Nikonghong

Home » Politic » Presidential Debate

Presidential Debate

US president kitealna om nai ciang akidem tu 2 kinialna (debate) veu vawt aa, ngam bup, leitung bup in ngai hi. Party lian bel 2 bekma om aa, Democrat le Republican (GOP) ahibangma Democrat le Republican party 2 ii thu kinialna ci leang zong ki khial ngawl hi. 

1960 kum ma zong hi kinialna debate sia ki vawt ngei hikale, 1960 kum Richard Nixon le John F. Kennedy ii kinialna debate sia officially tatak akhat veina in kiciamte hi. 1960 kinialna sia TV pan ki suaksak aa, tua hun lai US ngam bup mihingsim million 179 om sung pan million 66 vaal in en ahikom, US television taangthu sung ah mihing tam bel ii et record thak suak hi.

1960 kum ma aki vawt kinialnate sung pan a minthang khat sia, 1858 kum ahi hi. Abraham Lincoln le Stephen A. Douglas ki nial aa, series of seven debates ci in mithang hi. Debate taw kisai a heak nop huai taangthu dang khat sia, 1940 kum GOP pan president dem tu hong kaa Wendell Willkie in President Franklin D. Roosevelt challenge ahihang president in uk ngawl aa, nial ahikom, tua kum kinialna om ngawl hi. 1960 kum zawk en leang,  1964, 1968, 1972 kum te zong ah kinialna debate om ngawl hi. 2012 tu kum kinialna sia Obama le Romney kilaklaw 3 vei vawt tu aa, Vice President kinialna 1 vei vawt tu hi.

Timeline

Source: Commission on Presidential Debates – Debate history

Election Number of presidential debates Number of vice presidential debates
1960 Four debates between Vice President Richard Nixon and Massachusetts Senator John F. Kennedy None
1964–1972 No debates held
1976 Three debates between President Gerald Ford and former Georgia Governor Jimmy Carter One debate between Kansas Senator Bob Dole and Minnesota Senator Walter Mondale
1980 † Three debates between President Jimmy Carter, former California Governor Ronald Reagan and Illinois Congressman John B. Anderson were scheduled; along with a Vice Presidential candidates debate between Vice President Walter Mondale, former CIA Director George H. W. Bush, and former Wisconsin Governor Patrick Joseph Lucey. Carter refused to debate if Anderson was present and Reagan refused to debate without Anderson, resulting in the first debate being between Reagan and Anderson only. The second debate and the Vice Presidential debate were both cancelled. Reagan conceded Carter’s demands and the third debate took place with only Carter and Reagan.
1984 Two debates between President Ronald Reagan and former Vice President Walter Mondale One debate between Vice President George H. W. Bush and New York Representative Geraldine Ferraro
1988 Two debates between Vice President George H. W. Bush and Massachusetts Governor Michael Dukakis One debate between Indiana Senator Dan Quayle and Texas Senator Lloyd Bentsen
1992 Three debates among President George H. W. Bush, Arkansas Governor Bill Clinton and businessman Ross Perot One debate among Vice President Dan Quayle, Tennessee Senator Al Gore and former Vice Admiral of the Navy James Stockdale
1996 Two debates between President Bill Clinton and former Kansas Senator Bob Dole One debate between Vice President Al Gore and former Secretary of Housing and Urban Development Jack Kemp
2000 Three debates between Vice President Al Gore and Texas Governor George W. Bush One debate between Connecticut Senator Joe Lieberman and former Secretary of Defense Dick Cheney
2004 Three debates between President George W. Bush and Massachusetts Senator John Kerry One debate between Vice President Dick Cheney and North Carolina Senator John Edwards
2008 Three debates between Arizona Senator John McCain and Illinois Senator Barack Obama One debate between Alaska Governor Sarah Palin and Delaware Senator Joe Biden
2012 Three debates between President Barack Obama and former Massachusetts Governor Mitt Romney One debate between Vice President Joe Biden and Wisconsin U.S. Representative Paul Ryan

 

Kinialna debate vawtna ii ngiimna lian bel sia, undecide voters ci aa, koi sang zaw mee (vote) pia tu ci in a khensat thei ngawl lai te atu aki vawt ahi hi. Khensatna a nei ngawl lai teng in kinialna tung tawn koisang zaw mee pia tu ci in khensat thei uh hi.

