Nikonghong

Home » Lai & Kampau » Sizang Kam Taw Kisai Thu Kikupna

Sizang Kam Taw Kisai Thu Kikupna

By: Kahtika Khup Lamh Cin

SIZANG NGAKNU CIIMTE KIPAUPUINA
A mun – Sizang Tuiphum Biakinn
A hun – 2011 March tha

A: Zeini YSBC patang camp pan hong cia ciang ka pa na “Kawlno hon! “NGA LI’ ” ci ek luilam.

B: Bang paulap maw?

A: Ama Zolai hil tu a pai le a thet te, “ခ်င္းဆရာလာၿပီ” hong ci siasua thong ci nga.

C: Tuale na pa na suak sa ngawl het ahi ve le! 

D: Keima zongh Kawl kam pau tu diksa zaw vaial veang aw. Zomi puite hile, ei bang hi tuak baw. A patangte bang, a kam uh pausak vaset thei.

B: Ahi tu ma. Amate sia patang Sunday School peuma ahi thei za a kampau ma zangh zaw ci. Innkuan sung seseam Kawl kam zangh buahet vak.

D: Ei YSBC patang zingsangte ci leang Kawl kam ngitnget hi pai. Inn ah le Nu le Pa na Kawl kam ma zak pupui lai ci vo.

A: Ei hile, ih patangte, naute na Sizang kam zak thei pha heang tu ci thada, a om hunlam zongh a he ngawl tu hi zo. Manhsa hi.

B: Ih Nu kam ahi bel hang no lai ma ih thiam phot bale, let zawk te suak thei tak bo. Kei sang ka kaa maa nii vei Taingen ka cia om lei tana a pau thei kik suak.

A: Kawl ngalkap sung om ngei ka Ni Cing bang a tate tung pan ma ka sin tatawm. A khak sang te Sizang kam se ka an’ neakna hi bo, ka man natu he bong ci san paih leleau. Ama hong natsiat pepet ciang Kawl kamamh bikbek vahai.

D: Mipilte ci bang hile ih thiambel, ih no kam taw ma khua kingaisun a, thuthuk kikan thei bek ci ahi te, pianpui kam a thiamte hampha suak.

C: Kum 40 saltaang Itazila te a ngam a cia kik ciang kampau ma buai pui. Laithiangtho sung na sim ngei uh?

B: Kamsang khat na a kam pau nuam nawn ngawl numeite bang a sam nuksak ci ahi le?

A: A pau tu a om lai teng ih kam a nungta” suak. Lai sia kam kepna ahi ngawl hunlam he tek leang pha. Akeam thei tu mihing bekma om.

D: Kampau hiie lai a kiphuatawm bang khawng a piang hi buan te. Pathiah ii hong phuasak ahi kul manphat dan.

C: Minam tatuam zongh kam bulphu ma a piang hi vei tam.

B: Tua hang ma hi vak. Malay pan ngambeal seaute bang UNHCR te thusit ciang a
minam kam a he ziam ci ma sit thei keak hi.

A: YSBC Zolai tentan ki zazom zo lai hi ngawl zia? Bangba hile a pha zaw him.

B: Kampau zongh kihil khawm paih le dik lalawm tu ve. Kampau he sa te atu pha peuma. Hi ha, kam he ngawl laite hile, lai a sim thei kakawm hang zong zangh thei tuan tu um bong.

D: Pa Lai sason thei bangma laimal pawlkhat a simna nam 6 pha, a khiakna tatuam nei lai zen ci leang a heak tu ol buante. Ih pau babang laisim thei kul ka zu le!

C: Sizang kam zak natu toi vaial sa thong khi. Pawlkhat bang pau thei kasap zangh nuam keak bo. Biakinn bang nei ba leang, bang law nawn tu.

B: Ke, Kawlte tel ngawl ih kipaupui vaziau thei ma dik ka sak khat hi. Ih ngen pai nuam zong ki nga.

D: Ngual sung paupui tu a dei ngawl ma om thei leleau hi zei! Ka Pa Vum hong sonna bang ci leang khat vei Bogyoke market sung heak ngei ngaknu khat taw kisi a, paupui vadul sia, nidangte hi bangna Kawl kam ma ih kipaupui zaw tu hong ci, ci ve.

B: Amate Kawlkam he si, eima kam le a pau thei te hong dungawk nginge hunlam hetekngeu lepha!

C: Ka Neau Huai terwpa na a ta minseal lak .Kawl min taw sang aap maw. A syapinu na ေမြးစားသားလား? ci pai. A pa en sia ka nui vathun thong ci ze!

A: Ka Pu Pum leleau a nasep turn lai Kawl min U Kyaw Kyaw pia. A khan tawntung Kawl lawmte na Chin Kyaw Kykaw ci sak veve. Ka oai hi ve, ta’wk zeang a ci nuam ma om tu.

B: Ih paupui thei tu tawm vaial, kamh vangau sa meak hing! Ngualtamh teng ngamdang papai. Nau ngual te la sonlo hi zo.

C: Nupi ungualte na nipi sim choir nei a, ih kam zangh lai lei.

D: Tasia pha dawm. Bang tan vei ih khom ka tawm. Tu laitak amate sung kihel vatut lei leang na uuk uh?

B: No, hong paa a om ngei? Dei tu um nu?

A: Dawp vaheei phot leang hi ve.

B: Na za tha uh? U Tual zongh a lawmte pai sasat hu a lungzuang thei vazek keak hi.

D: Ama beak paisan nawn ba lam le dik vak maw.

A: Malay bilbel pawlciang mama tuak. Khua sang om bang phet ma. Nidang YSBC a pawlcin lai bangma ci nga. Khatvei lai Limkhai kam he po leang tuak pai tu thintoi om bo ci a, kiciammui thei
teng taksua vei tam.

Thukhupna;
Ih taangh pupite na Kawlngian, Kawldol, Kawlmang thu akpui na phe nei, Kawlte NGA LI pau tu kham laak bang, ci khawng amate lealna kam na nei. Tuciang hiak ah a tutate ‘Kawlno’ suak hi hi zo ta. Khang khat, khang nii zongh bo ngawl lai ‘sangoai lumlee’ ih hi ba naam. Yangon Mivomte, Sente khang bangza hi zo a, a kam uh keam lingleng bek. Sizang kam kansut leang ‘lungtang’ bulphu kam (Ka lungdam) hi a, Kawl kam sia ngilpi bulphu kam (၀မ္းေျမာက္၀မ္းသာ) ahi hunlam kimu. (Ngam Khai Journal 2011 March, Vol. 1, No. 4 p. 12)

Tedim vuandok zum ah kamphen za a kikoi sung tawntung ma Sizang kampaute veu kikhan luilam hi. Thukhen zum kamphen bebek sia Pa KT Ngo Za Lian son bang hile (8) kipha. Tua ngawl lam kamphen zongh ki om lai. Tua hi ciang, Topa Pathian ii thupha piak kampau khat ahi kilangh mama a, hamphat lailaw ngei zo hi hing. “Nungsang mai sau zaw” lai.

Heaktu: SCC Annual  Magazine pan aki la kik hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,038 hits

A Lui Te

Live Trific

google-site-verification: googled172884ff34d55c0.html