Nikonghong

Home » Politic » Obama Ii A Thiamna Thu Nga Le A Thiam Ngawlna Thu Nga II

Obama Ii A Thiamna Thu Nga Le A Thiam Ngawlna Thu Nga II

Obama ii a thiamna thu nga teng ih kikup zaw ciang athiam ngawlna thu 5 teng en laleao tawng.

A thiam ngawlna 5
1. Healthcare Reform sungah awkcip lai
A thiamna thu nga sungah Healthcare reform zong khat in kihel hikale, a thiam ngawlna thu 5 sungah healthcare reform zong khat kihel vave hi. President a sua kum 2008 kum bup phial sia healthcare reform taw hun bo sak hi. Healthcare reform sia tu ciangdong man thiang thei mama ngawl lai hi. Motor license nei ii motor ih hawl nuam le Auto insurance (Car insurance) nei ngawl a phamaw bangma, American ngam mi theampo in health insurance nei ngawl phamaw sak tu ci in upadi a sua sak nop taw kisai, tu kum sung kinialna (debate) om tu aa, khaal sung Supreme Court in khensatna pia tu hi.

Ngaisut pakna, a thu in hoi mama ahihang, haksatna khat sia American ngam mi theampo in health insurance a nei hamtang natu in kumpi sum tam mama zak kul tu hi. US population million 300 kiim bang insurance kumpi in pia tu ci thu sia ol ngawl vave hi. Obama-care sia upadi hong suak takpi in hi le, sum tam mama kisamh tu aa, taang mi theampo tung pan zong tax zong khang siat tu ci in mihing tam mama in ngaisun khol hi. Tua ahikom, Tea party movement ci khawng te hong piang khia hi.

Tua insurance huvau, akisamh sum zonna tungtaang Obama le, a party kibanpui Democrat pawl khat kilak law nga-ngawn nasia tatak in kitel khialna piang hi. Congress sung akinial uh lai Republican lampuipi ahi John Boehner in “HELL, NO!” ci in aw nging taw au keak tha liang hi. Congress sung vote piak tatak ciang zo vamial ahihang, tudongma man thiang thei ngawl a, a ma party pui, Democrat te le, a langpang Republican te kilaklaw, ki sasaan lai hi.

2. Iran te khaam zo ngawl
American ngaalkap zumpi Pentagon in kumpi tungah Iran te ii nuclear vawtna sim natu bomb a lamdang mama khat vawt nuam aa $ million 82 bang kisamh hi ci in ngen hi. Tua bomb sia, lei nuai thuuk mama a tum suk zawk ciang a puak tham pheang tu in design aki vawt hi. Hi thu te ih zaak ciang Irante ii ngamtatna sia thu neam taw zo zo nawn ngawl ahikom, sim tu akisamh le zong sim kul tu ci dong ngaisutna a omna ziate kimu thei hi.

Obama in Irante siipuazi khaak tu (sanction) ci in a-au ahihang, Iran te in awl mawk peuma ngawl aa, a sep uh zong tawl nga tuan ngawl hi. 2009 Iran election lai zong Iran ngam mite lampi tung pusuak in president Mahmoud Ahmadinejad a dei ngawlna uh nasia tak in pualaak ahihang, tua ngamsung buaina te chance in la thei ngawl hi. Obama in tua buaina sung a kihel Iran ngam mi te, kam taw bekma pan pui aa, bangma a thupi vacin in support ngawl hi. Tua hun lai Obama in “the United States respects the sovereignty of the Islamic Republic of Iran, and is not interfering with Iran’s affairs.” na ci va ngeo ziau thong hial hi. A tatak cileang, 2011 sung thupiang, Arab Spring (Mubarak, Kadafi….etc buaina) ii patna sia tua 2009 Iran buaina pan kipan hi ci leang ki khial ngawl tu hi. Tua hun lai, Obama in Iran mipi te nasia tak in na panpui le Iran president Mahmoud Ahmadinejad zong taak tha tu aa, tu lai a lalau uh Iran Nuclear thu buai zong piang ngawl tha tu hi. Ni khat ni ciang Iran hu in leitungah siatna lian hong piang tha zezen le, taangthu atte in Obama a hawmthawkna thute at tu in um ing.

3. Kumpi deficit problem puapha zo ngawl
Deficit ii khiakna sia dictionary sung en leang “the amount by which a sum of money falls short of the required amount. The amount by which expenditures or liabilities exceed income or assets. A lack or shortage ” hi. A ol bel in phen tu hi leang “Sum tum sang sum pusuak tam zaw, sum zak kicing ngawl” ki ci thei hi. Kumpi khat in ngam khat a run natu a zak sum sia, a sum nei za saang a tam zaw le, deficit lak ki ci hi.

America sia leitungah ngam nasia bel khat ci in kiciamte ahihang, tu ni US kumpi te sum zakna ah deficit lak hi. Sum zakna nasia lei ahikom, a neisa sum kicing ngawl in, leiba ngangawn nei hi.

