Nikonghong

Home » Biakna » Pawlpi Le A Nasep (Church & Her Ministry)

Pawlpi Le A Nasep (Church & Her Ministry)

By Rev. Dr. Pau Khan En

Pawlpi in a thupi mama nasep nii nei a, tuate in Pawlpi huam sung nasepna (Ministry) le Pawl pua sangah pai in nasepna (Mission) cite ahi hi. Tua hi a, hi lai sungah Pawlpi huam sung nasepna (Ministry) sia ih kikum tu hi.

1. Pawlpi kipatna
Lai Thiangtho Thuciam lui (OT) sungah Pawlpi (The Church) ci kammal kimu ngawl hi. Tua Pawlpi ii lim thimtham a lak kholna sia “Tealtuam Minampi” (The chosen people of God – kahal) ci in kimu hi Pathian le Israel minamte ii a vawt uh thuciamna (Covenant) hangin hong piang ahi hi. (Thiampi 26:12) Thuciam thak (NT) ah ahile a lim thiamtham a lak khol sia a tatak a piang tu in Christ Topa in na phut hi (Matt 16 13-20) Christ Topa in ama ii Pawlpi sia Peter a kici mihing tungah a phut hi ngawl hi (Roman Cathilic Church) Peter ii a pualaak kammal “Topa nang in a nungta Pathian ii Tapa na hi hi” ci upna tungah phut hi (Protestants) Pawlpi ih ci sia a nuai a bangin a khiakna ki omsak thei hi

  1. Christ ii pumpi (the body of Christ)
  2. Thu um mite kipawlna (koinonia)
  3. Sapna a nga tealtuamte (ekkiesia)
  4. Christ ii mo (the bride of Christ)

Pawlpi cina ah mit taw a kimu thei ngawl leitung bup taw kisai Pawlpi (invisible Church) le mit taw a kimu thei Pawlpite (visble-local Churches) ci in nam nii om hi.

Tapidaw Pawlpite ii upna laingil a lak Nicence Upna (Nicence Creed AD 325) sungah Tapidaw Pawlpi in Pawlpi khat bek (one) a thiangtho Pawlpi (Holy) leitung bup taw a kisai Pawlpi (Catholic) le Sawltakte le hun dadawlin a kizom Pawlpi (Apostolic) ci in telcian takin pualaak hi.

Pawlpi tatuamte pianzia le a bulphu en in hi leang a piang masa bel ahi Catholic, Orthodox Pawlpite in Biaktau (Altar) bulphu hi. 1517 kumin a piang Protestant te ahile Thuh hilna tau (Pulpit) thupi sak hi. 1916 kumin a piang Penticostal te in ahile, mipi (pew) thupisak hi.

2. Pawlpi ii a Nasepna
K L Cober a kici American Tapidaw lampui khat in Pawlpite ii a sep tu nasep vaipuak sia a nuai a bang teng hi ci in ciamtee hi.

  1.  Biakpiakna (Worship)
  2. Maapat khantosakna (Nurture)
  3. Kipawlkhopna (Fellowship)
  4. Tetti panna (Witness)
  5. Sawllamh nasep sepna (Service) ci in pualaak hi.

Hi nasep teng sia Pawlpi in hi zawk zaza, hi thei zaza in hanciam in sep tu ahi hi.

3. Pawlpi le Lampuina
Tuiphum Pawlpite le a dang Pawlpi pawlkhatte ah lampuina taw kisai in a kibang ngawlna a bulpi khat om hi. A dang Pawlpi pawlkhatte ii kilampui dan sia a tung lam (Vertical) a tung le a nuai in vaipuak nei a, Tuiphum Pawlpi sung ahile a tung le a nuai a tung lam hi ngawlin a beak lam (Horizontal) in vaipuak nei hi Hi kivaipuakna sungah Pathian thu laingil (Theology) khat pualaakna ahi hi.

Tuiphum Pawlpi sungah panmun nii taw lampuina (two field ministry) zangh uh hi. Tuate in Pawlpi keam thiampite (Pastors) le Pawlpi upa (deacons) ci te ahi hi. Pawlpi sungah a om thu ummite theampo sia Pawlpi atu thalawp takin sep tu dian tu vaipuak kinei tek hi. Lam khat pan ci leang Pawlpi ii nasepna ih ci sia Pawlpi mi (the laity) theampo Topa Pathian atu a nungta thu um mite sua natu ahi hi. Pawlpi bup in a cidam a thahat Pawlpi hi tu hi.

Pawlpi keam Thiampi le Pawlpi upa te in a nuai a, Pawlpi nasepna te ah vaihawm thiam in, Pawlpi bup cidam thalawp takin a nungta hisak tu kisamh hi.

  1. Thuhil tau nasepna (Pulpit Ministry)
  2. Holim nasepna (Counseling)
  3. Pasal pawl nasepna (Men Ministry)
  4. Numei pawl nasepna (Women Ministry)
  5. Khangno pawl nasepna (Youth Ministry)
  6. Pangtang pawl nasepna (Children Ministry)

4. Kum zalom 21 Pawlpi
Kumzalom 21 hun Pawlpite sia a kithaksua Pawlpi ih hi tu kisamh hi. Tua bang Pawlpite ii pianzia sia

  1. Pawlpi mi peuma in ama ii a upna le a zui thu tel kim tu hi (Faith and Order)
  2. Nasep vaihawmna theampo ah lemtaang tak le dam takin pialcian takin seam tu hi 1 Cor 14:33 (Peace and Order)
  3. Pathian ii mihing khat sim tungah hong piak kivahna tel te Pawlpi sungah zangh in naseam tu hi (Gift oriented Ministry)
  4. Pawlpi in thu um Pawlpi mite ii Pawlpi ahi hi (Church of the Laity)
  5. Simleitung atu in a nungta Pawlpi hi tu hi (The Church for the world)

Thukhupna:
Lai Thiangtho ciantel takin simin kanh leang Pawlpi (Local Church) sia thupi mama hi. Tua Pawlpi sia a khiakna nei Pawlpi ahi thei natu thu um mi khat sim in vaipuak nei hi. Leitung a kikheal thei natu thu um mi khat sim ii kipiakna nuntakna le tetti pangin thusonna sia kisap citak in a kisamh mama ahi hi.

_______________

Heaktu: Hi a tung a lai sia 5 June 2010 ni Jiidson Church Men FelloM’ship 10th Anniversary Thanksgiving Program ah Rev Dr S Pau Khan En u Lecturer ahi hi.

The Siyin Baptist December 2012 pan akilakik hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,075 hits

A Lui Te

Live Trific

google-site-verification: googled172884ff34d55c0.html