Nikonghong

Home » Thutatuam » The Lady

The Lady

Aung San Sukyi ii taangthu a kizai “The Lady” movie Youtube pan ki-en thei aa, a en zong tam zo tu um ing. Piantit le English ngam 2 kingawm in a kizai movie hi aa, Director sia Luc Besson hi. 1997 kum suak James Bond movie “Tomorrow Never Dies” sung actress a seam, Michelle Yeoh (Malaysia Sen) in Aung San Sukyi in kinei aa, “Harry Potter” movie sung actor khat ahi, David Thewlis in Aung San Sukyi ii pasal in kinei hi. “People Magazine” te ii kum sim a teal “50 Most Beautiful People in the World 1997” sung ah Michelle Yeoh zong kihel hi.

Piantit ngam ah a kihawm “Paris Match” magazine na, “A ngam le a minam atu in a nuntakna le a innkuan sung ki-itna a piakhia, a sacrifice numei khat le a pasal kilaklaw ki-itna love story hoi mama khat hi” ci in at hi. Michelle Yeoh in hi movie sia “A thuak hak ki-itna” ci hi.

Adelle Lutz

1995 kum lai “Beyond Rangoon” ci movie khat kizai ngei zo hi. Tua movie sung ah Adelle Lutz in Aung San Sukyi in kinei aa, Director sia “John Boorman” hi. Adelle Lutz sia New York pan hi aa, a pa Germany suan, a nu Japan suan hi.

Rebecca Frayn in movie producer ahi, a pasal Andy Harries taw 1990 zawk in Kawl ngam pai aa, tasia hun pan kipan “The Lady” project hong kipan hi. Andy Harries ii company Left Bank Pictures in 2008 kum ciang a script (movie luanzia) hong at hi. A kinei pii tu a ngaisut ciang Michelle Yeoh mu aa, kun hi. Michelle Yeoh zong lungdam peuma in saang pai hi, banghangziam cile, ama zong movie khat papo sung ah Aung San Sukyi a kinei tu sia a ngaisut tawntung, a uk mama thu khat ahikom hi. Aung San Sukyi ii pasal Michael Aris tung ah a taangthu kidong aa, ama son babang in movie luanzia aki-at hi.

Michelle Yeoh ii pasal (Piantit minam), Jean Todt in hi movie sia co-producer seam aa, ama lawm pha khat ahi, Piantit movie director khat ahi, Luc Besson, director in zak tu in ngaisutna pia hi.

Movie a kizai saan lai mama, Aung San Sukyi ii thuthak (news) khat TV ah hong suak aa, Yangon a omna inn zong TV sung kimu hi tuak hi. Director Luc Besson in a vawt tawm inn le Aung San Sukyi ii inn tatak sia a upmawk sang kibang sa zaw aa, lamdang sa mama hi. Michelle Yeoh zong hun a nga ciang Aung San Sukyi kung haw aa, a thet ciang, movie zaina sung ma a om laibangma ka kingaisun tha ci hi. Nisim a movie kizaina inn le, AungSan Sukyi ii inn tatak sia kibang sacip hi tuak hi.

Michelle Yeoh sia, June 22, 2011 ni Aung San Sukyi kung haw tu in Kawl ngam hong pai laleo himakale, Kawl kumpi in Yangon vanleang len pan deport aa, kile sak kik hi. Aung San Sukyi in movie zai man ciang kei zong ka en nuam ci aa, copy khat zong ka dei ci in son hi.

Michelle Yeoh in Aung San Sukyi ii ngamtat dan tukdan a kinei thei natu video tam mama nai 200 vaal sung bang en hi. Ama sia piano zong a tum thei takpi ma hi. Aung San Sukyi ii pum (body) taw akiban thei natu an neak zong tam mama khiamcip aa, a ngawm dingdeng a suak dong hanciam hi. New York post magazine sung Yeoh ii son bang hi le, movie sung a puan sil theampo Kawl ngam pan a kivawt, a kikhui nai puan hi siat ci hi.

Hi movie sia September 12, 2011 ni a kivawt “36th Toronto International Film Festival” ah amasa phit bel kilak hi. Tua zawk ciang “Rome Film Festival” October 27, 2011, le “Doha Tribeca Film Festival” October 29, 2011 te ah kilak hi.

Movie theater ah mipi et thei tu in a nuai abang in kilak hi.

  • Canada – April 6, 2012
  • Thailand – February 2, 2012
  • Singapore – February 2, 2012
  • Hong Kong – February 9, 2012

Kawl ngam zong ah pirate CD dal in kizuak tham zo hi tuak hi. US Secretary of State Hillary Clinton zong in movie sia en zo aa, “It was a moving experience for me and I think it will be for you” ci in comment pia hi.

“Hua Hin Film Festival” ah a lak ni Michelle Yeoh zong pai aa, hai ngawl in Kawl ngam khual haw tu in ka ngaisun ci in son hi. Hoi ih sak tek ziam maw a en ngawl lai ih om le a nuai ah en tek tawng.

____________________

Source: Internet news tatuam le Wikipedia

Advertisements

1 Comment

  1. Chin K Khai says:

    hoih mama ei

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,179 hits

A Lui Te

Live Trific

google-site-verification: googled172884ff34d55c0.html