Nikonghong

Home » Politic » CNF le Kawl kumpi thukimna (Dec 2012)

CNF le Kawl kumpi thukimna (Dec 2012)

Kawl kumpi le CNF kilaklaw peace talk a thum veina Yangon ah December nipi masa sung vawt aa, CNF sang pan Pu Zing Cung le member 19 kihel aa, Kawl kumpi sang pan president zum vungyi U Aung Min le member 10 kihel hi. Tutung peace talk kikupna pan thukimna teng sia anuai ateng hi.

  1. Union of Myanmar ci ciang “The Chin Hills Regulation, 1896” taw a ki uk Chin Hill Khamtung ngam, The “Kachin Hill Tribes Regulation” taw aki uk Kachin ngam, “Federated Shan States” taw aki uk Shan ngam le “The Government of Burma Act, 1935” taw aki uk ngam teng 1947 kum February 12 ni aki vawt Panglong agreement taw ngawmtua in aki pan NGAM (Kawl ngam) hi. Minamke (taing-yin-taa) tatuam taw akipan Union of Myanmar hi aa, Aung San le minamke teng kilaklaw Panglong thukimna sung a om bangma minamke te kilaklaw khat le khat ki doidanna om ngawl in kal suan thei vadiam tu in ki lungkim hi.
  2. February 20 sia Zo Minam ni (Chin National Day) hi tu aa, kumpi zum khaak ni (holiday) hi tu hi.
  3. January 3 ni sia Zo Ngam ni (Chin State Day) in tepte tu in Chin State kumpi in vaipuak la tu hi.
  4. Kawl kumpi le CNF kilaklaw kilemna (cease fire) January 6, 2012 ni ki vawt zo ahibangma, tua ni zawk CNF le Zo minam te kilaklaw ngamtatna, tukna sepna khat papo sia, kumpi upadi a paltan buana le ki man thei ngawl tu aa, thu ki sua thei ngawl tu aa, official hi tu hi.
  5. CNF le Chin state kumpi in a sukta Zomi mihing thuneina committee (Chin human rights committee) khat phuan khawm tu hi. Tua committee in Myanmar National human rights commission, Chin state kumpi le CNF te tung ah report puak tawntung tu hi.
  6. Zo ngam khanto natu taw kisai ngam le lei tung ah thu hoi le thu sia pian theina te encik tu in committee khat mihing pil te taw phuan tu hi. Leitung lei nuai vanh piang te ih to ih la tu le, tuak mun ah om mihing te ii ngaisutna thupi ngaisut tu hi.
  7. Ngei akip kilemna nga natu kawl ngalkap le minamke thau toai (taing-yin-ta) theampo ii zui tu thu (siikaan) hong pian thei natu ngambup kikupna level sung ah agendan in hel tu ki lungkim hi.
  8. Zo ngam Thantlang township sung Vang Zang khua, Lungdim khua, Belhar khua, Lungpi khua le, Teddim township sung Dam Pi khua te ah CNF ngalkap te om khuan nga natu ngetna taw kisai kawl kumpi na tha khat sung thu zaaksak kik natu.
  9. CNF ngalkap te ii tukna, paina vakna theampo kawl ngalkap te tung ah za sak tu.
  10. CNF ngalkap te omna kiim ah kawl ngalkap in military exercise a vawt tu le CNF tung ah zasak tu hi.
  11. Kawl kumpi ii heakpuina le thukimna taw CNF le Zo minam te in khantona tu leitung ngam tatuam le NGO te tung pan huna la thei tu.
  12. Kawl kumpi le Chin state kumpi na Zo ngam khantona tu CNF ii hanciamna te ahitheiza hu tu aa, CNF na committee khat official in phuan thei tu aa, INGO le NGO te taw khut ki len in nasep khuan nei tu hi.
  13. 12na taw kisai anuai ateng ki thukim hi.
  • Khuano tatuam te in khanto natu amate le amate a hanciamna taw kisai a sepna a kal suanna te tung, CNF le Chin state kumpi na pan pui tu
  • Amasa phit sep tu vawt tu te taw kisai international pan mihing pil a he, a thiam te ki zangh tu aa, a muna theampo 2013, June tha boma CNF le Chin state kumpi tung ah report tu hi.
  • Ngamdang mi pilna nei te hong tum thei, hong sep thei natu akisamh zum vai, laikung laite vai theampo Kawl kumpi in vaihawm pui tu hi.
  1. Zo minam tatuam te in amate pau tek taw aki luant tu Radio program (community Radio) hong pian thei natu CNF le Chin state kumpi na vaipuak nei tu hi.
  2. Zo ngam sung IT le computer taw kisai khanto natu kawl kumpi, Chin state kumpi le CNF in vaipuak nei tu hi.
  3. Zo ngam sung special economic zone phuan zawk, vawt zawk natu kawl kumpi, Chin state kumpi le CNF na vaipuak nei tu hi.
  4. Khualhaw a ol natu Zo ngam ah a tawmbel vanleang len khat vawt zawk natu kawl kumpi na hong buai pui natu thukim hi.
  5. Tonzang pan Paletwa dong khuapi theampo akizom tu motor lam ki vawt saan aa, lam hoi lam pha mama hong pian thei natu.
  6. Khanto natu akisamphit ahi, tuineak, mei, an neak, pilna, cidamna te Zo ngam sung nuam tatak a om thei natu Kawl kumpi, Chin state kumpi le CNF in vaipuak nei tu aa, amanlaang theibel vaihawm natu.
  7. Zo ngam sung ah hotel le zin nasep sang khanto natu ngamtheampo pan toris te suakta tatak hong vak, hong tum thei natu Kawl kumpi in hong vaihawm pui natu.
  8. Zo ngam sung saanginn primary ah Zo lai sin tato thei natu Kawl kumpi in hong vaihawm pui natu.
  9. Zo minam taw ngeina taw kisai la, lap, tumnging sinna saang te Zo ngam sung akilawmna mun te ah hon natu thukim hi.
  10. Biakna taw kisai Tapidaw le adang upna laibu te suakta tatak in vawt khuan nga natu, Tapidaw le adang upna taw kisai pawl te in inn mun, pawlpi leitang suakta tatak in nei thei natu, upna tatuam in biakinn le kikhopna mun suakta tatak in sak khuan nga natu, ngamtheampo (international) pan upna tatauam le pawlpi tatuam te taw suakta tatak in kizop khuan nga natu, suakta tatak in mission sep khuan nga natu, Zo ngam sung suakta tatak in pai thei vaa khuan nga natu, dongtawk huna le ki huna tatuam taw kisai Kawl kumpi, Chin state kumpi le CNF in khut ki len in sep khop, vaihawm khop natu thukim hi.
  11. Kumpi naseam sung ah za khan natu ahi zong kitealna ahizong, minam, biakna, pasal, numei kidoaidanna a om ngawl natu thukim hi.
  12. Zo ngam sung ah thuthakhawm (Newspaper), journal, magazine, laihawm tatuam, radio, internet, TV program te hawmthiam group tatuam te upadi taw akisi register vawt thei natu khuan nga natu.
  13. CNF na Zo ngam khanto natu fund zon khuan nga natu.
  14. Zo ngam pua sang a teang Zo minam te ii khanto natu, lumuhzi, pilna lamsang le nuamtak in khual haw thei natu Naypidaw, Yangon, Mandalay, Pakhuku, Kalay, Sitdwe le Seikphyu khua te ah Chin State zumke (gay-har)  sak zawk natu Kawl kumpi, Chin state kumpi le CNF te in vaipuak nei khawm in dadam sak tato tu thukim hi.

