Nikonghong

Home » Politic » Zomite le NLD Party

Zomite le NLD Party

USA President kitealkik tu hun hong nai vaial aa, kawl ngam zongah hlutdaw kitealna April 1 ni vawt tu hi. NLD party lampui pi Aung San SuKyi zong a dam lei ngawl kawm kaal pan Shan ngam, Tanintary, Kachin ngam le kawl ngam sung mun tatuam pai aa mezolna vawt hi. 

Zomi Buddhist Saang patangte

Zomi Buddhist Saang patangte

Ei khamtung, Zo ngam zong bang hun ciang hong pai katawm maw ci ka nga-ngai le March tha hong bo petma aa, Zo ngam hong theng ngawl hitana, pai nawn ngawl tu ci in ngaisung ing. Ahihang March tha bo kuan ciang NLD party le Zo ngam thu news khat hong suak hi. NLD party in Zo ngam thang sangah a kihong Buddhist saangte ah Saang vanh (education material) a hi, laibu, ball pen, note book, ruler…etc kyat 2,000,000 manh hlu (donate) ci thu hi. Ciang, Zo ngam saksang ah akihong Buddhist saang innte zongah, kyat 2,000,000 manh hlu lai tu ci in kiza hi. Zo ngam thang sangah akihong tua Buddhist saang inn te ah saang a ka, Zomi Buddhist saangpatang sia a kingawm 289 pha hi ci in tua thuthak (news) sungah kison hi. News a cing in sim nuam po BURMA TODAY(1) le BURMA TODAY(2) ah kisim thei hi.

A tung aa, NLD party ii Zo ngam hong vawt daan ka et ciang, ka ngaisutna sungah a nuai ateng hong suak hi.

  1. Zo ngam sia mezolna (campaign) vawt tu in tham man hong sa ngawl lel ahikatawm.
  2. Zo ngam zawng ahite, huna pia leang Zomite kinga lel vak ci in hong mu ahikatawm.
  3. Dei sakna tatak taw huna hong pia ahilezong, banghang Buddhist saang teng teal tuam in pia se hi tu ziam?
  4. Zomite lalel, amate le amate zong akilem namte hi bo. Teddim atuam, Falam atuam, Halkha atuam, Mindat le thang sang teng atuam hi aa, lau huai bo ci in hong ngaisun ahikatawm.

Tuni, Aung San Sukyi in Zomite bang bang tatak in hong mu ziam? Kawl ngam kilai mama tu in kithuai himakale, Zomite ih din mun le ngual ii hong mu daan pil vaang tak in ih he bua, ih tel bua hi le, minamdang theampo hong khang siat tu aa, Zomite a ngeina bangma nungah ih taan tu lauhuai sa ing.

Ih Zomi pui U le nau teng kilaklaw kilalang in hun ih bo sak le, minamdangte kipha zo ngawl tu hi. Kawlte in ih kilem ngawl hang phamaw hong sa ngawl tu hi. Topa Jesu hong hil bel thu khat sia, na U na nau nangma le nangma na kiit bangma it in ci thu hi. NLD hong kaa hang Zomite atu hi tuan ngawl tha tu um khi.

Zomi Buddhist Saang patangte

Kua party po hong ka zong Zomite hong it bel tu sia ih U ih nau Zomi pui tengma hong hi tu hi. Tu ni ih suapui, Zomi puite tung koi bang setsaan aa, koibang mu khi ziam ci thu eima le eima ih kisittel kik tu hun hi zo hi. Kiitna le kilemna bulphu leang thupha saang a khangto Zomi nam kisuak thei pheang tu hi. Bangbang ih ngaisun tek ziam?

TN

Heaktu: Zo ngam hong pai ngawlna thu ka nung heak kikna pan, tutung a kidemna tu mun 44 sung, Zo ngam mun khat zong pa ngawl hi tuak hi.

Advertisements

1 Comment

  1. khaipu says:

    ei gam sia kawl te na tel lei zo hi vaak a ma te pau taa paung ngia saa
    a ding gam va cin tu om gol a mu la lawm tu hi khat kaa le la pha ei ei ma mun ga na tu hi po le ciang thu khat pan i Biak pa thian na hong it man a hun nu nung hi zo ta na ama thu sung bek ma ilung gul tu a dei man zongh hi tha tu um ing ko peng lam saang te mu na hi bang po hi leau ei a pil te na na mu na bang mi nam it na taw hong za sak kik ka ve maw lung dam.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,075 hits

A Lui Te

Live Trific

google-site-verification: googled172884ff34d55c0.html