Nikonghong

Home » Thuthak » Thuthak July 3, 2012

Thuthak July 3, 2012

Jecky Cheng Kawl ngam pai
Hong kong movie star Jacky Cheng kawl ngam pai aa, ni 3 sung taam tu ci in ki za hi. July 5 ni Sen ngam pan Mandalay airport theng hi. Nitak sang Mandalay mual tung kaa tu hi. UNICEF ii palai (diplomat) seam tu in hong pai hi aa, patang zuak te ngamtatna langpan tu, ahoi ngawlna mihing te tel thei tu thu puak tu in UNICEF palai seam in hong pai ahi hi. Mandalay khua thu neite taw zong ki mu tu ci in ki za hi. July 7 ni ciang Yangon pai tu aa, media tatuam te taw ki mu tu ci in ki za hi.
Source: Myanmar Ahlin

Pu Chin Sian Thang

ZOMI party thak ZCD
Kawl ngam party election committee in Zomi National Congress party ci in ih heak ZNC party sia, ZCD (Zomi Congress for Democracy) min thak taw party registration vawt thei natu khuan pia kik ci in ki za hi. July 5 nihun (date) aki suang saanna lai sia Naypidaw pan ZCD party thu nei te tung ah ki thak aa, nga zo hi ci in ki za hi. ZNC party sia 1990 kum kitealna vawt lai Tedim le Tonzang pan ngual zawna a nga party hi aa, Party lampui sia Pu Chin Sian Thang hi. Pu Chin Sian Thang sia tulaitak Zomi Community, USA te ii zaatakpiak leangnapi in sapna taw, USA pai hi.
Source: Chinworld Info

Falam ah Sya Van Ci lampi ki hong
Khamtung ah keallei sau bel ahi Falam SHS (1) paina lampi vawt man aa, hon poai Falam ah July (3) ni ki vawt hi. SHS saang syapi Sui Fam, saangpatang (200) taw akingawm mihing (400) kiim bang hon poai ah ki hel thei hi. Tua keallei sia pi 440 sau aa, keallei step (169) om hi. Kyat ting 37 bo in aki vawt hi aa, Global Falam Youth Organization (GFYO) lampuina taw aki vawt hi.

Keallei vawtma le vawt zawk

Vawt tu akipat pan kipan Tha khat sung kizo hi ci in GFYO president Salai Phun Hre Mang in son hi.Sya Van Ci sia Zomi bup sung pan education taw a graduate masaphit hi aa, Falam SHS (1) ah Saang syapi (3) vei seam ngei hi.
Source: Chinworld Info

USA ah Sizang ngualnopna (picnic) vawttu
USA ah kum sim Sizang ngualnopna ki vawt tawntung hi. Tu kum ciang pawlpi tatuam sung aki hel Sizang mi theampo ki hel thei natu le, ataangzai zaw tu ngaisutna taw pawlpi tuatuam sung ki hel Sizang mi te taw ngualnopna committee kise aa, amasaphit ngualnopna committee ii meeting sia Pa Tual Mung inn ah ki vawt hi.

Black Hill Regional Park, Maryland

Ngualnopna vawt natu mun zong tu in Pa Tual Mung in vaipuak la aa, Black Hill National park ah vawt tu sua ci in ki za hi. Ngualnopna vawt tu ni sia July 21 hi tu hi.
Source: Sizang Ngualnopna Committee

U Tin Aung Myint Oo

Kawl ngam Vice President tawlngah sawm
Vice President Tin Aung Myint Oo dam ngawlna hang in tawp khuan a nga natu July 2 ni, nihun(date) taw lai ten zo ci in ki za hi. Singapore ah ki bawl nuam ahikom, April 18 ni pan kipan June 30 nidong, khuan (leave) la aa, khuan hun abo ciang tawp khuan nga natu lai ten hi tuak hi. Vice president thak tu sia ngaalkap hlutdaw ahmat teng in July 10 ni ma peuma a teal uh kul tu ci in ki son hi.
Source: Mizzima

NLD alan (flag)

Burma zangh thei ngawl tu Myanmar bekma zangh thei tu
NLD president Aung San Sukyi Europe a vaak sung a thu sonna te ah, Kawl ngam ii min sia, Myanmar luang in Burma ci in a zak hu in Election committee in warning pia laleao ci in ki za hi. Tunung Thailand ngam pan hong cia kik lai zong tubangma warning pia ngei zo hi.

Constitution chapter (1), ano 2na ah (The state shall be know as The Republic of the Union of Myanmar) ci in om ahikom, Kawl ngam ii official min sia Myanmar hi aa, Burma hi ngawl hi. Tua ahikom, constitution kazakta tu, ka zuitu ci in kaciam a paisa khat in, apiaksa kamciam a peal ngawl tu kul hi ci in election committee in NLD zum ah thu zasak hi ci in ki za hi.

Daw Aung San Sukyi sia Erope ngam 5 ah ni 16 sung haw kakoai aa, June tha 30 ni Kawl ngam theng kik hi.

Source: Myanmar Ahlin

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,075 hits

A Lui Te

Live Trific

google-site-verification: googled172884ff34d55c0.html