Nikonghong

Home » Business » Dawei Deep Sea Port Project

Dawei Deep Sea Port Project

Nidang ka no lai ka thu zaak ngei khat, Kawl ngam in Tanentari Division kantan in tuiluanna (canel) vawt zo le, Indian Ocean le Pacific Ocean kizopna hi tu aa, teambawte Singapore dong tuak suk kul nawn ngawl tu ahikom, Singapre te thin toi mama tu ci thu hi. Atakpi ziam bang ziam, Singapore te patau takpi ziam hile he bua hing ahihang tu in tua thu hong piang takpi tu hi zo hi.

Tuiluanna (canel) hile hi ngawl aa, Dawei Deep Sea Project ci in news sung ih sisim thei project khat ahihi. Ih heaksa bangma Dawei khua sia Tanentari Division sung khua lian khat hi aa, Dawei pan Thailand khuapi Bangkok dong tai 166.16 miles khuala bek hi. Yangon le Naypyidaw sang nai zaw hi. US omte atu bang tai 166 sia khual haw in zong ki ngaisun ngawl lam hi.

Dawei Project ii ngimna
Indian Ocean ii nitumna sang om ngam theampo ahi, India, Middle East, Africa le Europe pan vanh, namngim pua teambaw tam mama le, nisuana sang ngam ahi Japan, Korea, Taiwan, le Sen ngam ci te ii teambaw tam mama sia Singapore dong a tuak suk detdot sang Dawei le, Bangkok dong pai bek tu cina hi. Dawei le Bangkok kilaklaw lam hoitak kipua tu aa, Dawei khua ah, namngim huanna le setzung tatuam zong ki vawt tu hi. Sontena, Middle east pan namngim sial teambaw taw hong kipua tu aa, Dawei ah huan tu tuak pan Bangkok tawn in South East Asia sung zel kakoi kik tu. Atom in son leang Dawei ah teambaw lian mama te tawlngah thei natu port vawt tu aa, Dawei khua sia industrial khuapi sua tu, Asia ii business hub suatu ci thu hi.

Taangthu atom
May 19, 2008 ni Thailand le Kawl kumpi in Dawei project Memorandum of Understanding (MOU) letmat thuna vawt aa, Dawei pan Bangkok dong motor lam hoi mama vawt tu in thukim uh hi. Italian-Thai Development Company (ITD) company in tua project seam tu in thu kim hi.

June 12, 2008 kum in Kawl kumpi ii Port Authority le ITD company in Dawei deep sea project taw kisai study vawt tu in thukimna (MOU) letmat thu hi. November 2, 2010 ciang in project ii framework taw kisai Kawl kumpi le ITD company thukimna letmat thu laleo aa, ITD company in kum 75 sung Dawei project atu leitang le teambaw tawlngahna port zak theina khuan nga hi.

June25, 2012 ciang, Thailand ii Ministry of Finance pan Dawei Deep Sea Port taw kisai working group committee khat vawt hi. July 23, 2012 ciang Kawl kumpi le Thailand kumpi in ITD company ii Dawei Deep Sea Project sung nasepna taw kisai akisam lai pawl khat kikupna le thukimna (MOU) letmat laleo hi. Tua project sung ah, setmuh zone (industrial zone) 6 in khen tu vai, Dawei pan Bangkok dong meileang lam le motor lam vawt tu vai, Dawei pan Bangkok dong gas pipe line le namngim pipe line vawt tu vai cibang khawng te ki hel siat hi.

Dawei project sung ah nidang hun ciang Dawei-Yangon-Mandalay-Muse-Kunming (Sen ngam) dong meileang lam hoi mama vawt tu thu zong om hi. Dawei Deep Sea project upmawk bang paisuak thei le, South East Asia ii business trading hub (sipuazii vawtna bul) suak thei tu hi ci hi.

Hi project hu in Kawl ngam sung nasep tam mama hong piang tu aa, Kawl kumpi in sipuazii vawt te tung pan pheanse (tax) tam mama nga tu hi. Tua bek dom ngawl hi project aung-mian takpi le Kawl ngam le Thailand bek hi ngawl South East Asia bup in hamphat law tu hi ci in business sang thiamte in son hi.

Dopha: Dawei Development Company

Advertisements

1 Comment

  1. […] Prime Minister Shinzo Abe inn ah vahaw in Kawl ngam Dawei ah Thailand company khat ii nasepna ahi “Dawei Deep Sea” mega project ah Japan company te hong tum natu, hong kihel natu thu son pui hi. Tuani ma, Kawl […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,411 hits

A Lui Te

Live Trific

google-site-verification: googled172884ff34d55c0.html