pham Thanh Luong – Vietnam
4. Natarid Thammarossopon – Thailand
5. Patrich Wanggai – Indonesia

1. Khairul Fahmi Che Mat
Malaysia ngam Kelantan FA club pan hi aa, kum 22 pha aa, goal pang ahi hi. A tunh pi 5 le letmat 8 khawng phabek ahihang, Malaysia te a khatna a nga theina sia ama hu ci leang kikhial ngawl tu hi.

(Kyaw Ko Ko kimai dan)

2. Kyaw Ko Ko
Kawl ngam Zayar Shwe Myay FC club pan hi aa, kum 19 pha aa, mai sang (striker) pan kimai hi. Tutung SEA games ah goal 5 khum in, Yan Paing sang thiam zaw ci in teptena nga hi. A pianna sia Mandalay Amrapura khua hi.

3. Pham Thanh Luong
Vietnam ngam Hanoi FC club pan hi. Kum 23 pha aa, a lai (midfielder) pan kimai hi. Thin kiam ngei vet ngawl in a kimai dan le, ama team sung akimai pui te ii zaataak athuak mama khat hi ci in kiciamte hi.

4. Natarid Thammarossopon
Thailand pan hi aa, BEC Tero Sasana club pan hi. Kum 23 pha aa mai le a lai (attacking midfielder) ah kimai hi. Thailand in tutung bawlung pan bangma nga ngawl ahihang Natarid Thammarossopon sia tutung a kimai teng sung pan a thiam bel 5 sung khat ki hel hi. Thailand ngam ah a thiam bel in a nei uh khat ahi hi. BEC tero Sasana club pan hi aa, Police United te in a ma club te tung pan puu (loan) ahikom tu laitak Police United ah kimai hi.

5. Patrich Wanggai
Indonesia pan hi aa, Persidafon Dafonsoro club pan hi. Kum 23 pha aa, mai sang (striker) pan kimai hi. Ama zong Indonesia te ii a thiam belh bawlung tama hi. Chelsea club pan Bawllung thiam Nicolas Anelka taw a daan kisunn ahikom Indonesia Nocolas Anelka ci minno a nga khat ahi hi. Tutung kimaina ah goal 5 khum in Kyaw Ko Ko taw goal tam bel khum pa ci in kiciamte hi. A cing zaw in sim nuam ih om le goal.com te ii wesite ah kisim thei hi.

Kawl ngam bawlung taangthu a tom in en tu hi leang anuai abang ahi hi.

  • 1947 kum in Burma Football Federation kiphuan.
  • 1951 March 6 ni India ngam ah Iran taw kimai aa, kawl ngam atu a khat veina international kimaina hi. Iran taw kimai aa, 2-0 taw lel.
  • 1952 kum in FIFA (Federation Internationale de Football Association) sung tum.
  • 1954 kum in AFC (Asian Football Confederation) sung tum.
  • 1954 Asian Games ah a thumna nga hi.
  • 1954 pan 1973 sung Asia ngam te ahi Japan, South Korea, Iran te saang in a thiam zaw in leitung bup in hong koi.
  • 1964 kum ah Merdeka Cup (Malaysia Independenc day cup) champion nga hi.
  • 1969 November 9 ni Malaysia ngam, Kuala Lumpur ah Singapore te 9-0 taw zo kol ngei aa, a nasia bel a zaw ngeina hi.
  • 1961 pan 1970 dong U-19/20 kidemna ah a thiam bel, hong ki lau bel ngam ki hi tawntung.
  • 1966 kum Asian games ah Iran te zo in champion nga hi.
  • 1969 kum Asia Cup ah a nina (second) nga. Iran a khatna, Israel a thumna nga. A saang bel ih thet ngeina ahi hi.
  • 1970 kum Asia games, Bangkok, Thailand ah South Korea te taw champion nga khawm hi.
  • 1971 kum 1964 kum ah Merdeka Cup (Malaysia Independenc day cup) champion nga hi.
  • 1972 kum Germany ngam Munich Olympic ah Asia pan a thiambel ngam 3 ki tealna sung ah Japan, Korea ci khawng te kaan tan in ki hel hi. Leitungbup pan a thiambel ngam 16 ki tealna sung ah kihel hi. Asia pan akihel teng sia Kawl ngam, Iran le Malaysia ahi hi. Russia te 1-0 in lel aa, Mexico te 1-0 in lel aa, Sudan te 2-0 in poai 3 a lel zawk ciang group sung pan pusuak pai hi. Tua kum Munich Olympic ah a khatna pan a khaak bel dong nga teng sia anuai abang ahi hi. Poland (gold), Hungary (silver), the German Democratic Republic/East Germany (bronze), USSR (4th), Mexico (5th), Denmark (6th), Morocco (7th), West Germany (8th), Malaysia (9th), America (10th), Iran (11th) Brazil (12th) Burma (13th) hi aa, kawl nuai ah Sudan, Hungary le Ghana ngam 3 om lai hi. A thiangtho bel award kawl ngam in nga hi.
  • 1972 kum zawk ciang, leitung ah bawlung a nangh bel lam ah hong kiciamte hi.
  • 1977 November 25 ni Malaysia ngam, Kuala Lumpur ah Malaysia te 9-1 taw lel ngei, a nasia be a lelna hi.
  • 2006 kum ah Merdeka Cup (Malaysia Independenc day cup) Champion nga hi.
  • Tu laitak Myanmar Football Federation President sia U Zaw Zaw hi.
  • Tu laitak head coach sia Mr. Park Seong Hua (South Korean) hi.
  • Tu laitak Captain sia Khin Maung Lwin hi.
  • Tu laitak FIFA ranking 169 na ah kiom hi.
  • FIFA ranking ih phat bel hun sia 1969 kum hi aa a 97 na hi.
  • FIFA ranking ih siat bel hun sia  170na ki hi aa, 2011 October tha lai hi.

Thawngno

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,075 hits

A Lui Te

Live Trific

google-site-verification: googled172884ff34d55c0.html