Nikonghong

Home » Sizang (USA) » Ngam Ankam

Ngam Ankam

Kum sim March tha theng le US Washington DC kiim ah om Zomite (Haka, Falam, Mizo, Teddim, Sizang, Lumbang…etc) ii vawt thei thu khat sia, ngam ankam lo ahi hi. Ei Zo ngam, Kawl ngam sangah om ngawl ahikom Zo kam in min kinei tuan ngawl hi. A meal sia kawpite taw ki sun aa, hong paak ciang ankam paak bang liinlian hi. Ankamte taw a limna kinai aa, tawm khaa vasip hi. A khaa ngawp sia zong hi bo. Mikang kam in bang naa ziam kiheak pui ngawl hi.

Ngam sung vaak leang ngam lopa taw po khawm aa, March tha bo le April tha kipat sung paak hi. Kuana hi ngam ankam sia ne phit ci thu sia upmawk thu in kison vasup ahihang, a man tatak kuama in son thei vaset ngawl hi. Kum sim March tha theng le, email group sung khawng pan ahizong, phone taw ahizong “ankam law hun zo zei” ci in kiza sak tek hi.

Ngam ankam lo in khat vei zong ka pai ngei bua hi. Ahihang ka innkuanpuite in lo thei si, ngual in hong pia thei si ahikom, kumsim ngam ankam ka ne tha tawntung hi. Ning kum 2011 laibang innkuanpuite ngam ankam lo tu kuan uh aa, ipp lian mama 3 bang a dim in hong ciapui hi. Tam lei ahikom, tuikhal kuang (freezer) sung khal sak aa, ka naneak uh sia, tha 7 tha 8 sung khawngma ne thei khu hi. A ngei vaial zawk ciang sia, kha vaial hi.

Tu kum ciang, ka omna Laurel inn pan tai 60 kiim khualana mun, Frederick khua sangah ngam ankam lo tu in ka pai hi. Ka pai hun sia a kipan sawng ahikom kimu siasua ngawl hi kale, motor tung pan tuak in ngam sung ka tum suk ciang tam mama a po a hi hunlam ka mu hi. Lamdang ka sak dang khat sia, ngam ankam bek hi ngawl in ngam kaisondol vei ci tu hi ziam maw, namkhat zong tam mama om hi. Tawm lo in ka nap le, a ngim sia inn kaisondol tawma kibang liinlian hi.

Ciakik lam motor sung pan Topa vawtsa ngam le lei hoi mamate ka e-en a, thiim diide in ka to kawm, mai lam sangah hi ngam ankamte taw ankam thuuk vawt thei leang hoi mama tu ve, zong kizuak thei tha tu ve, ci in keima tumtak ka ngaisun thathong hi.

TN

Advertisements

2 Comments

  1. khaipu says:

    Inn ann kaam ma a lim zaw tam maw Inn ann kam koi sung teng ah aom tam maw saai ahi gol

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 91,022 hits

A Lui Te

Live Trific

google-site-verification: googled172884ff34d55c0.html