Home » Sizang Taangthu » 123 Kumcin’ Siallum Kulh le Taitan Ngal: The Battle of Tartan

123 Kumcin’ Siallum Kulh le Taitan Ngal: The Battle of Tartan

Siallum Tangthu Kankikna le Pu le Pi te Phawkkikna

I. Thupatna: Taitai Ngal Ih Ci Sia Bang Ziam?
Tukum 2012 May 4 ni in Taitan Ngal kici ‘The Battle of Tartan’ kum 123 a cinna ahi hi. Tuma kum 123 hun lai Voklak khua mawk Siallum kicina mun-ah Sizangmi Kimlai-tu teng in khua sat a, ngalbukna tu kulh to-in ngal-bu, ngai-tai a om kimlai, a kulh khuvum zongh sin siat man tak ngawl lai 1889 May 4 ni in ngalte in hong simcip in hong moncip sawm ahizen thong hi. Tua ngalte in a kuate hi thong ziam? Cizat neingawl-in numei-patang khengawl-in zawthawkthu tawh hong sim ban-ah, thautang bek tawh hong kap ngawl-in thauteizum tawh hong sunlum vanete a kuami, a kuasa hi thong ziam? Tua ngalte in kuamadang hi ngawl, simleitungah nuntakzia civilization a sangbel kanei uh hi, a cinuam British-Mikang ngalte ahi uh hi. A mate in numei-patang tawh khuabup khat ngaltai, ngalbu in a om laitak, ngalphawnna warning beak vawt phot ngawl in ih phawkngawllan in hong raid, hong suam ahi zen thong hi.

Leitung ah mihing a hon-in kithalupna holocaust sia cizathuai bel ngamtatsiatna khat in kingaihsun ahi hi. Taitai ngal sung ah British ngalkapte-in holocaust hong vawt ahi hi. Taitan ngal sungah ih pu ih pi-te bukna le thina kulh sia a munzui in Siallum Kulh ih ci hi. Taitan ih ci sia ei ma’ kam hi bua le kilawm a, Mikangte in New Tartan a cina mun ahi hi. Hi mun ah kisimna in Sizang Ngam, Zo Ngam Chin Hills bek hi ngawl, Kawlngambup Mikangte tawh kisimna a tawpkhakbel ngalsimna ahi hi. [Maikum-nawn 2014 May 4 ciang in kum 125 a cing tu hi a, kum 125 cin’ Siallum Kulh Taitan Ngal Phawkkina pawi– Commemoration of 125th Anniversary of Siallum Fort & the Battle of Tartan ci in nasiatak vawt zo le’ang kilawm mama khat ahi hi. Sizang Ngam sung ah tangthu kician bel khat ih nei sun ci le’ang kikhial
buale kilawm hi. Tua ban-ah tangthu maan zongh ih pulak tu kisam ahi hi.]

II. Kumpinu’ Ngalhang-minphatna V.C. Medal Thalawna
Mikang British-te in Battle of Tartan ci in na ciamte uh a, tuak sung ah kumpinu’ ngalhang-minthanna medal thalawna khat om ahi hi. Ngal ngat mama, kisimna nasia mama cinopna ahi hi. Tua ngalhanna medal sia a min a tom in V.C. kici a, Victoria Cross cinopna ahi hi. British uk sung theampo kumpi naseamte kumpinu’ naseam veu kici a, tua in Victoria kumpinu a cinopna ahi hi. A ma’ ngam sia nitum ngeingawlna ngam ‘the empire on which the sun never set’ kici liang hi. ‘Nitum ngeingawlna ngam’ ci sia nidang in ngamkeak masa bel Spanish empire sontena in kum zalom 16 le 17 hun sung kizangh hikale kumzalom 19 le 20 hun sung ciang in British empire sonnopna in kizangh ta ahi hi.

