Nikonghong

Home » Politic » 2012 US President Kidem Tute Taangthu Atom

2012 US President Kidem Tute Taangthu Atom

Obama president hong sep kum 4 cing dekkik zo aa, 2012 ciang kitealna (election) om kik tu hi. American ngamah party lian bel 2 om aa, Democrat le Republican partyte ahi hi. 2008 kitealna hunlai in Democrat pan Obama in zo aa, 2012 kitealnaah kidem kik sawm ahikom democrat sang pan sia, party sung kitealkik kul ngawl aa, amama democrat sang pan a kidem tu ahihi. Republican sang pan sia Obama a dem tu 1 a teal uh kul ahikom, tulaitak a kitealna vawt saan uh hi.

Republicante in January 3, 2011 ni in a khatna Iowa state sung kitealna man hi. Metang (မဲ) a nga uh dan sia a nuai abang ahihi.

Mit Romney – 30,015 (25%)
Rick Santorum – 30,007 (25%)
Ron Paul – 26,219 (21%)
Newt Gingrich – 16,251 (13%)
Rick Perry – 12,604 (10%)
Michele Bachmann – 6,073 (5%)
Jon Huntsman – 745 – (1%)
No Preference -135 (0%)
Other – 117 (0%)
Herman Cain – 58 (0%)
Buddy Roemer – 31 (0%)

A kidem teng sung pan numei 1 bek ahi, Michele Bachmann sia  January 4 ni zing pan kipan kidem sawm nawn ngawl in pusuak hi.

A kidem tu teng ii taangthu a tom in etkaakna;

OBAMA
2008 kiteal lai in “We Can End a War” “We Can Save the Planet” “We Can Change the World” ci Me zolna kammalte zangh hi. 2012 kitealna hun sia a president sep hun sung a nga liamma (ဒဏ္ရာ) tam mama taw a kidem tu suak hi. President a suakma nasep nei ngawl rate a tam mama kholsa sia kiam sak zo ngawl aa, tu dongma 8% pan 9% kilaklawma om lai hi. Congress sungah budget haksatna huvau in kumpi zum khak tu (government shut down) taw kisai nasia tak in a sim kul hi. President a suazawk a kum 1na bup phial sia, health care reform bebek taw bo ahikom, nasep nei ngawl rate le, siipuazi (business) sang bangma thutha man ngawl ci in kisonsia (ေ၀ဖန္) hi.

Profile:
A kum:  50
Suana mun:  Honolulu, Hawaii
Innkuan pui:  Michelle Robinson (a zi), Malia (a tanu), Sasha (a tanu)
Biakna:  Christian
A nasep:  A 44 veina US president
Political experience: 2008 president kitealna ah ngual zawna nga, Illinois state Senator, US Senator
A laibu at khaakbel – “Change We Can Believe In

A tha haatna: Me zolna (campaign) vawt natu sum hau. Tu laitak president a sep laitak hi tana power nei. Iraq ngal ka bo sak tu ci in kamciam a piak bangma bo sak takpi. Health care reform ka vawt tu ci in kamciam a piak bangma vawt zo. Kamciam a piak bangma, middle classte tung pan pheangsia (tax) kheam hi. Foreign policy ah ngualzawna nga, a tuan in Osama Bin Laden tung taang.

A tha neamna: Nasep nei ngawl rate kiam sak zo ngawl. poll kidokna papoah a rate niam. Congress sung Republicante taw compromise (အေပးအယူ) vawt thei ahikom, democratte pawl khat in dik sa ngawl. A health care reform huvau a langpang, dik a sa ngawl tam mama om.

MICHELLE BACHMANN
Midangte taw kibang ngawl in ama tuam ii ngaisutna taw veu in a kal suan ci in a kiciamte khat hi. Republican party pan Minnesota state ii a masaphitbel numei House of Representative hi. Tuama in Tea party te ii dei mama khat hi aa, congress sungah kumpite sum zakna nasia lei ci in a au tawntung khat hi. Obama ii healthcare reform a mel kik nuam in a hanciam bel sungah a lampui khat hi. Tax law taw degree nga aa, nidang IRS zumah naseam ngei hi.

