Nikonghong

Home » Sizang » Zaangsi Liannu

Zaangsi Liannu

(SCC ii a (4) veina lai at thiam kidemna ah a khatna tel nga article)

Lianu ih ci ciang pawlkhatte in ngaknute bek a cina hi, pasal neisate sia Tunnu hizo ahikom ngaknute thu bek at thei tu hi ci hi. Ahizong kei ka ngaisutna ah pasal neisate zongh ngaknu lui ma hi lel a, amate zongh hun khat lai Zaangsi Lianu te ma hi a, tu laitak ngaknute zongh hun khat ciang Zaangsi Tunnu tute vive ma hi lel ahikom Sizang numei theampo ii thu kiat thei tu a, amate theampo sia Zaangsi Lianute vive hi ci in ka ngaisun hi. Tua ahikom Sizang numei (a moi, a haam) te theampo ii thu kihel kim thei tu hi ka ci nuam hi.

Leitung ah minam tatuam ih om sung pan minam theampo ma in ngeina, dan kinei kim tek a, a tam zaw phial ii ih ngeina sia Pate ukna (Patriachy System) vive kizangh zaw a, numeite kizawngsak, kineng niam ahikom numeite ii thinsung ah zongh pate sangin a niamzaw pekin kituat uh a, pate ii thin sungah zongh numeite sangin a saang zaw pekin kituat tha uh hi. Tua sung pan ei Sizang mite zongh kihel tu in ka um hi. Banghangziam cile ih Sizang tangthu bute sungah en leang nau nei ciangin nau pa ahile ni sali tang a, numei ahile ni nga sung kitang hi. Nau minphua ciang zong nau pa ahile nau nei zawk ni nga ni phuak a, numei ahile ni thum ciang kiphuak hi. Lamh luana taw kisai in zongh numeite sia lamh kikhen ngei ngawl a, a nute ii piak khi le haak, puansil nikteen teng bekma ngasak uh hi. Tapa nei ngawl tanu bek neite zongh inn kilua sak ngawl a, innmai saneak puite in inn tawmzaw hi. Ngualdang ii nei leih ngawl ngeina tumdang zongh kinei a, tasia sia “Saninten” ahi hi. Nupite in a pasal om ngawl laanin sa ne thei ngawl a, a pasal om ciang zong sa a neak laitak a pasal kong pua a kaan le a zi in a sa neak tawp paih hi. Hi bangin sanintenna sia pasal te tungah itna lakna in ngaisun uh hi. (SRBATangthubu P. 57-59)

Nidang lai in, tu bangh ih ngeinate kizangh to ahikom Zaangsi Lianu te sia a sua pan kipan a thi dongin pate khut nuai ah a hun theampo uh zangh siat hi. A sua tuung pan pasal a nei dong a pa khut nuai ah om a, pasal a nei hun pan a huai dong a pasal khut nuai ah om a, a huai pan a thi dong sia a tapa te ii khut nuai ah om leleau hi. Tua ahikom Zaangsi Lianu te ii thin sungah amate hantang taw bangma sep thei ngawl tu in ngaisun liang uh a, ahi thei sun te uh ngangawn suakhia ngam ngawl uh hi.

Ahizong Piancil 1:26-28 sungah bitphuana thute ih et ciang “Pathian in ama taw a kibangin mihing numei le pasal sia bitphua a, thupha pia hi, ” ci in kimu hi. Pathian in numei le pa sia a kibangin hong bitphua (ဖန္ဆင္း) hikale eima ii ih vawt tawm(ဖန္တီး:) ih ngeina, thuthunte in numei le pa sia a saangzaw a niamzaw in hong khen hizaw nginge hi. Piancil 2:18 na sungah Pathian in mihing pa ama nguak a om tu phasa ngawl ahikom “Ama taw a kilawm a hu tu khat ka vawt sak tu hi,” ci in mihingpa a mut suaksak mama a, a mut laitak a telngu khat laaksak in numei khat vawt sak a, mihing pa in a mu ciang a lungkim mama hi ci hi. ‘Ahu tu‘ ci kammal ih et ciang ei sangin ahi theizaw, a neizaw, a pilzaw, a hatzawte bek in hong hu thei hi ci in ka ngaisun hi. Tua ahikom Zaangsi Lianu te sia pasalte khawng ii vaak nigitnget tu thangai in khutdawn zongh tungh nuam ngawl liangin pasal beal tute ih hi nawnbua a, ih pasalte thaneam hun ciang thapia in, a thinkiam hun ciang thunget sak in, a sep a vawt nate ah ih hi thei sun taw a hu tu in Pathian ii hong bitphua Zaangsi Lianu te ih hi hi.

Pathian in mihingpa ii telngu panin numei hong bitphua se hi. Lai at thiam te ii atna le thu ngaisun thiam (Philosopher) te ii sonna ah “Pathian in mihing pa ii luzang pan numei bitphua nuam le zong bitphua thei tu a, a peangpak pan bitphua nuam le zong bitphua thei tu hikale a telngu pan a bitphua se sia a khiakna thuk mama hi. A luzang pan bitphua le a pasal zothal in ukthaw tu ahikom a luzang pan bitphua ngawl a, —> page 2

Advertisements

Pages: 1 2 3


2 Comments

  1. Zam Cin Pau says:

    Thu pi ma ma sa khi hi.. Mai lam sang Lai tu bangh a i kai khop tu tam ma ma om lai ta hen,USA , AUSTRALIA ,Ngam tatuam,pan Ngam bup, Zo mi bup pan a pil bel ,min phat na nga,Ngal kap Bo.Za nei ma sa bel, ci te pawl zongh hong at lai ta vun maw…..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,424 hits

A Lui Te

Live Trific

google-site-verification: googled172884ff34d55c0.html