Nikonghong

Home » Sizang Lai » Sizang Lai At Daan Pawl Khat

Sizang Lai At Daan Pawl Khat

Sizang Bible Review Committee te in Sizang lai at daan standard khat hong pian natu hanciam saan ci in ka za aa, pha ka sa mama hi. Ih lai nei sung pan athupi bel in ih nei Laithiangtho pua hong man le ih lai at daan zong uniform khat in pai thei zaw tu ci in ka um maw hi.

Nidang hun bang hi ngawl, email kuama po in ih zak thei ciang, ih lai ni sim ih sim hi. Nidang email omma, ni sim ci thada, tha khat khatvei Sizang lai ih sim thak ngawl hun tam mama hi. Ni sim ih sim thak ciang, lai at daan khat le khat aki ban ngawlna zong ki mu vaial hi. Tua ahikom, Sizang Bible Review committee in Sizang Laithiangtho thak amanlan thethei hong man natu ki dei vaial hi.

Ih uk bangtek in at siasua leang, Sizang lai at daan standard om thei ngawl tu ahikom, Ni Kong Hong website sung lai at ciang, Bible Review Committee ii zak dan, system zui tu in ka ngai sun hi. Ahihang, tua ni thet dong, ka lungman Sizang lai ngawm daan pawl khatte anuai abang in zak tu in ka ngaisun hi. Hite in Sizang lai at daan hi bang hi zaw hi ka cina hi tuan bo. Standard khat ih nga dong Ni Kong Hong ii laimal ngawm daan hi bek hi.

Ih kam ki cinh ngawl hu in, Sizang kam in ih nei ngawl kammal tam mama om hi. Sontena:
President, prime minister, computer, software, degree…etc.
Tubangte sia English kammal la suak pai tu hoi sa lel ing. Phuak tawm tu in aki lemte phuak tawm leang zong ki zangh tatou thei hi. Sontena:
kumzalom (century), mihing thuneina (human rights), zakhen (parcantage)…etc.

(- te) at daan
Plural Noun at tu ciang ngawm in at leang pha sa ing. Sontena:

laibu (book), laibute (books)
nganhing (animal), nganhingte (animals)
ama (he, she), amate (they)

English kammal ih kop, ih zak sak te mun ah plural form in ih at tu le, (-s) mel lel tu aa, hi thei le aki laklaw ah (-) koi leang pha ka sa hi. Sontena:

secretarieste ci in at ngawl tu aa, secretary-te.
ministerste cin in at ngawl tu aa, minister-te

Ahihang, khat vavei (-te) theampo ngawm in ki at thei ngawl hi. Banghanziam ci le, (-te) sia khat vavei Verb to be daan in ki zangh hi. Sontena:

Kawl kumpi te in American kumpi te tung pan huna ngen hi.
Myanmar government is asking assistant from American government.

(Kawl kumpi te ih ci ciang, plural form ih son nopna hi ngawl hi. Tua ahikom, khen in at tu pha sa ing. Kawl kumpi khat sang atam zaw om ngawl aa, American kumpi zong khat sang atam zaw om ngawl hi.) Sizang Bible Review Committee te…. (Sizang Bibel Review Committee khat bek om hi. Sizang Bible Review Committeete ci in ih at le, committee 2 le 3 om a cina suak hi.)

(Ki+verb, Ka+verb)
(Ki+Verb) English grammar sung ah passive voice style lai at daan hi. (Ka+Verb)
Ki + Verb le Ka+Verb at ciang khen in at tu pha ka sa hi.

La hoi mama khat ki sa hi. (A beautiful song was sung.)
La hoi mama khat ka sa hi. (I sing a beautiful song)

(Ki – , Ka – ) sia category ki bang hi. Tua ahikom, khen in ih at tu le a nam 2ma khen in at tu aa, ngawm in ih at tu le zong a nam 2ma ngawm in at leang pha hi. Tam mama in (Ki+Verb) sia ngawmsa in at aa, (Ka+Verb) sia khen laleao hi.

(Ki+Noun)
Ki le noun ih at tu le, ngawm in at leang pha ka sa laleou hi. Banghangziam ci le, vanh khat, min khat suak ahikom hi. Sontena:

Kipawlna (organization), kizopna (relation), kimuna (meeting), ki-itna (love), kikhop hun (worship time), kitealna (election), kiteal hun (election time)

(Noun+in) (Noun + na)
Verb to be luang in aki zakna mun ah khen in at leang pha sa ing. Sontena:

Topa Pathian in leitung mite it hi. (Verb to be)
John in Khamtung nuam ka sa ci hi. (John is saying he like Chin hill)
John na Khamtung nuam ka sa ci hi.
Israel mite sal in ki man hi.

