Nikonghong

Home » Leitung » April 25, 2012 Ni Leitung Thuthak Pawl Khat

April 25, 2012 Ni Leitung Thuthak Pawl Khat

1. State 4 ah Romney ngualzawna nga laleou
Obama a dem tu, Republican (GOP) sung pan ki tealna, Connecticut, Delaware, Pennsylvania, Rhode Island, le New York state teng ah zeini (April 24) kivawt aa, Mitt Romney in state 4 ma zo siat hi. Delaware state pan ka lel le kidemna pan ka pusua tu le pusua ngawl tu ka khensat tu ci in Newt Gingrich na ci ngei ve, lel takpi ahiciang, a pusuak takpi zam et tu hi vak. Ron Paul hi le November tha dong ka pusuak vet bua tu ci hi. Romney na “Tu nitak sia a thin kiam huai Obama hun ii a tawpna tu in, a kipat ni hi a, ih vekpi laimai thak ih at tek thei natu a kipat ni hi” ci in son hi. [CNN]

………………………………………………………………………………
2. California ah Khui mamaw natna kimu
2006 kum lai khui mamaw natna California ah piang aa, a khat veina hi. Tu in hi khui mamaw natna California ma ah piang laleou hi. Natna vei khuite ii sa, zuak tu in kisem ngawl ahikom lau tu om ngawl ci in, Agriculture Department ulian John Clifford na son hi. US ah khui mamaw natna hong pian, tutung sia a li veina hi. Khui mamaw natna a vei khat ii sa ih ne tha le, mihing tung zong ah kilaw thei ci in ngaisutna om ahikom, hi thu hong pian peuma ciang, South Korea ngam na US pan khuisa khaak in, lei ngawl pai hi. [Associated Press]

………………………………………………………………………………
3. Annan: Syria buaina ol tuan ngawl lai
Syria kumpi in langpangte kap ngawl tu in UN tung ah lungkimna pia ahihang, US mihingte om ngawl nana mun ah kapcip vave thong tana, ol ngawl ci in, UN international palai Kofi Annan na son hi. Hi thei le, UN ngaalkap 300 bang koi thua leang pha tu ci in son hi. [The Press Association]

………………………………………………………………………………
4. Pakistan ii nuclear ngaal hiam
India ii missile kap sinna a vawt zawk ni tawm vei sungma Pakistan zong na nuclear bomb a kithua, a kibul thei missile rocket kap sinna vawt khu hi, ci in Pakistan ngaalkap ulian sang pan son hi. Hatf IV Shaheen-1A ci in min a piak uh, missile sia tuipi sung kap in sin hi. [Associated Press]

………………………………………………………………………………
5. Apple a za 2 dektak meet
Computer company Apple in 2012 tha 4 sung a meet sia zaken 94% bang khang hi. Sen ngam ah iPhone kikhawng mama ahikom hi tha 4 sung Apple company in US $ 11.6 billion man khawng hi. [Bloomberg News]

………………………………………………………………………………
6. Khangnote khut silna za Sanitizer kham
US le ngam khangtona thengte a tu in sanitizer sia a lamdang hi ngawl hi. Zato khawng cina en in haw leang, muntheampo ah sanitizer kikoi hi. Khut silna hi aa, khut tung om lungno theampo that hi. A man zong ol mama aa, dei bangpo kilei thei hi. Sanitizer sung alcohol zakhen 60% bang kihel aa, kikham thei ahikom, khangno pawl khat in kham nop, ngui nop hu in sanitizer ne aa, zu le kham thei nguai thei za tatuam luang in hong zangh uh hi. Tam a ne leite khamcip uh ahikom zato kipuak hi. Tusung teng mama, California, Los Angeles ah khangno 15 bang sanitizer vai taw zato theng hi. [MSNBC]

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,424 hits

A Lui Te

Live Trific

google-site-verification: googled172884ff34d55c0.html