Atung aa, thukimna teng theampo thukimna ah anuai ateng in letmat thuu hi.

Kawl kumpi sang pan – U Aung Min, U Win Tun, U Hun Ngai, Gen. Zaw Win, U Tun Tun Oo, Col. Kyaw Soe Win, Col. Zaw Min Oo, Col. Kyaw Thant Naing, U Ngun Mawng, U Pau Lian Luan.

CNF sang pan – Pu Zing Cung, Pu Thomas Thang Nou, Pu Paul Sitha, Dr. Sui Khar, Salai Kipp Kho Lian, Pu H.C Ral Hnin, Pu Thang Yen, Colonel Solomon, Pu Thla Hei, Pu Hau Kang, Dr. Lian Hmung Sakhong, Pu Thang Ning Kee, Pu Zo Tum Hmung, Pu Laramlawma, Pu Thawng Za Lian, Pu Ngai Cia Thang, Colonel Than Htun, Major Sang Lian Thang, Major Kha Pawng.

Witness – U Khin Maung Shwe (အမ်ဳိးသားဒီမိုကေရစီအင္အားစု ဥကၠဌ) U Myo Nyunt (ဒီမိုကေရစီႏွင့္ ၿငိမ္းခ်မ္းေရးပါတီ အေထြေထြအတြင္းေရးမွဴး), U Shein Tun (Chin progressive party general secretary 2), Salai Nge Pi (Chin National party secretary), Rev. Dr. Lal Uk, Rev. Tluang Ceu, Rev. Ngun Thawng Mang

Doppha: Khonumthung News

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,075 hits

A Lui Te

Live Trific

google-site-verification: googled172884ff34d55c0.html