Profile:
A Kum: 55
Suana mun: Waterloo, Iowa (Ama suana state ah me lel dikdek aa, kidem sawm nawn ngawl)
Innkuan pui: Marcus (a pasal): A tate – Lucas, Harrison, Elisa, Croline, Sophia
Biakna: Lutheran
A nasep: Congresswoman
Political experience: President kitealna ah kihel ngei ngawl, US House sungah a term 3na kihel, Minnesota state senator lui.
A laibu at khaakbel: Laibu at ngei ngawl

A tha haatna: Tea Party activistte in nasia tatak in panpui. Minnesota le Iowa kinai ahikom chance tam mama nei. Sum zon haat.

A tha neamna: Hun tom no sung min nga vazal pak bek aa, nungzui tatak nei ngawl. Republican party pua sang mun tatuam phul zo tatak tu kium ngawl.

JON HUNTSMAN
Obama khut nuai, Sen ngamah ambassador a seam hi aa, kitealna sung kihel nuam ahikom anasep tawp hi. Huntsman sia conservative (khanglui dann, thu lai mameang nuam ngawl pawl) mama khat hi. A pa sia Utah state ah a hau mama businessman khat hi aa, billion 1 bang nei hi. Mihing 12,000 khawng ii nasepna mun ahi, Huntsman Corporation a neipa le a founder hi. A pu David B. Haight sia Mormon pawlpi ci in a kihe, Church of Jesus Christ of Latter-day Saints pawlpi sungah thiampi khat ahihi. Sen kam (Chinese) phatak pau thei hi.

profile
A Kum: 51
Suana mun: Palo Alto, Calif.
Innkuan pui: Mary Kaye Cooper (a zi) A tate: Mary Anne, Abigail, Elizaberth, Jon, William, Gracie Mei, Asha Bharati.
Biakna: Mormon
A nasep: US Ambassador to China
Political experience: Utah governor (2005-2009)
A laibu at khaakbel: Laibu at ngei ngawl

A tha haatna: Foreign policy taw kisai experience le, state governor taw kisai executive experience nei.

A tha neamna: Obama kumpi sung naa a seam nginge zanglai a boss langpan tu in a kipan hi tana, democrat deite in zong dik sa ngawl aa, Republican sang pan a te zong in Obama taw na seam khawm khat ci in mu.

MIT ROMNEY
1975 kum in Harvard university pan law and business taw degree la. Bain and Co. ah na seam. 1984 ciang, tua company ii CEO le co-founder suak. Bain and Co. pan hong hau keak million 190 pan million 250 ciang bang nei.

Salt Lake City 2002 winter Olympic a tu sum vai taw kisai in haksatna tam mama a om laitak, Mit Romney ii lampuina le hanciamna taw tua winter Olympic sia hoitak kivawt kik thei hi ci in kiciamte hi.

Profile:
A kum: 64
A Suana mun: Detroit
Innkuan pui: Ann Romney (a zi) A tate: Tagg, Matt, Josh, Ben, Craig
Biakna: Mormon
A nasep: Keynote speeches, GOP fundraising
Political experience: 2008 president kitealna atu in kidem ngei. Massachusetts governor 2003-2007, 1994 lai US Senate a tu in candidate hi ngei.
A laibu at khaakbel:No Apology: The Case for American Greatness” (2010)

A tha haatna: Mihonte ii zaatak min nei sa politician. Me zolna (campaign) thiam mama si, fund zon thiam mama. A successful Businessman.

A tha neamna: Massachusetts governor a seplai a vawt Massachusetts health care law taw a dei ngawl om. Pawl khat te in Obama health care taw kibang ci in mawsiat hi. A biakna, mormon ahi sia zong mihing tam mamate in dik sa tatak ngawl.

HERMAN CAIN
A kidem tu sungah Obama ngawl mivomte ama bek om hi. Liver le colon cancer taw 2006 in kibawl ngei. Ama le am a cancer natna dam thiang khi hi ci in 2007 lai son hi. Nidang a khut nuai ah na a seam numei pawl khat in numei le pa lamsang hong zawthawk vawt ngei (sexual harassment) hi ci ina thu sonna te hong om aa, tua buainate hang in president kitealnaah kihel sawm nawn ngawl hi.

