Nikonghong

Home » Thuthak » Teddim Thuthak (June 8, 2012)

Teddim Thuthak (June 8, 2012)

Teddim khua mi te in, June (1) ni aki vawt Chin State Hlutdaw meeting ah district (kha-zaing) vai ah lungkim ngawlna hang le, CNF zum Teddim khua sung ah koi tu in kumpi te le, CNF vaihawmna tung ah a lungkim ngawl hu in U Hung Ngai Teddim a pai sung khua sung sai theampo khaak bit aa, thim diidee in lak ci in Chin World media te in son hi. Mun tam mama ah, “Khazaing ka nga ngawl uh man in, khua ngai tak in kong muak uh hi” ci in lai ki suang hi.

June (1) ni meeting ah, Teddim, Tonzaang le, Cikha township in district (kha-zaing) nga nuam in nge hikale, vote taw khen ciang, Haka le Thantlang in, district nga zaw pumsai hi. Chin State Prime minister U Hung Ngai Teddim a thet ni, khua sung sai 800 bang khaak bikbek a, lampi tung a vaak, a cia mihing khat zong om ngawl in thim diidee hi tuak hi.

Prime Minister U Hung Ngai in Kam Hau hall ah Teddim khuami ulian teng taw ki mu in nitak nai 3:30 dong meeting vawt aa, son nop papo son vun ci in sam hikale, kuama ding vet ngawl, kuama thu son ngawl hi. Tua ciang U Hung Ngai in district (kha-zaing) vai in Teddim khuami te na lungkim ngawl kong zaa aa, hi thu taw ki sai ka nasep pan tawl ngah tu aki samh le zong ka tawl nga tu hi ci in son hi.

Saang sya lui ahi, Pa Kam Lian Thang in, Kyianh-khaing-zii party in Halkha le Thantlang sang pang in Teddim langpan in vote pia hi tua hang ka lung kim ngawlna a lak khu hi. ki pholakna (demonstration) vawt hi tuan bua ung, ci in son hi.

Teddim township Kyinh-khaing-zii party member theampo, ka nasepna pan ka tawl nga tu uh hi, ci in Kyinh-khaing-zii party member ahi, U Hang Khan Khai in son si hi.

U Hung Ngai sia Thuam Vum Avenue ah zaan khat ngiak ate, Tonzaang le Cikha pai suak tu hi. Tonzang le Cikha khua te zong ah Teddim bangma sai khan theampo khaak in thim diide in om tu khuami theampo thukim ci in ki za hi. Cikha khangno te son bang hile, Tonzang pan Cikha lam tung ah lungphona (demonstration) vawt tu ci in ki za hi.

Source: Chin World Media

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 91,022 hits

A Lui Te

Live Trific

google-site-verification: googled172884ff34d55c0.html