Nikonghong

Home » Sizang » SRUC Pan Laithak

SRUC Pan Laithak

Dear Sizang Suapui theampo,

Thuklai Hydro mei vai,Mangbuluam pan tui lak tu vai leh Ih Thuklai Sang vai nasep na pawl khat kong zaksak kik uh hi.

(1) Tuanlui Hydro vaii: Hydro mei  Tuanlui pan vawt tu ih ngeal sia, motor lam om ngawl in suak thei ngawl ahiman motor lam zik tawh ki pan in,tuk sung teng kitawl nga a tu-in  ki pan kik thei zo hi. Tuan lui pan Zo luam dong ki man zo a, ahaksa tu Zoluam pan Naukeen liang dong koih phot in a ol bel tu mun ahii Ngiita mual leh Kaalzang mawk Naukeen liang kilaklaw teng tu lai tak ki vaawt san hi.Tua mun teng sia a ol pi beltu teng hi aa, hi mun teng man zawk ciang Ngitta mual pan Phaipi- Pumva dong sep tu hi tu a,lambo  zongh pi 6 kan sang ngawl tu hi. Lam vawt na tu sum bo tu sia Tein (60) paam bang bo tu in ki ngeal phot hi.Pawl khat  ii hong dok na pan, Hydro mei vawt na tu sum tam mama  kul tu sungpan, lam zik na in sum bo thua sia kul tu ziam? ci in hong ki dong hi. Tua tawh kisai in ih mei  set zak tu ih ngeal sia 100 KVA tu in ki ngeal ahiman, motor tawh ngawl in amun ki theng sak zo ngawl tu ahi hang hi bel hi. Tua zawk ciang hi lam sia Zung te le Vangte te in hong zik tan tu a, Haimual lam India Tio dong in ki letsak tu hi.Tua hun ciang sia Thang sung, Sizang sung sia motor hong pai tan tu ci-in ngaisut na hi.

Hydro mei tawh kisai Estimate ki vawt ciang

(a)Motor lam vawt na 3.5 mile atu Tein (60)

(b)Mei vai tawk kisai theampo atu Tein (540)

(c)Meiset 100 KVA khat atu   Tein(120)

Total Tein (720)  bang hi tu a, Tu laitakFund ih nei sa sia Tein (48) hi phot hi. Tutung Dr Dal lampui in Pa Suakzanang,Sya Khaidoupau  te Naypyidaw setmuk Vuangyi zum ah Mei vai dawp in pai hi.Hydro Electric mei zumpi pan  hong vai thak na ah, Mei set 100 KVA bang zak na sawm uh leh Kumpi sang pan Survey kong vawt tu uh a, A mun, atui volume ahoi na leh, Community te zong hanciam in,Kumpi zong in huh na hong ki pia thei tu hi ci bang thu zong ki nga hi.

(2) Mangbuluam pan tuilak vai:-  Thuklai Saang le Zato ah tui haksat ciang, Thuklai Hausa le Upate in Mangbuluam tuinak Survey ki vawt aa, US,Sizang Burmese Mission Church te ih USD 3000 leh Nu Ciang Khan Dim ih Ks.300,000 hong  piak sia bulphu in  tui Pipe teng ki lei thei hi.Tu lai tak sia tuinak ah tuibeam khat vawt na tu leh a ki samh tatuam atu in Tein thum 3 kisam ci thu zong hong zasak ung.

(3) Thuklai saang vai:-  Pa Boarder te lupna tu akisam teng atu Nu Neampui (MCP) in Hiangthing kung nga hong pia a, tua thing teng at tu in ki vai hawm san hi.Lupna khat tul 5 toh saangpatang 100 ai tu Ks. 500,000 kisamh lai hi.A bo sa hun sung ih sep ngei bangma tan sawm sangpatang te Special tuition pia in Boarder ah ki koi tuam hi.US Siyin Development Foundation te huuh na US $ 1200 sia tuition hilh sang Sya/Sma te tha manh le Computer printer 2 leih na in ki zangh  hi.

(4) Thuklai Zato vaii:- Syavuan khat kumpi in hong pai sak kik hi.Syavuan hong thet ciang Zato inn lui teng ki pua kik hi.Zangkung pan Meiset khat Zato ah zak tu in ki lei sak thei hi.Aust pan Pa En Za Pum lampui na tawh PSBC pan Syavuan le Sma teng hong om tha lawp na tu Tein ni hong thak a, X’Mas letsong ci in ki piak sak thei hi.Syavuan pa sia kumpi ten a Cikha ah tawm vei hong puaksak a,khualhaw tawntung hi tanah khua ah a omh sia tam ngawlh hi.Tulaitak bangh om ngawlh hi.Khual  hahaw vavak thong hi.A khualhaw na pan Feb: ni 7 ni theng kik tu ci hi ve,  hong theng zo leau katawm maw’khawpui te’n na ciih hi.Maii lamsang ei ma tuam vilvel ma Dr, tatak ahibua zong HA beak ih saap tuam baleh khuasang sia piang buan te ki ci hon hi.US pan ahi a.Aus pan ahi zong koima po pan vaiihawm tek ki kumh tek leangh hong papiang tu zam ci-in inn sang pan ki lam en hi.

(5) Thuklai kumh 100 cin vaii;  tawh ki sai magazine suasak natu thu tatuam ki kaiikhawm a laaihlam komiti te komla’ mamah tek uh hi.Article hong ki ngen te zongh ahun lap in nong puak na tu kong zasak thua uh hi.

(6) Siyin Region Uplift Committee: – Sizang ngam sung khanto theina tu thu khat papo om ciang Committee  emergency veu in form-up hong kul sia nasep muibun zo ngawl kisa ahiman, tu ciang Yangon ah,” Siyin Region Uplift Committee (Yangon) ci-in standing Committee khat na phuan khu hi.Pathian thu tawh kisai ngawl theampo lampui in hong vaihawm tu ci khu hi.Mai sang zongah kizop na nei in ih vaihawm tato tu hi.Tutung tuteng ci phot tu. Dam tek tawng.

Committee luang in,

(Suakzanang)
Secretary
Siyin Region Uplift Committee (Yangon)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,038 hits

A Lui Te

Live Trific

google-site-verification: googled172884ff34d55c0.html