Nikonghong

Home » Sizang (USA) » USA Sizang/Siyin

USA Sizang/Siyin

1990 kiim khawng pan kipan, ngam sung nuntakna haksat hang in Kawl ngam mi tam mama ngam dang ah nasep nga papo seam tu in ki pusuak hi. 2012 kum ciang Kawl ngam mi ngamdang ah ngam bup mihingsim (population) ii zakhen 12% bang om tu in ki um hi. Sizang mi te zong tua tui luan zui in leitung ngam tuatuam ah ki luang, ki theng hi. Japan, Korea, Thailand, Malaysia, India, Singapore, Australia, USA, UK, Germany le, Sweeden Norway ngam te dong ih ki zel zo hi. Leitung ngam tuatuam ah ih thet kibang ahihang, ih thet dan le ih om daan status kibang siat ngawl hi. Sontena in Japan, Korea ci khawng ah a theng atam zaw sia, tawm vei sum thalaw pak le, a om pak tu dan veu hi zaw aa, ngammi a suak om ngawl phial hi. Thailand, Malaysia, le India a om te zong, tuak ngam tek ah ngammi suak nuam tatak ki om ngawl zaw aa, ngam thumna a theng nuam tam zaw hi.

Thailand, Malaysia le India siisan in ngam thumana atheng teng en leang atam zaw USA le Australia ngam theng hi. Tu ni Kawl ngam puasia Sizang mi tam bel omna ngam sia USA hi tu ka um aa, 900 nai bang om tu ki um hi. Hi teng theampo ii USA thet theina lampi en kik leang atam zaw Malaysia pan hi tha tu ahihang, lampi dang tuatuam pan zong ki theng hi.

2003 August tha 28 ni, Mexico ngam Ciudad Juerez khua pan USA Texas state sung khuapi lian khat ahi El Paso ka tum aa, tua hun lai USA ah Sizang mi 150 kiim khawng om hi. Ka tepte bang ahile, America a theng masa Sizang mi sia Pu Vum Son Suantak te innkuan hi. 1978 kum in anasepna Europe company in America ah naseam tu in puak aa, tua company ah asep nawn ngawl ciang US citizen la in a om suak hi.

Sizang Picnic 2011

2012 kum ciang USA ah Sizang mi 800 vaal 900 nai bang ki teang aa, pilna taw atum pawl khat ih om bangma, mun tatuam, ngam tatuam, lam tatuam pan ki theng tek hi. Ih thet daan tatuam om hikale, akician bel US ih thetna lampi nam 4 om hi.

1. Earliar Pioneer teng: 1990 le 1996 kiim sung teng, Pa Khai Cin Pau, Pa Nyi Nyi Lwin, Sya Vum Khaw Tual te innkuan, Pa Hungh Khan Cin, Pa Ngocinthawng Suantak, Pa Lian Kam, Dr. Huat Za Mang te innkuan, Nu Lian Niang Pau, Nu Cing Thian, Pa Mang Khawm Pau, Pa Khai Khan Dal cite khat zawk ciang khat natheng uh hi. 1996 le 2000 kilaklaw ciang, athengsa te ii sapna taw a innkuanpui te pawl khat ki theng hi. Tu hun sungma teambaw taw pai aa a om suak pawl khat le Korea pan teambaw taw hong pai pawl khat om hi. Kum 2000 cinh hun in USA ah Sizang mi 50 kiim bang om hi. Earliar pioneer hun sung atheng te sia pilna taw atheng pawl khat om aa, tua ngawl teng sia ki heakpui a sam tu ahu tu meal heak neina taw atheng zong om hi. DV taw atheng om aa, teambaw taw atheng zong om hi. Pawl khat sia athengsa te ii sapna taw theng uh hi.

2. The first exodus: 2001 kum thet ciang Guam ah ngambeal seao in US thet theina lam khat om aa, Zomi a tul sim phial in USA theng hi. Sizang mi zong tua sung pawl khat ki hel aa, 2001 pan 2003 sung Sizang mi 100 kiim bang Guam tawn in USA theng hi.

3. Mexico pan: 2003 bo kuan khawng ciang Maxico ngam pan USA sung atum pawl khat ki om laleao hi. Yangon ah Mexico thikzum om ngawl ahikom, Thailand, Bangkok pan Mexico visa la in Mexico ki theng hi. Mexico thet zawk ciang leilam tawn in USA tumto aa, ngambeal ki seao hi. 2003 le 2007 sung Mexico pan USA atheng Sizang mi 12 kiim bang om hi.