Kumpinu tung ah na ngam hizata a zai sia bang tung ah kinga [found] ni ziam?ci-in a kidoh ciang, Lai Thiangtho bu lak a, hisia tung ah ka ngam ka lam hi ci veu in zo kik hi. Victoria kumpinu in Spanish le Portuguese ngam-keak-te nung ah kumzalom 19 ciang in ngamkeak-thahatna colonial power hong kipan ahi hi. Leitungbup ngalsim ka’kawi-in ngamkeak kawikawi hi. Tua bang in ngal a sim ka’kawina ah a ma’ a tu le, ngam a tu luangai- ta ngalsimte sung pan ngal mai tatak ‘in the face of the enemy’ ah ngalhanna a lak zo tatakte bekma a kipia a sangbel ngalhang-minphatna medal ahi hi. [Kumpinu Queen Victoria in a ma’ min tamsak in Victoria Cross-Thinglamte Ngalhang-minphatna medal vawt sak a 1856 kum in kipsakna nei ahi hi. Tua zawk kum khat 1857 ciang in Crimean War 1854-56 sung ah ngalsimna pan hong ciakikte ngalhang-minphatna piakna pan in V.C. medal piak kipan ahi hi. V.C. medal thu a cing zaw in a telnuamte a tu,[ see]

Ih pu le pi-te tawh kido kisimna sungah tua a sangbel ngalhang-minphatna medal a nga sia cinabawl Surgeon khat hi a, a min Le Quesne ci in ih ciamte hi. A mintak Ferdinand Simeon hi a, tua laitak kum 25 pha hi. British Army sung tatak pan hi a, medical staff khat hi in tualaitak Captain ahi hi [Pu Vum Ko Hau, Profile of a Burma Frontier Man, 1963 sungah Major kici hi]. Nungsang ciang Royol Army Medical Corps ah seam a, Lieutenant Colonel dong a za khang to hi. Ih pu le pi-te numei patang tawh ngalbukna hong sim uh a, kulh sung pan ih pu le pi-te in thau tawh kapvakek bek ahihu in, ol no tak hong zo thei ngawl uh hi. Mikang ngalkapte in zingtung in hong kuanku vakhian uh hi tuak a, lam am bikbek sia nisun
khawng pawl in Siallum Kulh mu zo pheang hi tuak hi. Ngal ngat mama ahikom in ih pute bek hi ngawl, ih pite in zongh thau tawi in kulh sung pan ngal kap hi tuak hi.

Hong zaw thei mama ngawl uh ciang in hong charge uh a combat hand-to-hand fight dong theng zen hi tuak hi. Khat vei kulh sung ah a om siat laitak kulh tung sitna khuvum thingpheakte kaltham in thautei bayonet tawh cizat neingawl in a tungsia pan a nuaisia ah om sutlup thei teng hong sun lum siat ahi hi. Holocaust kici, mihing a hon in cizatna om ngawl zawthawkthu tawh thalupna sazian sung ah kihel mithatna slaughter nasia mama khat hi nginge a ngaihsunthei le uh maizumhuai mama ahi hi. V.C. minphatna medal nga teng ciamtena record sung ah maizummaw in hi bang in ciamte uh hi:

On 4 May 1889 during the attack on the village of Tartan, Burma by a column of the Chin Field Force, Surgeon Le Quesne remained for the space of about ten minutes within five yards of the loop holed stockade, from which the enemy was firing, dressing with perfect coolness and self-possession, the wounds of an officer who shortly afterwards died. Surgeon Le Quesne was himself severely wounded later while attending to the wounds of another officer. (

Sir Charles Crossthwaite in a laibu The Pacification of Burma sung ah hi bang in na ciamte hi:

In this action Captain Le Quesne, of the Amry Medical Corps, showed conspicuous courage in attending to Lieutenant Michel, and was awarded the Victoria Cross. The troops retired to Fort White [Thuklai] without completing their work. A few days later they returned and destroyed the village and stockades unopposed (Crossthwaite1968: 305).