2010 April tha sung US deficit khep theiza khiam tu ci in ngaisutna taw commission khat vawt in Alan Simson (Republican) le, Erskine Bowles (Democrate) te 2 in lampui sak hi. Ahihang tua commission ii nasepna te ah hi vacinh in pan pui ngawl hi ci in US deficit taw kisai a kinte in mawsiat nuam hi. Ohio state a pai lai in “Hi bipartisan (party 2 pan mihing te ki hel khawm in nasepkhopna) commission in sep tu kilawm teng hong seam phot le, mai kum ciang deficit taw kisai a hampi, a haksapi teng zomh tu khi hi” ci hi. Deficit tung taang, hi vacin in seam pai ngawl, koi hilhel phot vei bua naa ziam ci in mi tampi in ngaisun hi. Mi tam mama in hawmthaw aa, a lung uh kim zo ngawl hi.

Hi commission in kum 10 sung US deficit $ 4 trillion khep zawk natu plan hong vawt hi. Khen 3 sua khen 1 (1/3) sia kumpi program le nasepna pan in sum zakna khep tu in vawt aa, a cian lai khen 2 sung pan pawl khat sia military budget khep tu vaihawm aa, tax pan sum a dik ngawl in a pusuak teng zong hoitak et cik tu in vawt hi. (Note: Tax return mann ngawl in a file te kidop tu hi vak). A planning bang hi le, hoi peuma ahihang Obama mama in hi commission ii nasepna hoitak endorse ngawl, panpui vacin ngawl hi.

Tua huvau in 2011 sung congress sung tam veima kam ngaal do kisimhna piang hi. Obama le Republicante kilaklaw “Debt Ceiling” buaina piang hi. Credit score thu son leang America om te in kitel siat hi. Mihing theampo credit union 3 pan hong teptena credit score khat tek ki nei aa, ih credit score zui in mihing khat sia sum taw kisai muan huai ziam muan huai ngawl ziam ci sia hong ki ciamte hi. Tasia bangma kumpi, ngam theampo in credit score khat tek sia hong kiteptena om hi. Mihing khat ii credit sore a en cik tu credit union 3 bang a om bangma, ngam kumpi te ii nasepna en cik in credit score a pia group, organization tatuam om hi. Tua organization te sungpan a nasia khat a hi S&P te in 2011 sung American kumpi ii score sia deficit huvau in hong taak sak (down grade the credit) hi.

Credit score taak suk lel po bang thupi na ziam kici tha tu hi. Ahihang mihing khat ahizong, kumpi khat ahizong credit score a taak suk na le, siipuazii vawtna sungah nasia tatak in nawngkai hi ci hi. Obama in deficit hoitak handle zo ngawl ahikom US ii credit taak ci in taangthu ate (Historian) in ciamte hi.

4. Housing market pua zo ngawl
Tuma kum 6 lai pan kipan housing market sia lal citak lal a, inn man zong taak vaial hi. House market lalna in American ii siipuazi nasia tak in dawk suk hi. Obama hong kaa pan kipan house market hong tak suk sia tudongma kaa sak kik zo ngawl lai hi. 2008 kum lai Bush in financial company lian mama hi aa, inn lei tute loan a pia bel a hi. Fannie Mae le Freddie Mac company te kumpi sum puuk in bailout hi. Tua bailout natu taang mi te ii tax $ billion 141 zangh hi. Tasia ciang kipan house market lal ngawp hi ci in business sang expert mama te in son hi. A hi takpi hial zong, tua le tu Obama kaa zawk kum 3 vaal kum 4 cing tu kithuai zo hi. Obama in house market taw kisai bang tatak vawt ziam ci en kik leang, hi vacinh a sep son tu om ngawl thong hi. Deficit tung taang a sepna te lungkim huai sak ngawl bangma housing market tung taang Obama in a lungkim huai bangma hi zo ngawl ci in kiciamte hi.

5. Sipuazii taw kisai kamciam nasia piak pal lei
Obama ii tam vei mama a paulap thu khat sia,2007 pan 2009 sung siipuazii lal sia the great depression (siipuazii kialpi 1920) zawk a nasia bel hi ci tawntung hi. Second world war manh sawng president FDR (Franklin D Roosevelt) zong bangma paulap nei ngawl, ngaalpi sung a lal dikdek le a kiam dikdek thin teng taw a kidim America sia a nuam mama hong sua kik hi. February 2009 lai NBC news pan Matt Launer tung tungah US sipuazii kum 3 sung ka khangsak tu, ka khang sak zo buale president term 2na nga kik tu in kilawm bong, na ci vazak ngei hi.

Obama a kaa sawng unemployment rate sia a nasia bel le zong zakhen 8% dong bang theng bek tu in tuat hi tuak hi. Obama ii economic advisor ahi Christina Romer le Jared Bernstein te in January 9, 2009 ni in “The Job impact of the American Recovery and Reinvestment Plan” ci report khat vawt hi. Tua report sungah Obama ii stimulus (hu sum) piak pan 2010 boma nasep 3 million pan 4 million bang create tu ci in at hi. A hihang atatak ciang unemployment rate sia October 2009 ciang zakhen 10% theng zen hi. Tu ni Obama stimulus in nasep million 3 bang create takpi hi. Ahihang ama up mawk bang in manlaang ngawl aa, 2011 bo kuan ciang dong hai hi. Sipuazii le unemployment rate taw kisai ol ngaisut lei, kamciam pia pal lei ahiciang ama kam pau nasa om bangma one term president poma vei hibek tu ziam maw ci sia 2012 November tha ciang ih et tu hi vak.

TN

Source: www.theweek.com, Wikipedia, Britannica Encyclopedia

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,179 hits

A Lui Te

Live Trific

google-site-verification: googled172884ff34d55c0.html