Nikonghong

Home » Sizang » Taingen Laisin Saanginn Thu

Taingen Laisin Saanginn Thu

By Pa Ngin Nang (Taingen)

Thu masa:
Ih Sizang ngam sungah khamtung ngam saksaang teng ii lamkhawm ahi le Pathian thu tak phitna Khuasak ngam hi in mai lam ah a thupi vaial thei tu ci mukholna om ahikom hi lai kong at hi. Tuhun lianin Taingen leitangh tungah bang teng kiseam a, bang teng kipuaphat tu om ci sia khang kik tute ii ih heakkhol zongh kul hi.

Tu laitak Taingen Laisin saang sia Party, Council hun lai in Bo Kim Ngin ii hong huna taw in June 1, 1986 ni in tan 4 Primary saang kihong hi. Vanh bangma om ngawl ahikom Pa Suang Za Dal in a innnuai kum nii sung hong kawmin saang kikaa hi. 1988 kum ciang tu lianin syate innsakna mun lian ah bi innpui khat sa in kum nii sung saang kaana in kinei hi. 1990 kum ciang hausa pa Pa Cin Khan Khai lampui in leiziik set taw lamkhawm tung saang innmun ziikin UNDP te in thikkaang pi 7 te dal 27 hong pia a, khua mite in dal 30 le a kisamh thing teng theampo sii in saanginn pi 35′ x 14′ khat sa in tuak ma ah saang kikaa hi. 1987-89 kum ciangin saanginn pep natu kumpite tung pan sum Ks. 70000/- kinga a, pi 18 kipeam hi. Tu lianin syate omna in 24′ x 18″ sia khua mite in suangseak in sum thalaw a, a kisa inn ahi hi.

2001 kum ciangin kumpite in မူလြန္(mu-lwin) kiseau thei ci thu hong omsak ciang khuathing lungkimna taw kiseau in township pan state dong ah seauna puakin kipai kakoai hi. Township ah hi thu taw kisai in Ks. 30000/- kibo a, khua in sii hi. State pan Ks. 40000/- kul ahikom keima Pa Ngin Nangte innkuan in ka sii uh hi. Avekpi Ks. 70000/- a kizangh suak hi. Hi မူလြန္ (mu-lwin) taw kisai in a pian thei natu Syapi Tun Za Dal le Syama Hau Khan Cing in nasiatak hong panpui hi. Kum 2002 kum sungah Township education office (U Tun Za Dal) ii Jun 3, 2002 ni taw hong theng lai nambat seik 3/1629 mu-lwin, le state education office pan May 3, 2002 ni taw hong theng thikkhau lai nambat 405/seik 1/ pah wah dah (mu-lwin) taw in mu-lwin saang Assistan township education officer in hong honsak hi.

မူလြန္ (mu-lwin) nga ciang sanaginn no lei kisa ahikom hong hu zo tu kizongin RC te le Japan embassyah keima Pa Ngin Nang le hausa pan Pa Lian Suak kopin seauna ka ten uh hi. Sya Tony Collus Mang Thang in hong samin pi 75 a sau dawl nii khat kong saksak tu uh a, innteak in uksuang tangh 36000 sii tu ci kamciam hong pia hi. Hausa pa Lian Suak in saang taw kisai teng Pa Suang Za Dal vaihawm tu in vaipuak aap kale uksuang kipiangsak zo ngawl ahikom pi 70′ a sau Ks. 14, 000, 000/- man taihinn khat hong sak sak ziau in man lei hi. Mikaang hun lai Kala ngalkap zite ii puaksukna tuinaak pi pan Taingen dong ta 4 le lang sau pipe Ks. 2, 700, 000/- man hong pia si hi. Hi tuilam taw keima Pa Ngin Nang in tha thum sung ka lampui hi. Tui phatak pai thei paih ngawl ahikom khuapui mite thinkiam paih a, Thaang tui taw laih hi. Pipe pawlkhat pamai tapo in lei sungah kinusia hi. Saanginn pi khat kicing tu hi napi ih khua mu ngawlna taw saanginn no khat bek kinga hi. Tu in လယ္ခြဲ (le-khoai) nga zawkciang saanginn no lei ahikom state education office le township education office te in saanginn keak tu vive hong hanthawn ahihang kikeak zo ngawl lai hi. Hamphatna khat a om ciang vaihawm thiam ngawlna taw khan tawnin ih minam le ih ngam in kihamsiat law hi.

