Nikonghong

Home » Biakna » Christian ngam America

Christian ngam America

Tu hun American te Pathian thu um tawm mama zo, Biakinn te pai leang khangham bebek ki mu ci in ki nasia son mama hi. Ahihang Gallup poll te ii son bang hi le, US ngammi 10 ah 7 sia biakna lamsang ah hat mama lai ahibuale zong kin vawt mama (moderate) ci hi. Ahihang protestant sung pan sia nidangza haat nawn ngawl aa, hong piang thak min nei ngawl pawlpi tuatuam te ah pawlpi mi tam vaial ci hi.

Citizen theampo ii zakhen 69% sia biakna sang ah kin mama, ahibuale haat mama hi ci hi. Tasia sung pan zakhen 40% sia haat mama aa, Pathian thu sung nuntakna sia keima atu athupi mama thu khat hi ci in saang hi. Gallup poll te na, Jan 2, 2012 pan Nov 30, 2012 sung mihing 320,000 tung a upna le a saanna a dokna pan aki mu thu ahi hi.

God is Alive and Well: The Future of Religion in America ci laibu sung aki at bang ahile:

  • American ngammi te sia kum 23 aphak laitak biakna akin ngawl bel hun hi aa, kum 80 aphak laitak biakna sang ahaat bel hun hi.
  • American numei te sia pa te sang biakna sang haat zaw hi.
  • Mivom (African) te sia adang te sang biakna sang haat zaw hi.
  • Mississippi, Alabama, Louisiana le thangsang state te in biakna haat zaw hi.
  • Pawlpi in son tu hi leang Mormon te sia biakna sang ah haat bel hi.
  • Saksang bel kiu 2 ah om state tea hi, Vermont, New Hampshire, Maine, Oregon, Washington le Alaska te ah a teang te sung ah biakna haat ngawl kin ngawl bel hi.
  • Pilna niam nei te le a zawng te sung ah biakna haat ngawl zaw aa, pilna sang nei le sum nei zaw te sung ah biakna haat zaw hi.
  • Repubican te in Democrat te sang biakna sang haat zaw aa, biakinn zong manman ka zaw hi.
  • Ahihang mivom te sia biakna sang ah ahaat bel hi napi, democrat sung ah atam zaw kihel hi.

Tapidaw thu um mi tawm mama zo ki ci ahihang, 2012 sung ngam mi te tung ah thu dokna vawt kakoaina bang hi le, zakhen 77% na Christian ka hi ci ahikom USA sia Tapidaw ngam hi nginge hi. Tua zakhen 77% sung ah Protestant, Catholic, pawlpi dang pawl khat le Mormon te zong kihel hi.

Mai sang thu sia ki sonkhol thei ngawl himakale, “God Is Alive and Well” sung ah biakna sia American te na thupi sa vaial zaw tu ci in a mu kholna at hi. Banghangziam cile, tupan kipan kum 20 sung bang kum 65 tungsia khangham tam vaial tu aa, tua te in, biakna kin mama tu, tua hang hi, ci in at hi.

Numei te in pa te sang biakna sang akin zawk, ahaat zawkna thu sia, pawlpi lian mama ahi Catholics le Southern Baptist sung ah numei thiampi/saya zangh ngawl, suak thei ngawl ahikom hi. Hi thu taw kisai acing dildel in a sim nuam po anuai website ah ki sim thei hi.

TN

Dopha: Gallup

Advertisements

1 Comment

  1. Cinno says:

    Tha nga cip khi hi .

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,411 hits

A Lui Te

Live Trific

google-site-verification: googled172884ff34d55c0.html