Nikonghong

Home » Ngeina » Ngual Inn Na Haw Ciang Le Ngual Hong Haw Ciang

Ngual Inn Na Haw Ciang Le Ngual Hong Haw Ciang

By Rev. Hang Khan Nang

Ngual inn na haw ciang

  1. Kongkha a kikhak le kong kha hong hon natu in biakpui masa in.
  2. Kongkha hon sa in a om zo le tum lel in a, a innkaa tung tawn phei in, a innkha ah ding a “Akua teng na om uh ziam?” ci in paupui masa in.
  3. Nikteen puansil a kilawm bang silh in a, hiam le nam khat papo a toai sa in haw heak in.
  4. Peangdap suut a kul le peang nawlna tung le ngual peangdap tungah suut heak in a, mun awngna khat ah suut in
  5. Innteakte ii tona hong piakna mun ah to in a, sabuai tunga vanhte thamsak heak in. (A zezen in na tham nuam le innteakte oaina ngen phot in.)
  6. Innteakte maitai tak taw a kiphu a kilawm bangin paupui phot in a, tua zawkciang nangma vaivana teng phatak son hithiat in. Innteakte puak khat po na nei le pia paih in.
  7. Thu na son ciang innteakte maktak thei tu kam pha ngawlte zangh heak in a, aw neam taktaw na son nop teng na son zawkciang, innteakte in zongh a dei bangin sonsak kik in.
  8. Leangna dona in neak thei dawn thei khat po hong pia le nangma hong thupi simna ahikom lungdam ko nanak in (Hi bang kul ngawl het ve ci khawng pau tha heak in. A kul buale ci in sot kik pai thong le poi mama tu hi.)
  9. Innteakte atu in thu dik ngawl khat khawng son tu hong kisawl ahi thale zong, aw neam tak taw a thu teng pawlcing tak na sonsiat zawkciang, hi thu luilam sia kei ii kong son nop a, kong son hi ngawl a, hong kisawl ahi ciang kuama kitelkhial bua tawng, ci in thu pualaakna nei hamtang in.
  10. Innteakte zongh vai tatuam nei tu ahiciang nangma vai teng na man zawk po ciang innteakte tungah lungdam kona le vaithakna nei in a, ciakik paih in.

Ngual hong haw ciang

  1. Maitai tak paupui in a, a hun taw kizui in a kilawmbelna mun ah tona pia in. (Stn. innkaa tung, mailim, innpi sung, anbuk mei kung…cbn. )
  2. Tona tu munah na topui zawkciang, Nong dam uh ziam? Tusung vawt zawk nong nei uh ziam? Bang thu lamdang om ziam? ci te na dok zawkciang “Bang na nuam ziam?” ci in dongh pheang in.
  3. Leangna do natu in a kilawm neak le dawn piak thei tu khat po na nei le pia paih in.
  4. Leangna pa/nu ii thusonte phatak ngai lingleng in a, na tel ngawl a om tha le dongh kik paih lel in.
  5. Hong thuko tu teng a mansiat zawkciang dam hithiat in thu kikuppui pheang in.
  6. Thu kikuppuinate Lai Thiangtho bulphu in kikuppui leang, kimawsiatna tawmbel a, thumaan thutak lampi zongh hibel hi.
  7. Zumkong mangkong thet thei natu thulian khat po hi a, kikuppui tu haksa na sa le, thu paidan a he na muan khat kungah paipui in a, nangma hu zawk tu ahile hu paih in.
  8. Na inn ah hong haw khat po sia lungdam thinnuam tak a cia thei natu in thinsung thiangtho tak taw leangna do in a, ama atu a kilawm piak thei khat po na nei le zong pia paih, hu paih in (Tuni na huu thei tu khat zing ciang pai kik tan ci heak in. )
  9. A cia ciang “Nong haw ka lungdam ni danag ciang zong haw kik tan” ci in na kongbiang dong tha in a, “Sun pha, Mangpha, Topa thupha” cite taw vaitha in.
  10. Na kongkha na khak kik nuam ahile na leangna pa/nu n a zaak ngawl tu in hivadeen khak kik lete, nang sia mihing a ciim in kiciamtee tu hi.

____________________

Heaktu: The Siyin Baptist pan akila hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,038 hits

A Lui Te

Live Trific

google-site-verification: googled172884ff34d55c0.html