Nikonghong

Home » Business » Datsi Man Taw Kisai Thu Pawl Khat

Datsi Man Taw Kisai Thu Pawl Khat

President kiteal hun sim, datsi man in ih ngaisutza in kitealna tungah affect zo tatak ngawl hi. 1992 kum election lai datsi man niam mama (gallon khat $ 1.77) aa, George H.W Bush ii hanciamna taw economy zong siipuazii kial (recession) pan suakta zo hi. Ahihang Bill Clinton in zo hi. Datsi man a niam hang Bush (senior) in zo tuan ngawl hi. 2004 election en laleao leang, economy sia hoi tu in hong kipat laitak, recession pan a pusuak lai tak hi. Ahihang datsi man ham (gallon khat 2.26) mama hi. Ahihang George W. Bush in zo vave aa, kitealnaah ngual zo hi. Datsi man ham ahihang zo vave.

Study vawtnate tung pan ih heak thu khat in, president kitealnaah American ngammite in datsi manh sang in siipuazii hoi ziam, hoi ngawl ziam ci sia thupi sa zaw ci in kimu hi. Tuni American ngammi atam zaw in siipuazi hoi kik tu kipan ci in ngaisun hi. Unemployment rate zong tha 5 akipe in taak suk hi. Siipuazi khantona rate (Rate of Economy growth) zong ka tato kik hi. Vanh lei (consumer) te ii kimuanna (confidence) zong pha vaial, lei ngam vaiak kik tu kithuai hi. Hi thute ih et ciang Obama atu positive mama ci in kingaisun tha tu hi.

Ahihang, datsi man hong khakhang thong ii, gallon khat $ 4.00 bang hong theng thong le bangbang hi tu ziam? Datsi man in kitealnaah upmawkza thu nei bo ih ci saam hang, gallon khat $ 4.00 hong theng thong le vanh mante hong khang tu aa, khangto kik tu aki papan siipuazi zong dawk suk kik tu hi. Kitealna vawt tu tha 8 bang bek kisam lai aa, datsi man hong khang tato lai thong le, Obama atu datsi manh in ngual lelna a nga natu a thu bulpi a hibua zong, siipuazi hong hoi bua le lau huai vave tu hi. Datsi man le kitealna taw kisai heaktu a kilawm thute hi aa, a dang datsi man taw kisai a heak nop huai thu dang pawl khat zong om lai hi.

1. Khua khaal hun thet sim Datsi man khang
American ngammi atam zaw ii ih heak ngawl thu khat sia, datsi huan natu in chemical pawl khat kizangh aa, tua sungah Butane zong nam khat hi. Butane sia a khu suak pal mama aa, meima khawng ih nei ciang silna in ih nei thei spirit taw kibang hi. Phalbi sung khuasik ahikom kep natu ol, a khu in leang vazing ngawl hikale, khua khaal hun ciang khua hun sa ahikom tawm veino sung a khu suak vazing in bo pal mama hi. Tua ahikom khaal sung datsi huan tu ciang butane luang in a khu suak pal ngawl chemical dang pawl khat zak ngawl phamaw hi. Tua chemical dangte in butane bang in man ol ngawl, man ham mama hi. Tua hang in khua hun lum tu hong kipan nale, datsi man zong hong khang tu ci in ih heak tu ahi hi. Tuma kum 4 lai Obama in Datsi man san lei hu in Bush a mawsiat sia a khiakna nei lei vavan ngawl aa, tu zong Republicante in Obama le democratte mawsiat nuam hi. Datsi man ham sia Politiciante in ngaal hiam in a zangh pak hi lel thong hi.

2. Saudi Arabia te tung kiding lei
Datis taw kisai heak tu kilawm thu 2na sia, American ngam in datsi tungtaang Saudite tungah kiding lei hi. Newt Gingrich in mezolnaah president ka suak le, Saudi ngam tungah ka khup din bua tu hi ( I will never bow to Saudi Arabia) ci hi. Tu ni US sung ih datsi zak a tam zaw Saudi pan ih lei hi thonghi. Newt Gingrich in hi thu tel sinsen ahikom Saudi Arabia tung pan datsi lei khiam in Canada le Mexico pan a tam zaw laak zawk tu hoi a sakna hi.

3. Oil company te duhop lei ziam?
Democratte in Datsi companyte duhop lei, ci in au tawntung hi. Obama mama in datsi companyte mawsiat thei bul aa, “have been making record profits off the money you spend at the pump.” na ci ngei hi.

