Nikonghong

Home » Politic » 2013 President Inauguration

2013 President Inauguration

2013 President inauguration sia January 21 ni, (Martin Luther King ni) vawt tu ahikom theng dektak zo hi. 2009 lai mivom president masabel ii inauguration ahikom mihing tam mama aa, record break hi. 2009 kum lai inauguration en tu apai 1.8 million pha hi. Tutung zong mihing tam tha tu ahihang 2009 lai za pha ngawl tu in ki muangmaw hi. Washington DC thuneite na tu kum sia mihing 600,000 pan 800,000 kiim bang pai tu um hi. Kaipui (Police) te zong US ngambup, state theampo pan kisam aa, amate state kaipui uniform tek taw security la tu ci hi.

Inauguration ticket te zong ki zuak aa, tawm vei sung bo pai ci in ki za hi. Eima Kawl ngam bangma a zuak kik nuam te na lei siat hi tuak hi. Azazen a pai nuam, a lei nuam a om le ebay pan ki lei kik thei ci hi. Ase 50 (sawm nga) bang aham zaw in ebay ah ki zuak hi. Nung nipi sung ticket 1 ii manh $ 3,000 theng ci hi.

2009 lai inauguration ii main theme sia “A New Birth of Freedom” hi aa, President Abraham Lincoln ii zak ngei kam mal khat hi. Tua hun lai sia Abraham Lincoln ii kum 200 Birthday taw ki nai si ahikom hi. Tu kum atu inauguration main theme sia “Faith in America’s Future” hi. Tu laitak sia hun haksatna tam mama a om laitak hi, ahihang tute sia eima teal babang apiang vive hi, tuahang in tu kum inauguration ii main theme sia “Faith in America’s Future” ci in aki teal hi, ci in, inaugural ceremonies committee chairman Senator Chuck Schumer (New York) na son hi.

2009 kum Obama president sua lai, America sia siipuazii nasia tatak a taak laitak hi aa, ngaalpi 2 na man zawk the great depression zawk anasia bel in sipuazii taak laitak hi. 2009 January tha sung mihing 818,000 nasep napan ki tawlnga sak (lay off) aa, kum 60 sung a tambel aki lay off sak tha hi. Obama hong ka ciang economy stimulus $ 800 zangh nuam company te tung ah sum puuk nuam ahihang, Republican te na nasia tatak awi ngawl in langpang hi. Tuak pan kipan Democrat le Republican kilaklaw lang ki pang vilvel aa, Obama ii president sep a term khat sung bup pi tua kitel khialna, ki langpanna pai suak hi.

Obama second term kipat tu hun 2013 ciang nasep nei ngawl (unemployment rate) sia zakhen 7,8% om aa, 2010 lai sang sipuazii zong hoi zaw hiat hi. Siipuazi haat ngawl lai ahikom 2013 inauguration sum zakna zong tam mama nawngkai sak tuam hi. Inauguration atu sum zakna sia Company pui (Corporate) te tung pan sum don sawm hi. 2009 lai inaugural committee na sum pia theampo ii min, a khua, a state le a piakza suaksak hi. 2009 kum lai inauguration sung zak tu $ 45 million khon zawk natu tum aa, a nga tatak sia $ 53 million nga hi. 2013 atu bangza zangh tu, bangza tum tu ci te suasak sawm ngawl, mipi tung ah zaksak kik ngawl tu ci in inaugural committee na son hi.

US president inauguration taw kisai datpung lui pawl khat anuai ah en tek tawng.

Yahoo News

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,038 hits

A Lui Te

Live Trific

google-site-verification: googled172884ff34d55c0.html