Nikonghong

Home » Politic » Zo ngam politician te thuthak pawl khat

Zo ngam politician te thuthak pawl khat

Pa Zo Zam le Ulian pawl khat Australia pai tu
2010 ki tealna ah ngual zawna a nga, Pu Zo Zam le, MP pawl khat Australia ngam pai tu ci in ki za hi. May (21) pan (25) sung, Australian National University (ANU) ah Center for Democratic Institution te ii lampuina taw aki vawt tu, Political Party Leadership Program ah ki hel tu in a pai tu ahi hi. Hi ki khopna sung ah Kawl ngam pan a pai tu teng sia, CNP party pan Pu Zo Zam, Rakhiang Progressive Party pan secretary U Hla Saw, Democratic Party (Myanmar) pan Prime Minister lui U Nu ii tanu Daw Than Than Nu, National Democratic Forces pan Dr. Than Nyein le National Unity Party pan U Thein Tun citeng hi. 

Hi ki khopna sung ah South East Asia ngam pawl khat ahi, East Timor, Indonesia, Malaysia, Thailand, Philippines ngam pan opposition party lampuite zong ki hel tu ci hi. Party ngual zawna nga natu bangbang kal ki suan ci thu sonna nei tu uh aa, Australian Parliament zong en tu uh hi. Australian Prime Minister taw ki mu si tu hi.

Source: Chin World Media

ZNC party Registration Vawt kik thei ngawl lai
Chin World Media te ii song bang hi le, ZNC party registration vawt kik nuam ahihang Election Commision na saang ngawl, nial hi ci in ki za hi. A nialna thu bul pi sia Kawl ngam ah Zomi cibang minam min om ngawl hi, tua hang hi ci hi.

ZNC member lui Pu Cin Sian Thang ii tapa, Anthony Kam Khan Khual na, mihing thuneina paltatna (violation of Human rights) hi ci hi. 1990 kum ki tealna vawt lai MP mun 2 bang ah ngual zawna a nga ngeisa Party hi aa, lai at Thein Phe Myint zong na a laibu at (ခ်င္း၀ိေသႆတိုင္း) sung Zomi te thu at ngei hi. Chin state ah Zomi Baptist Convention le zomi Theological College ci khawngte zong Zomi taw ki sai et thei tu om hi. Hi thu taw ki sai koibang hi tu ci thu son thei bua lai ing, ahihang CEC meeting hai ngawl in ka vawt tu uh hi, ci in ama in son hi.

Chin World Media in Pu Zo Zam tung hi thu taw ki sai dong aa, “Tel cian ngawl ka hihang, ZNC party sia Zomi sung ah party lian khat in a ding top khat hi aa, abo tu awi bong, registration nga kik natu thu ngetna ah ka phawk hi, ci in son hi.

Source: Chin World Media

Chin Party 2 ki ngawm sawm
2010 ki tealna ah ngual zawna a nga Chin Party 2 ahi Chin National Party (CNP) le, Chin Progressive Party (CPP) te ngawm tua in party khat in din sawm ci in ki za hi. CNP party chairman Pu Zo Zam na, anuai pan hong kaato thu pawl khat hang in ki ngawm leang hoi tu ci ciang ngaisutna hong piang hi ci in son hi.

Party 2 lampuite 3 vei bang thu sonkhopna nei aa, akhaakbel May tha (11) ni CNP head office ah secretary level vave ki mu in ki kum uh hi. Tua meeting pan ki ngawm tu hoi hi ci in lungkimna nga aa, committee zong form up pai uh hi tuak hi.

Hi committee thak sung ah party khat sang pan mihing 6 vave ki hel tu aa, CNP party sang pan Salai Ceu Bik Thawng, Salai Nhgepi Thian Uk Thang, Salai Myo Chit le Pu Suah Za Nang ciban teng ki hel tu aa, Cpp sang pan sia U Aik Tun, pa Bawm le Saya Myah Kabya cibang teng ki hel hi, adang teng sia ka ciamte pak bua ci in Pu Zo Zam in son hi.

Party 2 ki ngawm tua natu tha (6) pan kum khat bang hai tu aa, party thak koibang min pia tu ci sia ki he ngawl lai ci in Pu Zo Zam in son hi. 2010 ki teal hun lai, CPP party na MP mun (12) ah ngualzawna nga aa, CNP party na mun (9) ah ngualzawna nga hi.

Source: Chin World Media

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,416 hits

A Lui Te

Twitter Updates

Error: Twitter did not respond. Please wait a few minutes and refresh this page.

Live Trific

google-site-verification: googled172884ff34d55c0.html