Hi mawsiatna sia man bup ngawl hi. Obama in ExxonMobil, Chevron le datsi company liante ii kum khat sung a met sum sizian en leang nasia lei, met lei ci in a son sia man, dik hi. Ahihang, abosa kum 10 sung company lian mama dangte taw en khawm in hi leang datsi companyte ii sum met za sang in a se tam zaw a khang company tam mama om hi. Datsi companyte ii sum met sia tawm ngawl ahihang duhop ngawp in sum zong ci thei tu za liang in nasia ngawl hi.

Company lian pawl khat siipuazi khantona S&P te ii data pan en leang a nuai abang hi.

Boeing = 19.0 %
McDonald = 18.8%
Disney = 15.9%
Apple computer = 13.5%
Exxon Mobil = 8.9 %

American ngam bup ii siipuazi khantona sia tulaitak 3% kiim hi aa, tu laitak a khangto mama China le India te in 9% pan 11% bang hi. Hitana Exxon Mobil te ii 8.9% khantona sia normal lel ci in kimu hi.

4. Lei nuai namngim tou ngawp leang a pha tu ziam?

Oil storage facility in Cushing, OKlahoma

American leitang nuaiah namngim tam mama om aa, tuate tou ngawp leang leitungah namngim tam bel a nei ngam hi tu hi. Ahihang, tu ni ih tel tu thu in, America ah datsi kicing ngawl (shortage) hi ngawl hi. Oklahoma state, Cushing khua sia America ngam ii datsi taw kisai center (Oil hub) hi. Cushing khua pan US ngam sung atamzaw datsi kipuak hi. Leitungah datsi kholna lian bel sia Cushing khuaah om hi. Tu ni Cushing khua datsi tanki (oil tank) te sungah datsi a vaal a leet in tam hi. Son nopna in Cushing datsi tanki te sungah a tuk, a khaal, a phalbi bangma hun datsi tat ngei ngawl in dim tan hi. Lei nuai datsi tou ngawp leang ih khol natu ngangawn lungman huai tuak hi.

Tuabek dom ngawl, namngim ih taw ngawp hang akizangh pai thei hi ngawl aa, huan kul lai hi. Huan zawk ciang datsi hong suak hi pheang hi. USA in a bosa kum 10 sung namngim huanna setzung thak khat zong vawt ngawl hi. Tua hi le, namngim huanna setzung koi sungah vawt tu sa tu hi ziam? A poai sia namngim huanna sia ih kiim ih paam, ih county, ih state sungah vawt tu hi le, tuak mun ah a teangte in dei ngawl in kankuat lai hi. Namngim huanna setzung khat vawt tu sia tha 7 tha 8 sung aki man vazing zong hituak ngawl lalai hi. Tua cileang lei nuai namngim ih nei teng tou ngawp leang bang hong piang tu ziam? Namngim akisam mama India, China khawng ah namngim sial in (crude oil) ki zuak lel tha tu hi. Datsi man keam pai vahan tuan ngawl tu hi.

5. Strategic Petroleum Reserves (SPR)
2011 June tha sung Obama in SPR in a koi datsi zangh ngei hi. Tasia lai datsi man $4.00 dektak hong theng aa, middle east ah buaina tatuam (Libya, Egypt…etc) huavua in khang laitu ci in ki sason hi. Obama in emergency hun ciang zak tu in a ki khol (SPR) teng zak khuan hong piak ciang datsi man hong tak suk pai aa, $3.20 ciang dong tak hi. Tu zong tubang hi kik leang hoi ngawl tu ziam ci ngaisutnop huai hi. SPR ni khat gallon million 4 veu zangh leang, nipi tawm vei sung datsi manh normal kik tu ci hi.

6. Datsi man khanna bulpi
Upmawk thu sonna, tel ngawlna le politiciante ii mezolna tu in a uk bangpo a sonna bang in datsi man khang tuak kiam tuak hi ngawl hi. Khua hun zui in datsi huan natu akisamh chemical te hang, middle east sung buaina tatuamte hang, namngim taw sum vawtte (oil trader) te ii ziakna tatuamte hang le khangthak ngam hau pawl khat ahi Sen, India te in datsi lei citak a lei uh hu in datsi man khakhang hi zaw hi.

TN
Doppha:  The Week

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,038 hits

A Lui Te

Live Trific

google-site-verification: googled172884ff34d55c0.html