Kinialna debate vawt ciang, aki nial te 2 ii son te man man ngawl ci sia news & media te in suak sak kik papai aa, kinial citak kinial tu zong piang thei tuan ngawl hi. Tuabang in a check kik te sung pan langpang ngawl (bipartisan) group ahi factcheck.org te sia man bel ci in mihing tam mama in sang hi.

Obama le Romney debate

2012 atu Obama le Romney ii akhat vei kinialna, University of Denver ah October 3 ni vawt hi. Radio le TV pan ki suaksak aa, kinialna lamsang expert te ii mu bang hi le, Romney in zo cip ci in ki ngaisun hi. Kinialna vawt ma undecided voters tam bel omna state ahi Ohio, Florida poll te en leang Obama ki dei zaw pian ahihang, kinialna debate zawk poll en kik leang Romney a dei hong khangto hi. Obama in kinialna a 2 veina le a 3 veina ciang, a hanciam mama bua le undecided voter atam zaw Romney in luak siat tu ci in ki mu thei hi.

Factcheck.org te ii son teng en tawng.

  • Romney na pheangse (tax) trillion $ 500,000,000 khiam tu thu sung hi ci in Obama na mawsiat hi. Man ngawl hi. Romney ii thu sun sia pheangse $ 500,000,000 ka khiam tu ci ngawl aa, pheangse ka khepna huvau pan kumpi ii deficit* ka khangsak bua tu a ci hi.
  • Romney na sum hau te tung pan pheanse (tax) ka khiam bua tu aa, azawng te tung pan pheanse ka khiam tu, ka tawm sak tu ci hi. Pheangse khiam le kumpi deficit* tam vaial tu hi meakve, kumpi deficit* koi bang ka bo sak tu ci thu a ngaisutna khat zong son ngawl hi.
  • Obama na a healthcare (obamacare) pok nuam lei tana hi bang son hi. “Kum 50 sung Health care premium (health insurance man) kum sim nasia khan mama ahihang, keima sep kum 3 le lang sung kiam citak kiam hi” ci hi. Alang man hi. Obama ii kum 3 le lang sung health care taw kisai kumpi ii sum zakna kiam hi, ahihang health care premium (health insurance man) kiam tuan ngawl hi.
  • “Affordable care (Obamacare) na mihing te tung ah amate tek ii nga thei tu benefit ciangtan sak pai tu hi” ci in Romney na son hi. Man ngawl hi. Obamacare na mihing sim tung ah health insurance manh a tawm thathei tu plan koibang la in ci he sak, advice pia bek aa, mihing te in amate dei bang plan tealna khuan nei hi.
  • Private company te ah nasep thak million 5 bang ama nung tha 30 sung piang hi ci in Obama na son hi. Man thei man ngawl thei hi. Aman le zong tua nasep thak teng sia Bureau of Lobor zum ii sazian sung ah om ngawl lai hi. Tu ni dong Bureau of Lobor ii official sazian sung ah nasep thak 4.6 million bekma ki ciamte hi.
  • Obama na a nasep hun sung kumpi deficit* ase 2  khang sak hi ci in Romney na mawsiat hi. Man ngawl hi. Obama a nasep kipat 2008 lai annual deficit* sia $ 1.2 trillion hi khol zo hi.
  • Obama na sum hau te tung pan pheanse khan kahihang, Bill Clinton hun lai mi hau te tung pan a laak za taw kikim hi ci hi. Man ngawl hi. Obama ii health care law hang in sum hau, company nei employer te ii tax khangto aa, Clinton hun lai tax rate taw kikim in tax la ahihang, health care taw kisai tax pawl khat a vaal in a piak thua uh kul hi.
  • Obama nasep hun sung middle income nei mihing khat ii kum khat a thalaw sum $4,300 bang kiamsuk ci in Romney na son hi. Man siat ngawl hi, uang son lei hi. Census vawtna pan middle income nei mihing te ii kum khat thalaw sum kiam ci in ki mu hi. Ahihang kum khat $ 2,492 kiam hi ci in son sitset hi. Tua sia zong sia sum pawnna (inflation) taw aki tuat zawk ciang hi.

Tua ngawl akhat veina kinialna debate pan heak tu kilawm a son uh thu pawl khat sia:

Kumpi deficit* a khep natu a plan ahi “4 trillion deficit* reduction” thu son aa, ngaal man nai tu hi zo tana tuak pan zong deficit* kiam tu ci thu Obama na a ngaisutna son hi.

Obama ii “Affordabel health care” (Obamacare) zangh tatak leang mihing 20 million bangna health insurance nei ngawl tu hi ci in a ngaisutna son hi.

