Nikonghong

Home » Kawl Ngam » Obama Kawl ngam haw

Obama Kawl ngam haw

Obama in kitealna election a zaw zawk ciang, akidempui GOP (Grand Old Party) Republican te taw kumpi sum minus (deficit) vai in buia aa, GOP te taw kal suan tu dan lungkimna khat vawt hi. Tua zawk ciang ASEAN meeting ka tu Cambodia ngam pai hi. Cambodia ngam athetma, Thailand le Kawl ngam haw hi. Thailan sia US president te nidang theng ngei ahihang Kawl ngam le, Cambodia sia US president kuama haw ngei ngawl lai aa, amasaphitbel hi.

Kawl ngam hong haw nai 6 sung president U Thein Sein taw, Yanong Pyithu Hludaw ah ki mu aa, Daw Aung San Sukyi taw a inn University Ave. ah ki mu hi. Shwedagon pagoda zong theng vazangh aa, Yagon University ah thusonna khat nei aa, mihing 1000 bang pai ci in ki za hi. (Anuai ah a thusonna video ngai tawng) Convocation hall a thusonna ah, Minglapar ci in kawlkam mal khat taw hong pan aa, American-Kawl ngam kipe kizopna, democracy sung tumna kilaina hun sung Kumpi ii vaipuak le Septu, minamno theampo sung kilemna le Yakhine buaina, Kachin buaina te a thusonna sung ah hel hi. Minamno theampo sung ah kilemna a om bua le, kilaina acisia om thei ngei ngawl tu hi, ci in a son sia mipi in dik sa lei ahikom khut beang va-neaou in tha nga mama uh hi tuak hi.

Obama na a thusonna sung ah Kawl ngam ii min sia Burma le Myanmar a 2 ma zangh khawm aa, Aung San Sukyi kung a haw sung a thusonna ah a min tam vei ma lo khial tawntung aa, Aung Yan Sukyi ci tha tawntung ci hi.

Obama muak tu le, mu nuam in mihing tul tam mama lampi tung pusuak ahikom Yangon khua sung traffic jam cip ci in ki za hi. Nitak nai 3:30 PM kiim Mingladon airport pan Cambodia ngam zuan suak hi. Kawl ngam hong haw sung historic datpung pawl khat anuai ah en tawng. (Datpungte a lian zaw in na en nuam le datpung tung ah click le te)

Doppha: Yahoo News, Irrawaddy News

Obama ii thusonna CNN pan:

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 91,022 hits

A Lui Te

Live Trific

google-site-verification: googled172884ff34d55c0.html