Verb to be type ahibuale, ngawm in at leang.. Sontena:

Matthew laibu sia belcing takin aki ngual ahi hi.
Tua bangin a son ciang, hoi ki sa hi.
Abraham khang panin David khang dong…..

Conjunction peuma mal khat in at leang hoi tu um ing. Sontena:

Ahihang, himakale, ahizong, ahibuale, hikasap, ahikom,
America sia leitung ah ahaubel ngam hi, ahihang mi zawng om vave hi.
Ann sia ameal hoi ngawl het hikasap, a it tam thei mama hi.

(Adjective + zaw, adjective + bel)
Ahizaw le ahibel thu sonna ahikom, ngawm in at leang hoibel tu um ing. Sontena:

saang…saangzaw…saangbel (tall….. taller….tallest)
lian….lianzaw….lianbel (big….bigger….biggest)

Preposition (ah, pan, dong, suk, to, phei )
Tuteng sia verb taw khen in at leang a hoizaw katawm ci khi. Sontena:

Khamtung ah mual hoi mama khat om hi. There is a beautiful mountain in Chin hill.
Yangon pan Mandalay dong tai bangza khuala zi?. How far is From Yangon to Mandalay?
Ama dum sung tuak suk hi. He goes down into the pit.
Taang lo sung tawn phei in. Go forward in the paddy field.

Zomlai tu;

Ni Kong Hong

Advertisements

4 Comments

  1. Kappu says:

    Hoi sa peuma ingh. Ka tangvalno lai ka lai-at dan sia ka Pa na hong sit thei peuma bul a, Zo lai sung One Word kizangh thei tu ziam ci ka dok kik le ama a nui za. Tedim Laithiangtho ahizong ka zolai sin bute ahizong ka-et kik le one word veu na kingawm linlian nginge peu.
    Phatak ka-et ciang English sung one word a ki-at teng ma Zolai sung one word in ki-at kik a hi nginge hunlam sia mu ingh. Hibang dan ahi hunlam ka a-et ciang Zolai a phatak ih at/ngual thei natu Manglai mal tam mama ih heak a kul phot tu khawng in mu zawpum khi. ( Lotual sung pan hile kammal khat ciang laimal khat valian in khen a, ih at sia telnop po ki sa zaw…………,

    • thawngno says:

      @ Vungbawi pa – lotual sung pan kammal khat ciang khat valian at sia ki tel vaseng bel tu bang hi takpi hi. Ahihang, pii cing tatak in ih at nop ciang hong pii thei tatak ngawl hi. Stn. Thilukhu (umbrella) bang vanh khat vilvel hi hana, mal khat ih sua ciang nuam pai aa, khen in at zazan leang, (Thi Lu Khu khu in pu suak)
      Thi = thina (death),
      Lu = lutang (head),
      khu= lutang tung ah koi (verb) 2 ki zomh.
      pu= Grand father
      suak = piang, nau suak, lungno sia pengpaleap suak,
      Tua hi tana……
      Thilukhu khu in pusuak
      ci in at leang ki tel pai vaset hi.

      • Tualpipa says:

        Hoi/pha mama ze-Thawngno hanciam tatao lai taw- A hihah a poi mama daan ka mu khat se-Ei Zolai lilim se uk babang- ki zom ki zom ngawl -pheang aat ngawp ka leang Zokam he/pau thei khat a tuh ki tel/ki sim thei siat luilam hi tanah tasia hang standard nei thei ngawl hi vaak ci thathaong ingh.

  2. thawngno says:

    @ Pu Thawng – Apoai khat sia, Sizang mi theampo ii simbel ahi, Laithiangtho sung ngangawn laimal ngawm daan standard ngawl lai hi. Laithiangtho sung ah lai mal ngawm daan mun khat le mun khat ki bang ngawl. Bible Review Commitee te in hoi tatakma hong en kik le, ciang Sizang lai at daan zong manual hong vawt le hoi tu um ing….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,038 hits

A Lui Te

Live Trific

google-site-verification: googled172884ff34d55c0.html