Nikonghong

Home » Kawl Ngam » Naypidaw Vanleang Len Thak Hong

Naypidaw Vanleang Len Thak Hong

Naypidaw international vanleang len thak December 19, 2011 ni hong aa, nasep kipan zo ci in Xinhua news na son hi.

Naypidaw khuapi pan thangsang kilometer 16 khualana mun ah ki sa aa, vanleang len lui Ayelar vanleang len taw ki zom pai hi. Vice president Sai Mauk Kham le Sen ngam pan hong pai Chinese State Councilor Dai Bingguo in honna nei hi. Ama sia Naypidaw ah a ki vawt tu Greater Mekong Subregion Ecomomic Cooperation (GSM) meeting kaa tu in kawl ngam hong pai ahi hi.

2013 le 2014 Naypyidaw ah a ki vawt tu South East Asian Games le Asean meeting te huvau hibup ngawl ahihang, tua a thupi ni te thetma in manh tu in ki vawt ahi hi.

Xinhua news te ii son bang hi le, hi project zaw natu in US$ 200 million bang ki zangh a, China Export-Import Bank in sum puuk hi. Construction atu a ki sam vanh te sia, China Machinery Engineering corporation le China Harbour Engineering Company te in vaihawm pui hi ci hi.

Kawl ngam ah international vanleang len 3 ki nei aa, a dang te 2 sia Yangon le Mandalay ah om hi.

Singapore ngam CPG Consultants Pte. Ltd. te ii design vawt sak hi aa, Yangon vanleang len thak a peam (တိုးခ်ဲ႕) zong amate design ma hi. Leitung ah a hoi in a minthang Singapore Changi vanleang len le, Vietnam le Laos ngam ah vanleang len pawl khat zong sia hi company te ii design vawt sak veu hi.

Naypidaw len thak in vanleang tai natu lam lian 2 om aa, terminal 3 nei hi. A vanh zak te zong a piang khak bel vanh hoi te veuma zangh hi. Kawl company Asia World in seam aa, kum khat khualhaw 10.5 million bang in zangh thei tu hi ci in CPG website sung ah ki at hi.

Kumpi thak te in sum ki cinh ngawl hu in Naypidaw sung project thak tam mama sia tawlnga sak kik hikale, hi vanleang len sia thupi ahikom tawlnga sak ngawl ci in zong thu ki za hi. Singapore, Thailand khawng te ii vanleang len te bangma a hoi mama in ki vawt aa, soft infrastructure ahizong, hard infrastructure ahizong ngual ngam a te taw ki kim, in ki vawt ci hi. Baggage handling system zong hoi mama aa, khualhaw te nawn tu bus zong hoi thei mama ci in ki za hi.

Source: BNI

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,075 hits

A Lui Te

Live Trific

google-site-verification: googled172884ff34d55c0.html