28 Jan 2008 ni in No (2) Basic education department pan officer khat ahi Major Aung Shwe Oo saang ah hong pai a, saang teng a et zawkciang keima taw photo ka kizaih uh hi. Ka man uh ciang tan (8) seau tu vai hong hanthawn hi. Khuazang ma hausa in kikhop sam ahihang kuama hong kihel nuam ngawl hi. Tua hun laitak Taingen khuazaang innkuan teng –

1. Pa Kim Dal
2. Pa Khan Do Dal
3. Pa Thang Ngo
4. Pa Suang Kim
5. Pa Vungh Khan Tuang
6. Nu Zam Cingh
7. Pa Cin Khan Khai
8. Pa Kap Cin Nang
9. Nu Ciin Pum
10. Pa Khai Cin Pau
11. Pa Tuang Khan Cin
12. Pa Dongh Khan Cin
13. Pa Zam Ko Thawng
14. Pa Suang Za Dal
15. Nu Thang Niang
16. Pa Tuang Ko Pum
17. Pa Pum Khai
18. Pa Khai Pum
19. Pa Ngin Nang
20. Pa Pum Khat Pau
21. Pa Khai Do Pau
22. Pa On Khan Tun
23. Pa Lian Suak
24. Pa Vum Do Nang
25. Pa Hang Thian Thang
26. Nu Kam Khan Ciang

Tuteng ka hi uh hi. Hikale khua khat sup natu saangin saangpatang nei teng kiding kenkon suak hii Sum bo vekpi sia Ks. 810000/-hi.

1. Pa Khai Cin Pau 90000/-
2. Pa Dongh Khan Cin 90000/-
3. Nu Kam Khan Ciang 80000/-
4. Pa Tuang Khan Cin 70000/-
5. Pa Tuang Ko Pum 70000/-
6. Pa Pum Khai 70000/-
7. PaNginNang 90000/-
8. Pa Khai Do Pau 90000/-
9. Pa Vum Do Nang 90000/-
10. Pa Pum Khat Pau 70000/-

Tu bang dan taw in Ks. 810000/- a cin natu ka hanciam uh hi. Saangpatang nei in 13 sung pan Pa Zam Ko Thawng le Pa Suang Kim’te sia haksa lei ahikom kihelsak ngawl a, Pa On Khan Tun sia hong kihel nuam vet ngawl hi. Zum taw kisai a niambel pan a saangbel thet theina ahi Basic education department dong sia keima ka pai kakoai hi.

September 1, 2009 ni in No (2) Basic education department, Mandalay khua pan September 4, 2009 ni taw hong theng lai nambat 115/htanah khuai(1-khah)/3002/kah khah (le)/ 6580 taw BEHS, Thuklai syapinu Daw Than Nweh in hong honsak hi. Saangsya zongh (3) hong pia thua paih hi. Patangte Kawl kam heak natu ngaisutna taw 2001 kum pan kipan 2009 dong a pua pan private in Kawl syama (22) kisam zo hi.

2011 kum sung ma ah khua lai etna inn tu in kumpite in inn 24′ x 14′ khat sak natu sum Ks. 1,000,000/- hong pia a, khua mite in a kisamh laiteng belap in Taingen suaciilna ah sak kiman zo hi.

____________________
Heaktu:

  • SCC Annual Magazine pan akilakik hi.
  • Kawl laimal taw a kiat pawl khat a sim nop natu Alphabat laimal taw kilai hi.
  • mu-lwin = primary school sang a sangzaw saanginn
  • le-khoai = branch middle school
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,424 hits

A Lui Te

Live Trific

google-site-verification: googled172884ff34d55c0.html