Nikonghong

Home » Thuthak » Kawl Ngam Thuthak (May 14, 2012)

Kawl Ngam Thuthak (May 14, 2012)

UNFC le Kawl Kumpi
Kawl kumpi in Kachin KIA te a sim uh tha khat sung a tawlngak natu United Nationalities Federal Council (UNFC) in thu suak sak (announce) in ngen hi. KIA a sim uh sia Jun tha (10) ma a tawlnga bua le kumpi taw ki sim ngawl natu (ceasefire) lungkimna theampo ngaisut kik, et kik kul tu ci in UNFC in thu suak sakna ah ci hi.

UNFC sung ah Karen (KNU), Mon Pyitit Party, Chin National Front (CNF), Kachin (KIO), Shan (SSA-N), Karenni (KNPP) le thau toai groups pawl khat ki hel hi. Kawl kumpi le Kachin ngaal sia 2011 Jun tha (9) ni ki pan aa, Tapeing ngun tung hydro electric dam vawtna mun nai ah KIA te hong tum pan ki pan hi. Hi ngaal huvau in Sen ngam ah ngaal tai Kachin ngim nga 75000 kiim bang om tu ci in Human Rights Watch (HRW) report khat sung ki at hi.
Source: Irrawaddy

Ngamdang sum nei papo motor lei thei tu
Kumpi ii, Motor lei theina taw ki sai policy thak hang dollar manh khang ci in ki za hi. May ni (7) ni pan ki pan Myanmar Foreign Trade Bank (MFTB) le Myanmar Investment Commercial Bank (MICB) ah ngamdang sum account nei papo in, 2007 sang model sang zaw motor lei khuan ki pia hi ci in kumpi in thu suak sak ahikom, motor lei nuam te in dollar khol siasua aa, dollar manh khangto hi.

May ni (7) ni dollar khat ciang kyat 816 hi aa, hi policy thak thu hong sua zawk ciang dallar khat 828 bang thengto hi. Lei tatak tu zong leang 835 bang piak kul ci in ki za hi. Dollar manh khangto ahihang motor manh sia kiamsuk laleao hi tuak hi. Ting 150 bang amanh motor khat sia thing 120 zong ki khawng zo nawn ngawl ci in ki son hi.

Motor manh bek hi ngawl in, kham manh zong taaksuk hi. May (13) ni kham manh sia, phiak khat khai ciang kyat 699,600 theng hi.
Source: Irrawaddy

South Korea President Kawl ngam haw
Kawl ngam ah ni (2) taam tu in South Korea President Lee Myung Bak Naypitaw theng hi. Tuma kum 30 hun lai (1983) Korea President Chun Do Hwan Kawl ngam hong pai ngei aa, Nort Korea ngaalkap 3 in Yangon khua sung ah suamlum tu in ki pan himakale, suakta valeai hi. Tua thu buai pian zawk South Korea President Kawl ngam hong pai kik tutung hi pheang hi. Tua thu buai lai mihing 21 thi hi. 17 sia South Korea te hi aa, Minister (wongyi) 4 zong ki hel hi. President Chun Do Hwan sia Arzarni Beikman (Marthyr’s Mausoleum) a thet na tu minit 4 lapla luilam aa, North Korea ngaalkap te ii bomb taw suamlupna pan suakta hi.

Hi Thu buai hu in Kawl kumpi in North Korea taw diplomatic ki zopna pan tawlnga himakale, 2007 ciang diplomatic ki zopna vawt kik hi.
Sourch: Yahoo News

Vice President kik tu U Myint Swe?
Kawl ngam Vice president Tiha Thura Tin Aung Myint Oo a nasep tawp sawm ci in thu hong om vasup zawk, Vice President za lai tu aki ummaw sung pan U Myint Swe (Yangon division prime minister) sia a min suak bel khat hi.

Ngalkap ulian sung pan sum nguk ne ngawl bel sung U Than Shwe taw aki koi khawm pawl hi aa, politic sung aki cian vapam in a ngamta ngawl khat ci in ki son hi. Mon minam hi aa, Maymyo ngalkap saang pan 1971, batch (15) tuak pawl hi. A za hong khang tato aa, South Eastern commander hong suak hi. Tua zawk ciang a pil bel le thiam a sak bel uh te bek a piak uh Yangong division commander suakto hi.

U Myint Swe ii aki cian a sep khiat thu pawl khat sia, 2002 lai U Ne Win ii innkuan pui, a tu, a ta te man in thong sung then aa, 2004 kum U Khin Nyunt le a nungzui teng man in thong sung then ngei ci thu te hi. 2009 U Than Shwe tawlngak mahiat zong Army Chief Commander suak tu in aki ummaw bel ngei khat hi.
Source: Irrawaddy

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,075 hits

A Lui Te

Twitter Updates

Error: Twitter did not respond. Please wait a few minutes and refresh this page.

Live Trific

google-site-verification: googled172884ff34d55c0.html