Nikonghong

Home » Politic » Korea ngam numei president masabel

Korea ngam numei president masabel

Dec 19, 2012: South Korea ngam ah president kitealna vawt aa, Park Geun-hye na zo hi. 1963 pan 1979 dong president seam aa, dictator khat ci in aki ciamte president Park Chung-hee ii tanu lianbel hi. 1952 February 2, ni suak aa, suapui numei khat le suapui pa khat nei hi. Pasal nei ngawl, ngaknuham hi. Sogang University pan 1974 kum in electrical engineering taw degree nga aa, Zaatakna doctor degree (honorary doctoral) sia Taiwan ngam, Chinese Culture University na1987 kum, Pukyong National University na 2008 kum, KAIST na 2008 kum le, Sogang University na 2010 kum ah pia hi. Doctor degree 4 nga numei khat hi.

A nu sia president Park Chung-hee ii zi sia, August 15, 1974 ni Seoul khua National Theater of Korea ah North Korea mihingte in suamlum ahikom thi aa, tua ni pan kipan, tanu lianbel ahibangma, a nu sep tut eng seam in a pa dinpui, panpui ahikom South Korea ngam ii First Lady za in ki ngaisun hi. A pa president Park Chung-hee sia a khutnuai ah aseam, intelligence chief Gim Jaegyu na, October 26, 1979 ni in suamlum laleou hi. 2008 president kitealna vawt lai zong kidem aa, tu aa president aseam Lee Myung-bak na mee tawm bek taw zo hi. Lee Myung-bak sia abosa tha 2 vaal tha 3 lai khawng Kawl ngam hong haw ngei hi.

Park Geun-hye ii party sia Saenuri Party hi aa, nidang a min lui sia GNP party (Grand National Party) hi. Me theampo ii zakhen 51.6% nga aa, a nina nga Liberal party pan Moon Jay-in na zakhen 47.9% nga hi. February tha ciang president nasep kipan tu hi. Korea ngam ii numei lampui masabel le president masabel suak tu hi. North Korea taw kipe, kizopna sia a thupibel a sep tu thu khat hi tu aa, North Korea tutang ka ngaisutna le ka policy sia president lui Lee Myung-bak taw kibang hi ci in son hi. South Korea ngammi te na ama sia a muantaak mama, thin pha mama anei le hi-hiithiat in na aseam lampui pha mama khat hi ci in mu hi. A pa sia dictator khat ci in ki ngaisun ahikom a dei ngawl zong om aa, a sepna a vawtna theampo dam hiithiat le steady tatak in om ahikom Korea thuthak laihawm (newspaper) Rodong Sinmun na Ice Princess na hi.

Me pia tu ngammi te

Me pia tu ngammi te

Korea 8 Korea 7

Park Geun-hye le aki dem pui teng sung pan a haat bel kik pa Moon Jae-in

Park Geun-hye le aki dem pui teng sung pan a haat bel kik pa Moon Jae-in

Korea 5

A pa president Park ki vui lai.

A pa president Park ki vui lai.

Korea 3 Korea 2

http://en.wikipedia.org/wiki/Park_Geun-hye

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,179 hits

A Lui Te

Live Trific

google-site-verification: googled172884ff34d55c0.html