Profile:
A kum: 65
A Suana mun: Memphis, Tennessee
Innkuan pui: Gloria Cain (a zi): a tate: Melanie, Vincent.
Biakna: Baptist
A nasep: Tadensar columnists (Newspaper columnists)
Political experience: President kidemnaah kihel ngei ngawl. Experience nei vacin ngawl

A tha haatna: Thu son thiam, Businessman.

A tha neamna: Policy taw kisai doknate zo thei papak ngawl. Ama din mun kihe ngawl.

RICK SANTORUM
Abortion le homosexuality gay marriage ci khawng a dei vet ngawl khat hi. Pennsylvania state pan Republican Senator term 2 nga ngei hi. Obama ii health care reforms a langpan vilvel khat hi. Roman Catholic biakna pan hi aa, US president theampo sungpan RC biakna pan J.F. Canady bekma om ngei hi. Abortion le gay marriage a langpan vilvel ahina taw biakna sang mi zaw hiat teng in diksa hi.

Profile:
A kum: 53
A suana mun: Winchester, VA
Innkuan pui: Karen Garver Santorum (a zi), a tate: Elizaberth, Richard, Daniel, Sarah, Peter, Patrick, Isabella
Biakna: Roman Catholic
A nasep: Attorney (ေရွ႕ေန)
Political experience: President kidem ngei ngawl. US senate term 2 seam ngei.
A laibu at khaak bel:It Takes a Family: Conservatism and the Common Good” (2006)

A tha haatna: Senate term 2 seam ngei, Sum ziakna le lu-hmuh-yii (social) sangah conservative ngaisutna nei.

A tha neamna: Senate a tu me a kidem khaak bel lai 17% taw a kidem puipa lel. Nasia lel mama hi ci in kituat hi.

RICK PERRY
2000 kum George W. Bush Texas governor pan president a suak tu ciang, ama nasep a luapa ahihi. 1984 kum lai democrat sung pan political vawt in kipan aa, 1989 ciang Republican sangah tai hi. Sum ziakna lamsangah conservative mama khat hi aa, health care reform a vawt hu in Obama sia Socialist hi ci in a mawsiat vinvenpa hi. A governor sep sung Texas sungah nasep 1.1 million bang piang sak thei ci hi.

Profile:
A kum: 61
A Suanna mun: Paint Creek, Texas
Innkuan pui: Anita Thigpen Perry (a zi): A tate: Griffin, Sydney
Biakna: Methodist
A nasep: Texas Governor
Political experience: President kidem ngei ngawl. governor kum 10 sung seam ngei. Texas state House of Representatives lui.
A laibu at khaak bel:Fed Up!: Our Fight to Save America From Washington” (2010)

A tha haatna: Texas sipuazii (economy) sang a khang sakpa, nasep tam mama a piangsak theipa. Tea partyte in diksa. Piak khiat lamsang haat. US governor ngei a seam bel khat sung kihel. Me zolna (Campaign) ciang a kidem pui a ngaalpa saang thiam zaw tawntung.

A tha neamna: Ama thubek thu sa in, midangte a tu ngaisut sak ngawl ci in independent voterte in mu. Nasep tam mama piang sak ahihang, tua nasepte hong pian thei natu tax taw kisai le employer taw kisai a vawt law pawl khatte dik a sa ngawl om.

NEWT GINGRICH
Kum 40 zawk ciang Republicante (GOP) in House sungah control a nga kik natu a hanciamna (Republican Revolution) 1994 kum in piang aa, tua sung lampui khat in a kihelna taw mihingte in he hi. Policy lam sang a hiam (sharp) mama khat hi.

Profile:
A kum: 68
A Suana mun: Harrisburg, Pennsylvania
Innkuan pui: Callista Gingrich (a zi); A tate: A zi masa bel Jackie Battley taw tanumei 2 nei.
Biakna: Roman Catholic (2009 March tha in Baptist pan RC ah tai)
A nasep: Chairman, American Solutions for Winning the Future, college professor
Political experience: President kidem ngei ngawl, Former speaker of the house of Representatives.
A laibu at khaak bel:A Nation Like No Other: Why American Exceptionalism Matters” (2011)

A tha haatna: Politician min nei sa khat hi. “Ideas guy” ci in mihingte in ngaisun. Ngaisutna hoi a neipa ci in kingaisun. Siyoneyii (စည္းရံုေရး) thiam.

