Nikonghong

Home » Sizang » Siyin News – March 2012

Siyin News – March 2012

Good News From Afar (Proverbs 25:25)
SIYIN REGION BAPTIST ASSCIATION

March tha sia kumkhat atu in a thupi mama thakhat hi a, Tansawmte laihuan hun, Lai thiangtho sang patangte sangtuak hun, Kum khat atu Thaici/mute kuan hun, Mei kangtu kidop hun, Biakna nam tuatuam ah khawmpi vawttek hunte ahikom a thupi mama thakhat hi.

CHURCH SCHOOL TRAINING KIVAWT
Yangon Siyin Baptist Church (YSBC) pan in Topa a itna le Mipui te atu deisakna taw in Pr. Ruth Dim Kang, Pr. Siam Go Mung, Sya Cin Suan Pau, Sya Vungh Thian Pau te lampuina taw anuai a, Pawlpi tengah Training kivawt thei cithu kiza hi.

27 Feb. to 4 March 2012 Voklaak Baptist Church
5-11 March 2012 Khuasak Baptist Church
19-25 March 2012 Tahan Siyin Baptist Church

Hi Tintan vawtna hang’n Patangte tampitak phattuamna nga uh ahikom Sya/mate tungah kilungdam tek mama ahikom maikum ciangzong hong ciakik uh le citek uh hi.

THE 14thCHURCH SCHOOL TEACHERS TRAINING
12-18 March 2012 hun sungteng Hiangziing Baptist Church ah YSBC pan hongcia Sya/ma teng lampuina taw Tintan vawtna sungah SRBA ngam sungpan Church School Sya/ma mi 72 te in thusinna neithei uh a, thu manpha tampi tak sinthei cithu kiza hi.

M.Div MAN IN HONGCIA THEI
9 March 2012 ni Tahan Theological Collage (TTC), Tahan pan in Pastor Ridia Cing Khawm Dim (Theizang) in kum thum sung tawntung Pathian thuthuk a sinna pan M.Div man in Pawlpi ah cidam tak hongcia thei cithu kiza hi.

E&M GOSPEL & FUND RAISING
1-7 March 2012 hunsung teng Tamu Siyin Baptist Areas (TSBA) ngamsung Pawlpi 5 tengah E & M Fund raise cum Gospel le Video Ministry taw thua in Pr. Langh Go Laang (E&M Secy), Pr. Isaac Zam Khai (Field Pastor, Dolluang), Upa Dr. Cin Khua Lian (Pumva) te paithei uh a, anuai a bangh in E&M Fund nga uh cithu kiza hi.

Jangnuam – Ks. 44,000/-
Phaijang – Ks. 60,000/-
Tungkyaw – Ks. 36,000/-
Muallian – Ks. 23,500/-
Nonphalong – Ks. 43,000/-

YOUTH GOSPEL CUM MUSIC FUND RAISING
9-11 March 2012 hun sungteng Suangdaw le Dolluang Pawlpite ah Pr. Hang Do Pau (Youth Secy), Pr. Isaac Zam Khai (Pastor, Dolluang), Lia Man Khai (Voklaak) te Gospel le Music Fund kaikhawm in pai a, anuai abangh in Music Fund nga cithu kiza hi.

Suangdaw – Ks. 60,000/-
Dolluang – Ks. 22,000/-

SILVER JUBILEE VAWTTHEI
4 March 2012 nipi ni Assembly of God, Sychar (Khuasak) ah Silver Jubilee Pawipi kivawt in, tua sungah Rev.Dr. Khai Khan Suan @ Sya Khai Suan in Tha-an vakna le tintan piakna neithei a, mipite thanga tek mama hi. Tua banah Pawlpi simpan Pawlpi phu kum 25 cinna (Silver Jubilee) lungdam puina letsong piakna zong neitek uh cithu kiza hi.

LAANO GOSPEL LAWCING
22-25 March 2012 hun sungteng Rev.Dr. Mang Cin Khup (Hiangziing) lampuina taw Leipui Siyin Baptist Church (LSBC) ah Crusade vawt uh a, tua sungah Pawlpi mite thanga tek mama uh a, tha suataakna nga zong kibelap cithu kiza hi.

TOPA TUNGAH LUNGDAM KONA NEI
17 March 2012 ni Theizang khua ateang Pa Thian Khua Lian@Lianno ngamsung cidam ngawlna hang in 2005 kum in Kumpi te in hong kepsak a, Kum 20 sung kepnga tu in thukhen satna om hi kale Topa honghu nataw in kum 7 sung atawlngak zawkciang January 2012 hun’n hongcia thei a, Topa tungah lungdam ko thungetna neithei cithu kiza hi.

