Nikonghong

Home » USA » USA Le Mihing Pha ngawl Te

USA Le Mihing Pha ngawl Te

FBI: US ah criminal case tawm vaial
Monday ni suak FBI te ii data sung ah USA ngam ii criminal (ရာဇ၀တ္မႈခင္း) rate sia ngaalpi niina man zawk a niam bel hi ci hi. 2010 taw en kaak leang mihing ki that zakhen 1.9%, kiam aa, rape, robbery le kivuakna (assault) zakhen 4% kiam ci in FBI thu son pa Bill Carter in msnbc.com ah son hi.

Neisa kisut hu in a piang crime zakhen 0.8% , motor ki nguksak zong zakhen 3.3% le inn le lo mei taw ki haal sak zong zakhen 5% kiam ci hi. University of Maryland pan criminology professor ahi Gary LaFree na, US atu leitung ngaalpi niina man zawk criminal case a niambel kum hi ci hi. Mihing ki that zong ning kum sang 280 in tawm zaw aa, leitung ngaalpi niina man zawk a tawm bel kum hi ci hi.

Ngam siipuazii thaneam ciang, criminal khang vaial tu dan hi kasap, hong kiam zawk pumsai sia a lamdang le a lungdam huai thu hi ci in Gary LaFree na son hi. A cing zaw in a sim nuam ih om le, The Week, MSNBC le FBI website te ah ki sim thei hi.

FBI ii teptena sung mihing pha ngawl bel 10
Federal Bureau Investigation (FBI) zumpi in USA ngam sung ah mihing pha ngawl bel ci in a tepte (wanted) list sia anuai ateng hi. A ngamtatna uh hoi ngawl bel ci in US kumpi ii tepte ci leang ki khial ngawl tu hi. A seksol bel, mihing pha ngawl bel sazian sung ah ei Asia suan khat zong ki hel ngawl lei hi. Mivom te zong a meal uh hoi ki sa ngawl het tana, siatna vawt nasia bel zong mivom te hi tu ki um papai ahihang, a sia bel list sung ki hel zo ngawl lai veitam. Ango kiukiao, a hoi sitset theampo zong mihing pha hi siat papai tuan ngawl ci thu ih phawk tu, ih tel tu ki samh sa ing. A cing zaw a sim nuam ih om le FBI website ah ki sim thei hi.

ERIC JUSTIN TOTH
A nasep: Saang sya
A Ngamtatna: Child pornography (patang blue video) vawt, zai. Computer le internet lamsang thiam mama khat hi aa, pilna nei khat hi. Expert Socio Engineer khat hi si hi. Purdue University pan education taw graduate hi.
Minam: American Mikang
Note: A omna a son thei po, US $ 100,000 ki pia tu hi.

Jason Derek Brown
A nasep: Golf vanh zuak
A Ngamtatna: 2004 kum Arizona state ah mihing that, damya tai. Movie theatre mai ah a tawlnga, motor khat damya tai ate, motor sung om sum teng tai pui. Piantit kam thiam mama khat hi aa, international business taw master degree nga sa hi. Tu mama zong 9 mm thau khat le .45 caliber thau khat nei nginge hi tu in ki um hi.
Minam: Mikang
Note: A omna a son thei po, US $ 100,000 ki pia tu hi.

Joe Luis Saenz
A nasep: Nei vacinh ngawl
A Ngamtatna: 1998 July tha sung mihing 2 that lum. Tua zawk nipi 2 zawk ciang a girlfriend rape, tai pui a ciang that lum lai. Police te in mat hong sawm le ka that lum tu ci in ama kam pan son ngei ki ci hi. 2008 kum October tha ciang mihing khat that lum laleao, ki man zo ngawl lai
Minam: Sahlone (Latino)
Note: A omna a son thei po, US $ 100,000 ki pia tu hi.

Glen Stewart Godwin
A nasep: Tools supply, Mechanic, Construction worker
A Ngamtatna: A mihing tha hu thong tak aa, 1987 kum in taiku, suakta. Mexico ngam sung ah kham thei ngui thei zatui taw ki man laleao aa, 1991 ciang thong sung theng laleao, a thong taak pui te khat that lum aa, tua zawk tha 5 ciang thong pan taiku laleao aa, suakta laleao.
Minam: American mikang
Note: A omna a son thei po, US $ 100,000 ki pia tu hi.

Robert William Fisher
A nasep: Surgical Catheter Technician, Respiratory Therapist, fireman
A Ngamtatna: Arizona state sung ah, April, 2001 sung a zi le a ta te 2 that lum ate a inn taw halcip. A pumpi (body) sia fit mama, kawng nat nei tana, lam a seao ciang, a awm dawk viuveo in lam pai thei hi.
Minam: American mikang
Note: A omna a son thei po, US $ 100,000 ki pia tu hi.

Semion Mogilevich
A nasep: Businessman
A Ngamtatna: Canada le US sung businessmen tam mama tung pan sum $ million 150 kiim bang theam. Russia ngam Moscow khua ah inn nei. Russia, Israel, Ukrain le Greek passport atuk toai hi tu in ki um hi.
Minam: Ukrain Mikang
Note: A omna a son thei po, US $ 100,000 ki pia tu hi.

Eduardo Ravelo
A nasep: Ki cian vacinh son tu om ngawl
A Ngamtatna: Kham thei nguai thei za vawt. Mihing tam mama thina ki thalupna sia ama ii order hang hi tu in ki um hi.. Barrio Azteca aki ci gang khat ii captian, lampui pipa hi.
Minam: Sahlone (Latino)
Note: A omna a son thei po, US $ 100,000 ki pia tu hi.

Alexis Flores
A nasep: Handdy man
A Ngamtatna: 2000 kum Pennsylvania state Philadelphia khua ah kum 5 apha pheang numei no khat kidnap ate that lum. A numei no sia July 2000 pan ki pan a bo, aki zazong hi aa, August tha ciang apartment khat sung ah a tawl saan in aki that lum sa in a luang hawm ki mu kik.
Minam: Sahlone (Latino)
Note: A omna a son thei po, US $ 100,000 ki pia tu hi.

Victor Manuel Gerena
A nasep: Machinist, Security guard
A Ngamtatna: 1983 kum Connecticut ah security company pan thau hui thau tang $ million 7 man sut tol. A security sep puite 2 za sun in disable suak sak.
Minam: Sahlone (Latino)
Note: A omna a son thei po, US $ 1 million ki pia tu hi.

Fidel Urbina
A nasep: Ki he ngawl
A Ngamtatna: 1998 March tha numei khat vel ate rape. (Bond) Ar-mah-khan taw tawm vei thong pua a om lai numei dang khat rape laleo ate that lum, a luang hawm motor lui khat ii trunk sung ah nusia. Chicago khua sung ah hi khawm.
Minam: Sahlone (Latino)
Note: A omna a son thei po, US $ 100,000 ki pia tu hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,038 hits

A Lui Te

Twitter Updates

Error: Twitter did not respond. Please wait a few minutes and refresh this page.

Live Trific

google-site-verification: googled172884ff34d55c0.html