III. Sizang Ngam Puasia Kawlngam Sung V.C. Thalawna Dangte
Sizang Ngam kici the Siyin Country sung ngalkisimna ah British colonial power ngalkap sung pan V.C. nga khat a om man in, ih pu ih pi-te ngalhanna hu in ih angtang kisaktheipui tek mama a, [Tlaisun le Matu sang te ngangawn in Taitan ngal hong simpui kalai kiheang thathong zen kuampo uh hi. Sizang bup zongh kihi ngawl a, Pu Kimlaitu ahi Buanman le Voklak khuami teng bekma in Siallum kulh pan ngalnang ahi hi.] Mikangte hong sim lai Kawlngambup sung V.C. nga khat bek om in ih ciamte tha thei hi. Ahizong ei kung bek hi ngawl a, ih suapui Kaya-te’ ngam sung Loikaw khua hui zongh ah ei ma bang ma kisimna sung pan V.C. nga khat ma na om lai nginge ahi hi. Tua ngalhangpa zongh cina-ou surgeon ma hi a, Irish mi khat hi-in, Indian Army sung Bombay Medical Service pan ahi hi. A min sia Crimmin John ci in kiciamte a, tua lai kum 29 pha hi. Nung sang ciang Colonel dong a za khang hi. A ma’ ngalhang-minthanna medal ngana thu hi bang in kiciamte hi:

On 1 January 1889, in the action near Lwekaw Eastern Karenni, Burma a lieutenant and four men charged into a large body of the enemy and two men were wounded. Surgeon Crimmin attended one of them under enemy fire and he then joined the firing line and helped in driving the enemy from small clumps of trees where they had taken shelter. Later while Surgeon Crimmin was attending a wounded man several of the enemy rushed out at him. He thrust his sword through one of them, attacked a second and a third dropped from the fire of a sepoy. The remainder fled. (

Tua ban-ah a dang zong Kawlngam British expedition hun sung V.C. medal nga kiciamtena om lai ahiman, a thu phatak kanlai tu kisam ahi hi. Tua te-in a nuai a bang ahi hi:

Charles James William kici Scottish mi kum 29 pha khat 1891 kum Manipur ngamsung ngimngana disaster hun sungah V.C. medal kipia a, tua lai [Manipur sia nidang Kawlngam sungah om ngei a, First Anglo-Burma War 1824-26 zawk ciang British-te khutsung theng kik hi ve,] Kawlngam ma in ciamte lai hi le kilawm hi. sung ah a nuai a bang in kiciamte hi:

GRANT V.C., Charles James William 29 years – Scottish
Lieutenant, Indian Staff Corps, Indian Army

During the period 21 March to 9 April 1891 after the disaster at Manipur, Burma (now Myanmar), Lieutenant Grant volunteered to attempt the relief of the British captives with 80 native soldiers. Inspiring his men with his example of personal daring and resource, the lieutenant captured Thobal near Manipur, and held it against a large force of the enemy.

Later achieved rank of Bt/Colonel. ( (Kachin Expedition)

Lloyd kici Major Owen Edward Pennefather in zongh 1893 kum in ngalsung ah cina ouna pan liam in V.C. minphatna thalaw hi. A nuai a bang in record ki ciamte hi:

LLOYD, Owen Edward Pennefather V.C. – 39 years – Irish Surgeon Major, Army Medical Service (later Royal Army Medical Corps), British Army

On 6 January 1893, during the Kachin Expedition, Burma (now Myanmar), while an attack was in progress on Fort Sima, Surgeon Major Lloyd went, with an Indian NCO to the assistance of the commanding officer who was wounded. Surgeon Major Lloyds then stayed with the officer while the NCO went back to fetch further help in carrying the wounded man back to the fort, where he died a few minutes later. The enemy were within 10 to 15 paces during this time, keeping up a heavy fire, and Surgeon Major Lloyd was wounded while returning to the fort.

Later Sir Owen.
Later achieved rank of Major General. ( Sima/Kachin)

[Zom lai tu]

Sann’ Pa (Cope Suan Pau)
May 3, 2012


Leave a Reply

Fill in your details below or click an icon to log in: Logo

You are commenting using your account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,179 hits

A Lui Te

Live Trific

google-site-verification: googled172884ff34d55c0.html