ZTC SANGPI PAN INTENSHIP MI 3 HONGPAI
March 12- 25 April 2012 pan kipan ni 45 hunsung Zomi Theological Collage (ZTC) pan in SRBA ngamsung anuai Pawlpi 3 tengah intenship pai a,

  1. Sya Laltanpuia Hiangziing Baptist Church
  2. Syama Bawi Len Par (TSBC) Tahan
  3. Sya Thang Sian Thawn Lk. Zo Baptist Church

Pawlpi atu phattuamna tampitak mapanpui a, amate atu zong Pawlpi tungpan in thuhoi tampitak nga cithu kiza hi.

PRESCHOOL GRADUATION
The 5th Hanah Preschool Graduation (Voklaak)11 March 2012 Sunday ni-in tha nophuai tak vawt a, Degree la mi 3 pha cithu kiza hi.

The 3rd Esther Preschool Graduation (Bekan)18 March 2012 Sunday ni-in tha nophuai tak vawt a, Degree la mi 4 pha cithu kiza hi.

CRUSADE KI NEITHEI
19-25 March 2012 hun sungteng Pawl ki doidan omngawl in Thuklai Baptist Church ah Rev. Thang Hen Vel in, deisakna taktaw tha nophuai tak Crusade hongvawt a, tuasung teng mi tampitak nah tha muanna, ki lam thakna ngatek uh cithu kiza hi.

AG SECTION KHAWMPI VAWTTHEI
2011-2012 kumcin AG- DC (7) Khawmpi Tonzang Khuapi ah nei uh a, tua sungah Thuklai Section pan in mi 17 bang paithei a, Khawmpi pan Delegate Upa te thukim nataw in Sya Ngo Lam Cin (Voklaak) le Sya Ciin Khan Kam (Hiangziing) te Pathian na muibun tak in a septhei natu Pastor Licence kipia cithu kiza hi.

TANSAWM LAI KIHUAN
2012-2013 kum atu Thuklai Sangpi pan’n laihuan mi 100 val phathei uh a, nidang kumte sang’n sang patangte lai hanciam zaw ahina tungtawn in laihuan theitek cithu kiza hi.

LIBRARY ATU LAIBU KIPIA
Tahan Siyin Baptist Church (TSBC) Library atu in Lam Bo Cin Pau te innkuan in laibu tuatuam ip (5) dim le Pr. Donald Suan Za Khai te innkuan in laibu (112) pia uh a, Pawlpi sung khangnote nah mai lamsang khanto natu lai ihsimtu hong tam va ail ci kikum in lungdam tekmama cithu kiza hi.

CMC REVIVAL GROUP LEADER
Zomi Baptist Convention, ZBC pan in Centenary Mission for Christ, CMC Revival Group Leader tu in SRBA pan Pastor aseam mikhat hong tulmaw a, akua paileang pha tuziam ci-in Pastor te ki kukum zo cithu kiza hi. Thungetna ah aap khol tek tawng.

BRANCH OFFICE II
SRBA Branch Office II zong 26 March 2012 ni pan kipan maban kizom kik zo a, haingawl in man thei natu thungetna ah phawtek tu le akisam laitu sum zong kamciamte ahizong setante ahizong amanlang in hanciam in cinsiat theileang phatu hi, cithu Siyin News pan in kong hanthawn uh hi.

TIN JUBILEE BUILDING
Tahan Siyin Baptist Church, TSBC Pawlpi phuzawk Kum (10) cin Topa tungah lungdam ko teptee na tu’n TIN JUBILEE BUILDING ci-in (27’x 18’) dawl 2 khat kisa a, tu’n thikkang kil in Uksuang ciang le aman tu hizo cithu kiza a, ki lungdam tek mama a, Topa tungah lungdam kiko tek hi.

ZTC GRADUATION AH GS PAITHEI
10 March 2012 ni-in Zomi Theological College (ZTC) ii A (52) Veina Graduation Service (FBC Biakinn) sungah degree la M.Div. (3) le B.Th (9)te atu ki aapna thungetpi (Consecration Prayer) ngetsak thei a, nipi ni ZTC Syate le Upa te taw Lailun ah biakpiakna khat neithei cithu kiza hi.

ZBC-BM AH PAITHEI
23-25 March 2012 hunsung Zokhua, HBA ah A(10) Veina ZBC-BM kinei a, SRBA pan-in tangmi anuai ateng cycle taw paithei uh hi. Kalaymyo pan Zokhua dong sia tai (145) pha hikale Topa ompuina taw buaina omngawl in hong theng kik tek uh hi. Thu khensat athupi khat sia in, ZBC ii min sia CBC(Chin Baptist Convention) in laithei natu in Trienial tentu thukimna kinei hi.

25 March 2012 ni Zokhua Christian Centenary poaipi kivawt a, Khansuang honna, Rev. Dr. Nial Ceu, Centenary Thusonna Dr. Bawi Hu, Centenary Message Rev. Dr. Stephen Hre Kio hi a, tua hunsung Chin State Prime Minister U Hung Ngai, le aqmufvkyfa&;0efMuD;U Ngun San Aung te in hong uap thei uh hi. SRBA in Centenary lungdam puina laibawm khat kipia hi.

