Nikonghong

Home » Sizang » SCC Nasepna Pawl Khat

SCC Nasepna Pawl Khat

By Rev. James Nang Khai
SCC Executive Secretary

SCC nasepna pawl khat a hunzui ih kalsuanna teng mipi heak tu in ih son kik nuam hi. Mi pawlkhat in SCC ii khiakna le tup le sawm zongh tel ngawl ahikom SRBA nasep bebek khawng veu kisa tha tawntung hi. Tu hile Sizang mi mun tatuam ah omte in hong tel vaial ahikom lungdam huai mama zo hi. Hi kipawlna sia biakna doidan om ngawlin kipawl khawm a, nasepna khat hi. Biakna /Pawlpi le Upna thu taw kisai ngawl a, ih omna munpapo pan minam itna nei in, ih ngeina te hilsawn a, Pathian minthan sak tu deina bulpi hi.

Lai at thiam kidemna
SCC min taw Lai at thiam kidemna kum sim ih nei ngei sia 2010 kum a (3) veina sia, Zaangsi Lianu thulu taw kidemna pan 4 April 2011 ni Hiangziing Baptist Church Pan SCC lampuite in tel piakna kinei uh hi. A kidem teng sung pan a phabel khat kiteal a, Pr. Cing Khawm Dim (Theizang) in nga hi. Tua ngawl a pha kikbel 4 teng, lungkimpuina tel kipia tua teng sia, Syapi Sing Cin Thang (Tedim), Bo Sing Za Nang (YSBC), Pa Zam Pum Howe (Tedim), Pa Ngin Khua Pau (Thuklai) ahi hi.

SCC zapzang Labu
SCC vaihawmna taw nop ni, daa ni a kibangin zak thei tu deina in Zapzang Labu 2000 kivawt a, bu khat ciang K. 500/- taw kizuak hi. Pawlpi sim ah seetan in kihawm a, seetan ih nga za tek Rev. D. Cin Za Dal (Orange Villa) Tahan pan kihawm hi. Bu khakhat in ih lei nuam le zong kilei sak a, tu laitak Tahan Siyin Baptist Church(TSBC) Pa Ngul Za Cin tungah kilei thei lai hi. Hi Zapzang Labu sia kizangh mama, zak nuam peuma ahikom Topa tungah lungdam ih ko hi.

SCC MEETING TATUAM

A (3) veina SCC Annual Meeting
20 April 2010 ni Athumveina SCC Annual Meeting sia, Kalay Siyin Baptist Church (KSBC) ah kivawt a, innteak pan vok khat hong ngaw in a kikhawm thei mi 50 kiim teng zing an vaak phitphet a, meeting nuam tak kizangh thei hi.

A (9) veina SCC-EC Meeting
29 October2010 ni A (9) veina SCC-EC Meeting sia, El-Bethel Assembly of God (Theizang) ah kivawt a, innteak pan vok khat hong ngaw in a kikhawm thei mi 48 kiim teng zingan vaak phitphet a, meeting nuam tak kizangh thei hi.

A (10) veina SCC-EC Meeting
17 March 2011 ni A (10) veina SCC- EC Meeting Taingen Siyin Baptist Church ah kivawt thei a, zing an lim mama taw hong vaak ahikom lungdamna kiciamtee hi.

A (1) veina SCC Triennial Meeting
4 April 2011 ni A (1) veina SCC Triennial Meeting & A (4) veina SCC Annual Meeting Hiangziing Baptist Church ah kivawt a, kum thum term khat sung nasepna te et kikna le 2011-2014 kum sung atu SCC panmunlen tealna kinei thei hi.

A (1) veina 2011 SCC-OB Meeting
3 May 2011 ni 2011-2014 hun sung teng hong lampui tu SCC-OB thak teng Siyin Baptist Church, Siyin Ywa ah meeting kinei thei a, Pr. E. Cingh Niang in muh le niangtui taw leangna hong do hi.

SIZANG ZAPZANG PAPUAN
Puan Committee te hong hanciamna taw Sizang Zapzang Pa puan hong vawt sia pha kisa tek a, A (9) veina 29 October 2011 ni SCC – EC Theizang, AG panin tepteena a kinei zawkciang tuni leitung mun tatuam ah theng kakoai zo hi. Maisang ah zongh a hanciam nuam po in Sizang Minam Zapzang Pa puan bek hi ngawlin, minam puan tatak in ih nei thei tu numei puan, pa puan te zongh ih ngaisun tato lai tu hi. SCC in Sizang Zapzang Pa puan a pian natu in a hanciam a nuai a teng tungah lungdamna kiciamtee hi.

