Nikonghong

Home » Cidamna » Cidamna

Cidamna

Numeite a awng khaak le: Numeite nipi khat sung khatvei, nii vei bang bek, awng’ a pai te, noai cancer nga thei zawhiat hi.

Thuak tha kiam: Mihing kum haam zawhiat te, an a tuang leih le, a thuak tha kiam zaw a, a thu teptee theina kiam hi.

Kawl Sukluu (Zee Thee): Kawl sukluu sungah boron, potassium le calcium dat te om ahikom, ngu thahatsak a, nisim tawtawm ne tawntung leang pha hi.

Chi thum/zunthum za: Chi thum/zunihum za tam leih a ne tawntungte sungah, laa’ cancer piang thei hi. ‘Laa’ sia, chi sunga a thumdat a ki khaikimsak insulin dat a piangsak sia hi a, ih ngilpi tonga a kibelh samal khat hi. Chithum neite in, za bebek suang ngawlin, anneak kidawm tu a, tukna dianna (exercise) vawt tawntung tu a, tui tam mamane tawntung le phazaw hi.

Taangchiat le taangchiat bangpianh na ci tungah a om le: Clindamycin le Enoxid hel in noai in.

Leivui: Leivui no cilik, a kimu tham ngawlte sia, ih nak sungpan ih chivui sungah tum a, chivui natna, lungtangnatna le zunthum natnate piangsak thei hi. Tuate sia, a puasang pan hong pai thei si a, a puasang a ih silh sa puante tungpan le phiat ngawl a ih koih inn sung munte pan hong pai thei si hi.

Puakik na: February 19 ni Thupha Dai tui sunga, na ngil a thol ciang nikhai in 5 vei bang an ne in, a kici sia, tua ih neak tu an te sia, ansak hingawl tu a, a thak, a thuuk kihel ngawl tu hi.

KAAITHUMTEE (ကန္ဇြန္းရိုးနီ)
Kaaithum sia Ipomaea Aquatica Forsk kici hi. A kuung san a, a tee te, munkhat pan po khawm ngawl hi. A tee kuung sau a, thai tang bangin a dawn zum hi. Akimanna:

  • Noaitui tam suaksak hi.
  • Bukkhuk nuamsak hi.
  • Ngu’ khaam hi.
  • Tui sungah a orn lungnote in hong pet le, meima a sua tu khaam hi.
  • Mei kak, sathau kak te damsak hi.
  • Zun pai theingawl le niin tam leih a neite damsak hi. Kaaithum tee taw, uum tee taw, makeang tee taw, a khen kikimin, ngoaicip tu a, taangvui taw helin, taai tuagah koih leang, minit 15 sung, zuntui le pai a, niin a luangngawp sia le thaai hi.
  • Kaaithum tui awm in ngilpuak thaaisak.
  • Kaaithum tee taw, thangkhuai taw, makeang min taw, cii taw tui awm in hawp leang, zunbu sung suang omte le, zun lam natnate damsak hi.
  • Kaaithumtee ngoaicip in, a tui le cii hel in, tuasia taw, ci tum, sabawkte tuam leang, kiam thei hi.
  • Kaaithumtee ngoaihvui tui taw, Nant-tha-phyu-tway-yii (နံ႕သာျဖဴေသြးရည္) taw muanh (thuung ထံုး) tawm taw hel leang a, naak chite, damsak si, nang sungah buak. si leang, thaai hi. Naak sung tum’ a, naak bing tawntung te zong, thaai thei hi.

Source: Health Updates- Tropical Planting & Gardening

CHAW-KA-LET (Chocolate)
Chaw-ka-let sungah a om antioxidant le flavonoid datte in chipui cancer pian tu khaam hi, ci hi. Muk dang ih neak sang, chaw-ka-let neak tu pha zaw hi tuak hi. Leitung bup a, mihingte a that thei bel cancerte sia tuap cancer, ngilpi uum cancer, thin cancerte hi a, a li na sia ngilzangh le chi-pui cancer hi.

Source: British Medical Journal

CELL PHONE ZAK ZIA TU

  1. Na bil taw letmat 2 peuma ki kaangsak in.
  2. Zan in mit hamtang in: Ahi buale pi 6 kikhuala na koi in.
  3. Na za-ip sungah na koi le, a bawkte (kha-loke ခလုတ္) nangma sang nga sak in.
  4. Nau ngil om numeite in zangh buale phabel hi.
  5. Thik taw a ki uumna, motorcar, vanleang, meileang, le dat keallei te tungah, kizangh buale pha bel hi.
  6. Kum 15 nuaisiate in zangh buale pha hi.
  7. Nausente nai ah, koih ngawl tu hi.
  8. Longpants, bongbi sungah koih ngawl tu hi. Nau nei theina tha zawmsak hi.
  9. Cell a (SAR) hat leih te lei heak in.

-H. U.

____________________
Heaktu: YSBC Men Fellowship te ii vawt Thupha Daitui Vol. 6, No. 4 pan akilakik hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,411 hits

A Lui Te

Live Trific

google-site-verification: googled172884ff34d55c0.html