A tha neamna: Innkuan vai thu buai hau lei. Tam vei mama a zite taw kikhen aa, zi nei kikik. Biakna zong lai kakoai ngei.

RON PAUL
Nau suaksak Syavuan hi aa, nau 4000 vaal suaksak ngei hi. US House ah Texas pan 3 vei kihel ngei aa, term 12 vaal seam ngei hi. Kumpi sum zakna theampoah khepsuk tu le, ciil tu bebek nasiatak in a au khat hi tana mihingte in “Dr. No” ci nick name pia aa, Tea Partyte ii godfather kina si hi. Tutung a kidem tu teng sung a khangham bel hi.

Profile:
A kum: 72 (Tutung a kidem tu teng sung a ham bel)
A suana mun: Pittsburgh, PA
Innkuan pui: Carol Paul (a zi); A tate: Ronald Paul, Jr., Lori Paul Pyeatt, Randal Pau (Senator), Robert Paul, Joy Paul-LeBlanc.
Biakna: Baptist
A nasep: Congressman
Political experience: 1988 le 2008 lai president kidemna kihel ngei. US house sungah term 12 kihel ngei.
A laibu at khaak bel:Liberty Defined: 50 Essential Issues That Affect Our Freedom” (2011)

A tha haatna: Ama a supportte a tu, thin kiam vet ngawl in sepsak valeng thei hi. Online pan fund zon thiam mama hi.

A tha neamna: Iraq le Afghanistan ngaal taw kisai, a ngaisut dante le, kham thei ngui thei za pawl khat legal sak tu ci in a ngaisutnate dik a sa ngawl om hi.

Doppha: Yahoo News

____________________

Me zolna = Political Campaign (မဲဆြယ္ျခင္း)
kisonsia = Cricticized (ေ၀ဖန္ခံရသည္)

Advertisements

6 Comments

  1. Ngocinthawng says:

    Tu bang sim nop tuh hun la nong aat lungdam mama e Thawngno! Good Job!

  2. Cin Do says:

    Herman Cain ( Mivompa ) zong tawl nga zo bang khat hi

    • thawngno says:

      Hi peu nga. Ama tawm hnaa-buu pian hi zaw ziam, tua ahibuale, a ngalte na vawt zazan hi zaw ziam, tua ahibuale, numei pawl 1na sum tawkna zangh nuam hi zaw ziam kihe bo. Numei 3 ziam maw 4 ziam maw khawng na sexual harassment taw mawsiat nga. Ahihang atatak ahibua zong tawmma om baw le sia mawsiat thathong ngawl tha tu ve, ci ngawl nu?

  3. Chin K Khai says:

    Sia Thawngno
    Zaknop peuh mah ei. Theih huai thu vive hi ei. Newt Gingrich in president ding mekuang luingei hi ka cih hi ven, nong gen ciang a hih lo lam thei pan ingh ei. Tutung kua in ngah ding na lam en aa>
    chinkkhai

  4. thawngno says:

    @ Sia Khai,
    Republican lampan, Mit Romney mah in a ngah tam maw ci pian ing. Tun’ Florida state sung kidem ding hi uh hi ven. Mit romney ii a pu pen Mexico pan hi aa, Mit Romney kum 5 kiim khawng a phaak hun lai US ah hong lal uh hih tuah. Latino (Spanish) te, ei pau in “be ne te” ih cih te hi ven. State gol pawl khat ahi, Florida, Texas, California khawng be ne te tam ahih teh, Me pawl khat ngah tei tei in um ing. Ahihang, Gingrich pen nyan siam mahmah ahih teh a nyan leh a huih teng tawh ong khauh pai kik tam maw, kigen thei lian kei. Kei upmawk lian belh Romney in zo in um ing. lungdam…..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,048 hits

A Lui Te

Live Trific

google-site-verification: googled172884ff34d55c0.html