1. Nu Man Za Dim (a) Zomang nu
2. Nu Dim Man Cing (a) Thangpau nu
3. Nu Kai Za Dim (a) Kappu nu

Kawlngam sungah minam tatuam ki om a, ei Khamtung Zo ngam zongh ah a tatuam in minam kikhen lai a, pa atu le numei atu in a hun zui in design hong vawt tek a, khua hun zui in ei zongh kalsuan thei tu kipan zo ih hikom lungdam huai mama thu khat hi. Sonsa bangma Zapzang puan bek hi ngawlin minam puan tatak in zak thei tu a hoi a pha numei atu ahizong, pa atu ahizong a thakin hong pian natu-zongh eima khat sim ii vaipuak hi ngawl ziam!

NIKONGHONG LAIHAWM
Nikonghong taw kisai 2008 kum pan kipan tha (3) ciang khat veiveu a kihawm sia April to June 2011 atu kihawm zo a, September, December le March 2012 ci bang ih suak sak kul tu ahikom SCC LAI HAWM sungah hel tu Article pan kipan thu tatuamte nong puak tek natu uh hesuak kong ngen uh hi.

THE THIRD SCC CONCERT VAI
The Third SCC Concert vai taw kisai 18- 20 November 2011 hun sung Siyin Baptist Church (Siyin Ywa) kivawt tu a, Concert 1 & 2 ih vawt bangma in thalawp, tha nophuai takin mapang khawm tek tawng. Tu pan kipan ih ngaisutna, thu le la, nei le lamh pan kipan kul le a kisamh babangin ih kipan bale dik ngawl tu hi. Ih hun le vai theampo Topa ma aapzaw tawng.

ANNUAL & TRIENNIAL MEETING
Hong pai tu kumte ah SCC Annual Meeting natu munte a nuai a bangin vawt tu ngealna kinei hi.

  • 2011 April – Hiangziing – A (1) veina SCC Triennial Meeting
  • 2012 April-LimkhaiZo – A (5) veina SCC Annual Meeting
  • 2013April-Voklaak – A (6) veina SCC Annual Meeting
  • 2014April-Thuklai – A (2) veina SCC Triennial

SCC- EC NATU MUN TENG:
SCC-EC Meeting sia a bo sa hun sung teng kum khat sung nii vei kivawt hi kale hong pai tu hun sung kum khat sung khat vei veu vawt tu a, a nuai a bangin vawt tu in ngealna kinei hi.

  • 2011 October-Mualpi
  • 2012 October-Khaikam
  • 2013 October-Bekan
  • 2014 October – LSBC, Leipui

2011-2011 SCC-OB TE NGAISUTNA
13 May 2011 ni SCC-OB teng Siyin Baptist Church, Siyin Ywa meeting pan Lampui khat sim ngaisutna teng ATOM in ngawmtua kikna hi.

  • Planing nei tu
  •  Kumsim thubulphu nei tu
  •  Consultation/Evaluation nei tu
  •  Ih mipuite (Denomination tatuamte) kaizot natu {Gospel, Tract hawmna}
  •  Sum le paai taw kisai sazian thiang tu
  •  Ngeina tatuamte enpha kik tu {Nopna/daana, Ngeina Puan, Innluaza..}
  •  Culture taw kisai Committee nei tu
  •  Lailam ah Dictionary, Grammar nei tu
  •  SCC in team spirit thupibel tu
  •  SYA nei zawk natu
  •  Siyin Numei taw kisai Committee nei tu
  •  Vanh le na hen thua nopna {Office, Motor…}
  •  Ih mipui pawlkhat Special Dinner Party nei pui tu
  •  Hun khat ciang SCC min pan SACC ci khawng min laih kul tu

Hi a tung a teng a tom in a kila ngaisutna teng ngawmtuana hi a, maisang kul le a kisamh bang (OB, EC & Annual Meeting) ah puakto, son to tu hi tu hi. A hun zui a, ih ngaisutnate ngawmtua in SCC hong puicin thei natu thungetna taw maapang khawm tek tawng.

Heaktu: SCC Annual magazine 2011 pan akila hi.

Advertisements

1 Comment

  1. Wklampui@gmail.com says:

    Lung dam huai ma ma ei

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,075 hits

A Lui Te

Live Trific

google-site-verification: googled172884ff34d55c0.html