4. The second exodus: 2004 khawng ciang kipan Malaysia pan Zomi te atul atul in USA theng laleo hi. Sizang mi zong tam mama hong ki hel aa, tu ni (2012) dong Malaysia pan hong thatheng lai hi. Thailand pan hong theng zong tam ngawl ahihang khat le ni om hi. 2011 kum Sizang address book ki vawt aa, Sizang mihingsim (population) 700 nai om hi. 2012 sung zong lom khat ma hong theng thua ahikom, tulaitak USA ah Sizang mihingsim 800 vaal 900 nai bang om tu in ka um hi.

Atung aa, lampi 4 taw hi ngawl in saang ka tu pai aa a om suak le DV visa lottery taw atheng zong pawl khat om hi. Tua ngawl atam zaw sia a thengsa te ii sapna taw atheng a innkuanpui tek uh ahi hi.

Biakna le Pawlpi: US ka thet sawng 2003 kum in Sizang innkuan ci in tha khat khatvei ki mu ki khoptuana ki vawt zo bek hikale, tuni, Washington DC, Maryland le Virginia kiim ah Sizang min taw biakinn 2 om zo hi. Sizang Burmese Mission Church (SBMC) le US Siyin Baptist Church (USSBC) hi. Washington DC khua laizang Whitehouse taw kinai mamana Calvary Burmese Church (CBC) zong ah Sizang mi tam mama member in ki hel hi. Pawlpi upa le panmun len mun tam mama Sizang mi te in seam hi. Calvary Burmese Church kipat 1997 hunlai akipan phit teng sung pan alang tamzaw sia Sizang mi ahikom tudongma Sizang mi 40 kiim bang CBC sung ki hel aa, member bup ii zakhen 30% bang pha hi.

Nasepna: Atam zaw pilna le lai taan suang in aki theng hi ngawl bek dom ngawl, lai taan keak ih nei zong US kumpi te in hong tepte sak tatak ngawl ahikom setzung le warehouse, an sai ci khawng ah na ki seam bel hi. Own business a seam zong ki tam ngawl ahihang pawl khat ki om hi. 2000 le 2004 kiim dong khawng Sushi sai seam tam ma ki om ahihang, tu hun ciang tam lei nawn ngawl hi. Kumpi zum (Federal) tuatuam ah a seam pawl khat ki om hi.

Thukhupna: USA ah a suak Sizang suan patang zong ki tam mama zo aa, tu ciang dong atam zaw Sizang kam pau thei lai hi. Ahihang saang hong kaa uh ciang English kam ma nuam sa zaw pai hi. Tua ahikom, a pa a nu tetek in inn ah Sizang kam vaset ma a paupui tu uh thupi sa mama ing. Nasep taw kisai ngual khut nuai bebek ah seam ngawl in eima le eima own business nei thei tu thupi sa ing. Yangon, Khamtung le Kawlpi pan meal heak nei te in US thengsa meal heak tetek taw contact ih ki nei tawntung tu thupi sa ing. Topa in Sizang mi te ih omna, ih thetna mun tek ah thupha hong pia ta hen…

Thawngno

niagara 2

Niagara

 

 

sizang 2

Thanksgiving le Sizang Mi

cbcsizang

Calvary Burmese Church le Sizang Mi

 

amish2

Amish te omna Pennsylvania

 

 
Advertisements

4 Comments

  1. Bobita Sarangthem says:

    I am a research scholar in Sizang language at Manipur University, India. Could you please write about kinship terms/terminologies in Sizang/Siyin society. Could you provide me some persons to whom I may contact through email?

    • thawngno says:

      @ Bobita Sarangthem…..What really is you mean by mentioning “writing about kinship terms/terminologies in Sizang/Siyin society.”? Do you mean kinship terminologies between Sizang and Siyin? Kinship terms of what?…..Could you please clearly specify it? Thank you

  2. Halo, Bobita, you are still doing that. This is Michael Suantak.There is a book written in Siyin by the Rundal, someone may have in soft copy.

    • Bobita says:

      Hi how are you. I have been awarded the Ph.D. degree. I am still doing further work on it. Mike, could you suggest me someone to whom i can contact (through email) for any doubt on Sizang.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,038 hits

A Lui Te

Twitter Updates

Error: Twitter did not respond. Please wait a few minutes and refresh this page.

Live Trific

google-site-verification: googled172884ff34d55c0.html