Nikonghong

Home » USA » 2010 Census Pan Heaknop Huai Thu Pawl Khat

2010 Census Pan Heaknop Huai Thu Pawl Khat

2010 kum lai in US ngam sungah cencus (သန္းေကာင္စာရင္း) kivawt aa, ih minam min bang ci tu ci in Zomite ih kinial siasua ka phawk lai hi. Ih minam min ah Zomi a ci nuam kiom aa, Chin a ci nuam kiom a, Burma a ci nuam zong kiom hi. Sizang a ci nuam zong kiom lai aa, ih ngaisut dante kibang ngawl in ih kinial siasua hi. Censua man zawk ciang, tavuan neite in report suak sak himakale, census vawtma ih kinial siasua bang in kuamain ih kin zo tatak nawn bua hi. Ahibawle zong kitel ban ngawl zong hi thei tha vak.

Ei Zomite ii minam taw kisai ih kinialnate bang ciang theng aa, bang phattuamna kinga ci sia bangma akitel, akician a om bua hi. Ahihang, census bureau pan hong suak report ka sim ciang heak nop huai ka sak thu pawl khat a om hi. Census bureau report sungah Zomi, Chin, Sizang cikhawng min kiciamte tu cithadaa, mihingsimh million khat val bang om tu a kium Kawlte min (Burma, Burmese, Myanmar) ngangawn zong dawk zo vet ngawl hi. Census bureau te ii official report ( http://www.census.gov/prod/cen2010/briefs/c2010br-02.pdf ) ah kisim thei hi. A tom thathei in ngual suk leang:

  1. US population sia 308,745,538 (308.8 million) pha hi.
  2. One race (kah-bya thi kihel ngawl) population sia 25,140,787 pha aa, population bup ii 97.1% zakhen (parcentage) pha hi.
  3. Thi kihelsa (kah-bya) population sia 9,009,073 pha aa, population bup ii 2.9% zakhen  pha hi.
  4. Mikang (White) population sia 223,553,265 pha aa, population bup ii 72.4% zakhen pha hi.
  5. Sahlonete (Hispanic or Latino) population sia 50,477,594 pha aa, population bup ii 16.3% zakhen pha hi. (Note: A vomte sang tam zaw ahihang, president suak zo om ngawl lai, senate sung, congress sung khawng zong avomte za tam kihel zo ngawl zaw lai hi.)
  6. Mivom (black or African American) population sia 38,929,319 pha aa, population bup ii 12.6% zakhen pha hi. (Note: 2008 president kitealna, election vawt lai a vomte in Obama me pia ngawp tana Obama in presiden nga thathong ci in Zomi khat ii a uk po a son thathong, tuma ka ciamte nginge lai hi.)
  7. Asia population sia 14,674,252 pha aa, population bup ii 4.8% zakhen pha hi.
  8. American Indian le Alaska Native sia 2,932,248 pha aa, population bup ii 0.9% zakhen pha hi.
  9. Native Hawaiian le Pacific Islander sia 540,013 pha aa, population bup ii 0.2% zakhen  pha hi.
  10. A tung aa minam lian teng sim ngawl minam pawl khat (some other races) om lai aa, 19,107,368 pha aa, population bup ii 6.2% zakhen pha hi.

Click to enlarge

Mikang (White) sungah kua minam teng kihel aa, mivom sung koibangte kihel ci ih et kik ciang census bureaute ii khen dan sia a anuai a bang ahihi.

Mikang (White)
Europe, Middle East, North Africa pan hong pai teng. (Censes form sungah amate le amate, White, Irish, German, Italian, Lebanese, Arab, Moroccan, Caucasian a kici teng)

Mi Vom (Black)
Africa pan hong pai a cisak vom teng. (Form sungah amte le amte Black, African American, Negro, Kenyan, Nigerian, Haitian ci in a kici teng)

American Indian and Alaska Native
America leitang tungah a teang masa bel ahi ei sangte in Red Indian ci in ih nak teng. (Form sungah amate le amte Navajo, Blackfeet, Inupiat, Yup’ik ci in a kici teng)

Asia
Asia pan a pai theampo. (Form sungah amate le amate Japanese, Chinese, Indian, Vietnamese, Burmese…..etc. a kici Asia ngam khat papo pan teng)

Native Hawaiian or Other Pacific Islander
Hawaii, Guam, Samoa le Pacific sung tuikul note tung pan hong pai theampo. (Form sungah amate le amate Pacific Islaner, Native Hawwiian, Guamanian, Chamorro, Samoan, Other Pacific Islander a kici teng)

Some Other Races
A tung ah, a omsa minam a hingawl minam pawl khat. (Sontena amate le amate Mexican, Puerto Rican, Cuban, Spanish ci in form sungah a at te)

Hi report ih et ciang Mikangte sia 72% zakhen bang om aa, a tam bel ma hi nginge lai ci sia kimu hi. 2000 census le 2010 censes kilaklaw population khanto dan rate en leang, Asia te khang bel aa, anuai a bang ahi hi.

Asia – 43.3%
Native Hawaiian or Other Pacific Islander – 35.4%
Thi kihel (kahbya) – 32.0%
Some Other Races – 24.4%
American Indian and Alaska Native -18.4%
Mivom (Black) – 12.3%
Mikang (White) – 5.7%

A population in a khangto ngawl bel sia mikangte hi aa, a zom in Mivomte in zui ci thu zong kimu thei hi.

A tung a thu teng a cing zaw in a sim nuam ih om le Census bureaute ii website CENSUS 2010 ah kisim thei hi.

TN

____________________

Zakhen = parcentage (ရာခိုင္ႏႈန္း)

http://www.census.gov/prod/cen2010/briefs/c2010br-02.pdf

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,038 hits

A Lui Te

Twitter Updates

Error: Twitter did not respond. Please wait a few minutes and refresh this page.

Live Trific

google-site-verification: googled172884ff34d55c0.html