  1. Rev. Lian Khua Hau – President, SRBA
  2. Rev.D. Cin Za Dal – GS, SRBA
  3. Rev. Thang Za Pum – AGS, SRBA
  4. Rev.J. Nang Khai – Treasurer, SRBA
  5. Rev. Hang Khan Nang – Pastor, Thuklai

SRBA ZUM SETBUK KIVAWT THAK
SRBA atu meiset thak hp(5×6) khat kilei thak a, set buk zong (6’x5’) khat athak in kivawt thua thei ci thu kiza hi.

GSM PHONE NEITHAK TENG
28 March 2012 nipan kipan GSP Mobile phone hong kizuak tu a, GSM Card khat ciang in Ks. 200,000/- taw dei bangin kilei theitu ci hi. Akua mapo hanciam tektu pha mama hi. Ahaingawl WCDMA Ks. 250,000/- taw hong kizuak kik tu hi, ci thu kiza hi. Khamtung atu bang WCDMA hoi zaw le kilawm hi. Anuai a tengin hong leikhol thei zo uh hi.

  1. Rev. Thang Za Pum, KSBC 09400310461
  2. Pa Pum Do Mang,Theizang 09400307745
  3. Nu Ciin Khan Niang, KSBC 09400310463
  4. Nu Ciang Khan Huai, LSBC 09400310462
  5. Sm. Cing Khan Dim, Lepui 09400310492

E&M MISSION SEMINAR KIVAWT
A khatveina SRBA E&M mintaw Mission Seminar Tahan Siyin Baptist Church (TSBC) ah 26-28 March 2012 hun sungteng kivawt a, tua sungah Pawlpi simpan Sya le Upa (75) paithei a, Mission nasep natu dan le aseamte ii septu dan tampi tak honghil a, mapat tudan tampi hong musak ahikom kilungdam mama hi.

  1. Sayakyi John Biak Thawng, (Director, Restoration Myanmar Mission)
  2. Sayakyi Thawng Za Lian, (Principal, IMCP)

Mission Seminar biakpiak hunsung tengah anuai abangh in vaipuak kila tek hi.

  • 26/3/’12 – Chairperson, Pr.Isaac Zam Khai, Speaker-Sayakyi John Biak Thawng
  • 27/3/’12 – Devotion, Rev. Thang Za Pum
  • 27/3/’12 – Chairperson, Pr. Ngo Khan Hau, Speaker-Sayakyi Thawng Za Lian
  • 28/3/’12 – Devotion, Rev.D. Cin Za Dal
  • 28/3/’12 – Chairperson Pr. Esther Cingh Khan Dim, Speaker – Sayakyi John Biak Thawng

SECULAR DEGREE LATE AZOM

  1. Lia Dim San Huai @ San –  d/o Pa Cin Za Khai (Lophei) in Kalay University pan B.Sc Degree hongla thei hi.
  2. Lia Vum Khan Huai @ Huaisau –  d/o Pa Tuang Khua Nang (Hiangziing) in Madalay pan in B.Sc Degree hongla thei hi.
  3. Lia Dim Suan Cing @ Suancing – d/o Pa Tuang Khua Nang (Hiangziing) in Madalay pan in B.Sc Degree hongla thei hi.

MITHI

  1. Nu Ciin Khan Dim (kum 70) w/o Pa Tun Lam Leipui (LSBC) in 11 Febuary 2012 ni-in Leipui a innpi panleitung hong nusia a, 13 February 2012 ni Rev. Kam Khen Pau (Pastor, LSBC) in vuina neithei hi.
  2. Pa Dal Cin Khai@Dalkhai (kum 22) s/o Pa Pum Dal (Taingen) in 22 April 2012 ni-in leitung hong nusia a, 24 March 2012 ni-in Taingen innpi pan in Rev.E. Ngin Khai (Pastor, Lophei) in vuina neitheihi.
  3. Nu Cingh Khan Dim (kum 60) d/o Pa Ngin Khua Kam (Khuasak) in 23 March 2012 ni-in Leitung hong nusia a, 25 March 2012 Khuasak a innpi pan in Rev.L. Do Cin Pau (Pastor, Khuasak) in vuina neithei hi.
  4. Nu Awi Za Cing (kum 76) w/o Sya Hau Cin Pau (Khuasak) in 24 March 2012 ni-in Leitung hong nusia a, 26 March 2012 ni-in Khuasak innpi pan Sya Ngo Khan Khup (AG Church Pastor, Khuasak)in vuina neithei hi.

 

____________________

Heaktu: Rev. James Nang Khai ii hong thak email sung pan akilakik hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,075 hits

A Lui Te

Live Trific

google-site-verification: googled172884ff34d55c0.html