Nikonghong

Home » Thutatuam » Amate Zong Eima Bangma Hi Lel Tu Zam

Amate Zong Eima Bangma Hi Lel Tu Zam

Ngampua ka pusua tu ciangin Laibu (Passport) vawt kawmin Yangon ah kum khat vaalhiat khawngma ka na om hi. Ni khat ciang lawmte khat in bangma na vawt tu le omngawl, cim liang a na om sangin Pinlone Baptist Church ah tintan kaa tawng hong ci a hong paipui hi.

Pinlone Tuiphum Pawlpi ii Pastor ahi Rev. Lian Za Dal in “A puicing nuntakna” (Abundant Life) ci thulu taw tintan hong pia a, tintan a kaa mi theampo in tha ka nga mama uh hi. Tua tintan kaana sungah Joshua a kici Falam te tangval khat zongh tintan hong kaa a, ka kimainap paih uh hi.

ama tung nipi ni ciang ko biakinn ah nong kikhawm nuam-ziam? ci ka dok le kikhawm nuam khi hi hong ci a, nipi ni hong thet ciang YSBC ah ka kikhop pui hi.

Tua ni in Rev. Dr. Lam Cin Thang in thuhil a, zaaknophuai, thanga huai mama kasap thuhil zongh man ngawl lai a, MYC ah pai tawng hong ci a te, bang hi tu ziam? hiak pan Syapa ii thuhilnate tha nga ngawl ni ziam? ci ka dok le hi bo, MYC te biakinn ah Chit San Maung na nipi sim guitar tum ci ve, Chit San Maung guitar tum ka mu nuam mama hong ci a, Chit San Maung guitar tum na mu nuam le Stage Show khawng en lete hi ve ka cile, Stage Show et zawk natu sum mama nei bong hong ci hi. Kei zongh Chit San Maung guitar tum mu ngeingawl ka hikom uuk hiiheei tana MYC ah ka na pai uh hi.

MYC ka thet uh ciang khangno bebek Biakinn dim na theng zo a, tona tu zongh a kinga vamial ma hi lai bek hi. MYC khangnote le lasak thiam thei mama a, la ngui khat a sak man zawkciang veu a Pastor pa in tua a lasak taw kisai thu hilna tomno veu hong nei a, thanga huai mama hi.

Tua a thuhilna sungah “Tui sungah a nuamsa ngasa” ci thulu taw kisai in thuhilna hong nei hi. Syapa thuhilna a thu son sia, ngasa a hi takpi nale-tui sungah nuamsa tu hi. Ngasa ahi bale tui sungah nuamsa ngawl tu a, ngei zongh om zo ngawl tu hi, tua bangma in a piangthak sa mi ahile Pathian thusung bek ah nuamsa tu a, a piangthak sa ahi bale Biakinn khawng, Pathian thu kisonna, kihilna tintan khawngah nuamsa ngawl tu hi ci in thu hong hil takciang kei zongh ka kithasung mama hi. Banghangziam cile Joshua taw ka nii ma MYC ka pai uh sia Pathian thu lungngul vacinna taw ka pai uh hi ngawl a, Chit San Maung ii guitar tum mu nop man bek a pai ka hi uhkom ka kithasung mama hi. Ka kungah a to Joshua tungah, hiak Biakinn sung dimleet a, a to khangno theampo Syapa thuhilna bangma a piangthak sa, born again sa hi hen a, “Tui sungah a nuamsa ngasa” te bang na hile dik mama tu ve ha, ka cile ama ii hong zo kiikna sia ngaisut huai mama bilbel ka sa hi. Bangba hong zo ziam cile “Amate zongh eima bangma hi lel tu zam”.

____________________

Heaktu: SCC Magazine pan akilakik hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,424 hits

A Lui Te

Live Trific

google-site-verification: googled172884ff34d55c0.html