Biden le Ryan debate

October 11, 2012 ni, the Norton Center for the Arts at Centre College, in Danville, Kentucky ah vawt hi. Hi kinialna ah Ryan in zo zaw hi ci in atam zaw in ngaisun hikale, a zo om tuan bo aci zong tam mama hi. Factcheck.org te ii muna en tawng.

  • Obama ii sum hau te tung pan a pheanse khan sia “small business theampo ii income ii zakhen 53%” bang taw kikim tu hi ci in Ryan na son hi. Man ngawl tu hi. Ryan na sum hau mama business pawl khat sia small business ci in tuat tha hi tu hi.
  • Republican atam zaw HOUSE (Senate) pan US embassy te ii security atu budget $ 300 million bekma pia aa, US embassy te security nidang za ki la zo ngawl tuam ci in mawsiat hi. Man hi.  HOUSE sung republican tam zaw aa, US embassy zak tu budget a piak ciang 2012 kum atu $ 264 million bekma pia hi. Tasia zong sia security bek ah zak tu hi ngawl aa, construction le maintenance atu zong aki hel siatsa hi.
  • Biden ii khua ah nasep nei ngawl mihing a khan za in, USA ngam bup ah khang hi, ci in Ryan na mawsiat hi. Man ngawl hi. Ngam bup in en leang nasep nei ngawl rate sia Obama ii president kipat 2008 lai sang tawm zaw zo hi. Ciang Ryan ii state en leang Obama nasep kipat lai sang zakhen 4% nasep nei ngawl tawm zaw zo hi.
  • Syria president Assad sia a ngam mihing te tam mama thatlum hikale “reformer” ci in Obama kumpi na mu hi ci in Ryan na mawsiat hi. Man hi. Syria ngam buaina pian ciil lai Obama ii Secretary of foreign “Hillary Clinton” na hi bang ci ngei hi. “different leader” who many in Congress believe is “a reformer.”
  • Obama kumpi na kumpi ii dongtawk husum (stimulus) sia Finland ngam electric car vawtna ah pia hi ci in Ryan na mawsiat hi. Man ngawl hi. Electric car te Finland ngam ah ki vawt himakale, dongtawk husum sia Finland ngam ah ki thak/ ki pia ngawl aa, tua electric motor taw kisai USA sung nasep a pian thei natu in ki zangh hi.
  • Osama Bin Laden a tu lei nuai van mong dong ka pai liang bua tu/zon liang kul sa bong Romney na ci hi, ci in Biden na son hi. Man ngawl hi. Romney ii son sia “Terrorists dang te zong tubangma vai in zong tu khi hi” ci zaw hi.
  • Medicare thuneite (official) na Obamacare huvau zato le nursing home 6 sung pan 1 naseam zo ngawl tu hi (out of business) ci hi, ci in Ryan na son hi. Man ngawl hi. Medicare thuneite ii son sia, Zato le nursing home pawl khat Obamacare huvau in supna piang tu aa nung zui kul tu hi, ci zaw hi.
  • Afordabel Care Act (ACA) Obamacare act sung ngam mi te ii piak pheangse taw “abortion” vawt theina om hi ci in Ryan na mawsiat hi. Man ngawl hi. ACA sung ah numei aki vawtsia (rape) le, nau suakla in a nu nuntakna a lau huai le “abortion” vawt theina khuan ki pia hi ci in ki at bek hi.
  • Ryan na bangma sisan tu, nei ngawl pipi, ACA ii cost-saving panel sung a seam tu te bangma thiamna nei khat zong kihel ngawl (“not one of them even has to have medical training.”) ci thathong hi. Man ngawl hi Atatak ciang cost-saving panel sung sia siavuan, pilna nei le professional teng taw aki form up hi nginge hi.

October 16 ni ciang Obama le Romney ii a 2 veina kinialna debate sia Hofstra University in New York ah vawt tu hi. Tasia hun ciang, Romney ma na zo cip kik tu ziam, Obama na hong le zo kik tu ziam, et tu hi vak

TN

Dopha: Wikipedia, FactCheck.org

____________________

*Deficit = Sum tum za sang zakna atam zawk ciang deficit om ki ci hi. US kumpi in deficit trillion 12 bang nei aci ciang, a nga za sang trillion 12 atam zaw in zangh acina hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,424 hits

A Lui Te

Live Trific

google-site-verification: googled172884ff34d55c0.html